ಫುಟ್‌ಬಾಲ್ ದಂತಕತೆಯನ್ನು ಭೇಟಿಯಾದ ಶಾರುಖ್ ಖಾನ್, ರಣಾಂಗಣವಾದ ಕೋಲ್ಕತ್ತಾ ಸ್ಟೇಡಿಯಂ

ಯಾವುದೇ ಕ್ರೀಡೆಯಾಗಲಿ ಅಥವಾ ಸಿನಿಮಾ ರಂಗವಾಗಲಿ ಕೆಲವು ವ್ಯಕ್ತಿಗಳು ಇಡೀ ಜಗತ್ತಿನ ಮೇಲೆ ತಮ್ಮದೇ ಆದ ಅಳಿಸಲಾಗದ ಛಾಪು ಮೂಡಿಸಿರುತ್ತಾರೆ. ಅವರ ಒಂದು ನೋಟ, ಒಂದು ಮಾತು, ಒಂದು ಸ್ಪರ್ಶಕ್ಕಾಗಿ ಅಭಿಮಾನಿಗಳು ಕಾದು ಕುಳಿತಿರುತ್ತಾರೆ. ಇಂತಹ ಅಪರೂಪದ ವ್ಯಕ್ತಿಗಳು ಪರಸ್ಪರ ಭೇಟಿಯಾಗುತ್ತಾರೆ ಎಂದರೆ ಆ ಕ್ಷಣ ಒಂದು ಐತಿಹಾಸಿಕ ಘಳಿಗೆಯಾಗಿ ದಾಖಲಾಗುತ್ತದೆ. ಇದೀಗ ಅಂತಹದ್ದೇ ಒಂದು ರೋಚಕ ಭೇಟಿಯ ಕುರಿತ ಸುದ್ದಿ ಇಡೀ ವಿಶ್ವದಾದ್ಯಂತ ಸದ್ದು ಮಾಡುತ್ತಿದೆ.

ಹೌದು,ಒಂದೆಡೆ ಬಾಲಿವುಡ್‌ನ 'ಬಾದ್ ಷಾ' ಎಂದೇ ಖ್ಯಾತಿ ಪಡೆದಿರುವ ನಟ ಶಾರುಖ್ ಖಾನ್. ತಮ್ಮ ಅಭಿನಯದ ಮೂಲಕ ಮತ್ತು ತಮ್ಮ ಸ್ಟಾರ್‌ಡಂ ಮೂಲಕ ಭಾರತೀಯ ಸಿನಿಮಾ ರಂಗವನ್ನು ಅಂತರಾಷ್ಟ್ರೀಯ ಮಟ್ಟಕ್ಕೆ ಕೊಂಡೊಯ್ದಿರುವ ಮೇರು ನಟ. ಇವರ ಪ್ರತಿ ಸಿನಿಮಾದ ಬಿಡುಗಡೆಗೆ ಮುನ್ನ ಇಡೀ ದೇಶವೇ ಇವರತ್ತ ತಿರುಗಿ ನೋಡುತ್ತದೆ ಎಂದರೆ ತಪ್ಪಾಗಲಾರದು. ಅವರ ಗ್ಲೋಬಲ್ ಫ್ಯಾನ್ ಬೇಸ್ ನಿಜಕ್ಕೂ ಅಚ್ಚರಿ ಮೂಡಿಸುತ್ತದೆ.

ಒಂದೆಡೆ ಬಾಲಿವುಡ್‌ನ 'ಬಾದ್ ಷಾ' ಎಂದೇ ಖ್ಯಾತಿ ಪಡೆದಿರುವ ನಟ ಶಾರುಖ್ ಖಾನ್. ತಮ್ಮ ಅಭಿನಯದ ಮೂಲಕ ಮತ್ತು ತಮ್ಮ ಸ್ಟಾರ್ಡಮ್ನಿಂದ ಭಾರತೀಯ ಸಿನಿಮಾ ರಂಗವನ್ನು ಅಂತರಾಷ್ಟ್ರೀಯ ಮಟ್ಟಕ್ಕೆ ಕೊಂಡೊಯ್ದಿರುವ ಮೇರು ನಟ ಇವರು. ತಮ್ಮ ಪ್ರತಿ ಸಿನಿಮಾದ ರಿಲೀಸ್ಗೆ ಮುನ್ನ ಇಡೀ ದೇಶವೇ ಇವರತ್ತ ತಿರುಗಿ ನೋಡುತ್ತದೆ ಎಂದರೆ ತಪ್ಪಾಗಲಾರದು. ಅವರ ಗ್ಲೋಬಲ್ ಫ್ಯಾನ್ ಬೇಸ್ ನಿಜಕ್ಕೂ ಅಚ್ಚರಿ ಮೂಡಿಸುತ್ತದೆ.

ಮತ್ತೊಂದೆಡೆ ಫುಟ್ಬಾಲ್ ಜಗತ್ತಿನ ಸಾರ್ವಕಾಲಿಕ ಶ್ರೇಷ್ಠ ಆಟಗಾರ ಲಿಯೋನೆಲ್ ಮೆಸ್ಸಿ. ಕ್ರೀಡಾ ಜಗತ್ತಿನಲ್ಲಿ ಇವರನ್ನು 'GOAT' (Greatest Of All Time) ಎಂದೇ ಕರೆಯಲಾಗುತ್ತದೆ. ಫುಟ್ಬಾಲ್ ಮೈದಾನದಲ್ಲಿ ಇವರು ಮಾಡುವ ಮ್ಯಾಜಿಕ್, ಇವರ ಆಟದ ವೈಖರಿ ಕೋಟ್ಯಾಂತರ ಅಭಿಮಾನಿಗಳನ್ನು ಹುಚ್ಚೆಬ್ಬಿಸಿದೆ. ಇವರನ್ನು ಕಣ್ತುಂಬಿಕೊಳ್ಳಲು ಇಡೀ ವಿಶ್ವವೇ ತುದಿಗಾಲಲ್ಲಿ ನಿಂತಿರುತ್ತದೆ.

ಬಾಲಿವುಡ್ ಬಾದ್ ಷಾ ಮತ್ತು ಫುಟ್ಬಾಲ್ ಮ್ಯಾಜೀಶಿಯನ್ ಮಿಲನ

ಸಿನಿಮಾ ಹಾಗೂ ಕ್ರೀಡಾ ರಂಗದ ಈ ಎರಡು ಮಹಾನ್ ಪ್ರತಿಭೆಗಳ ಭೇಟಿ ಈಗ ಟಾಕ್ ಆಫ್ ದಿ ಟೌನ್ ಆಗಿದೆ. ಹೌದು ಬಹುನಿರೀಕ್ಷಿತ ಹಾಗೂ ಅಪರೂಪದ ಈ ಸಭೆ ಇತ್ತೀಚೆಗೆ ನಡೆದಿದೆ. ಈ ಇಬ್ಬರೂ ದಿಗ್ಗಜರು ಒಂದೇ ವೇದಿಕೆಯ ಮೇಲೆ ಕಾಣಿಸಿಕೊಂಡಿದ್ದಾರೆ. ಸಹಜವಾಗಿಯೇ ಈ ಭೇಟಿಯ ವಿಚಾರ ವೈರಲ್ ಆಗಿದೆ. ಅಭಿಮಾನಿಗಳ ಸಂತೋಷಕ್ಕೆ ಪಾರವೇ ಇಲ್ಲದಂತಾಗಿದೆ. ಈ ಐತಿಹಾಸಿಕ ಕ್ಷಣದ ವಿಡಿಯೋ ಹಾಗೂ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಧೂಳೆಬ್ಬಿಸುತ್ತಿವೆ.

ಇತ್ತೀಚೆಗೆ ನಡೆದ ಈ ವಿಶೇಷ ಕಾರ್ಯಕ್ರಮದಲ್ಲಿ ಶಾರುಖ್ ಖಾನ್ ಮತ್ತು ಲಿಯೋನೆಲ್ ಮೆಸ್ಸಿ ಮುಖಾಮುಖಿಯಾಗಿದ್ದಾರೆ. ಈ ಇಬ್ಬರೂ ಜಾಗತಿಕ ಐಕಾನ್ಗಳು ಪರಸ್ಪರ ಆತ್ಮೀಯವಾಗಿ ಮಾತನಾಡಿದ್ದಾರೆ. ಹಸ್ತಲಾಘವ ಮಾಡಿದ್ದಾರೆ. ಈ ಇಬ್ಬರ ಭೇಟಿಯ ಸನ್ನಿವೇಶವು ಎಲ್ಲರಿಗೂ ಒಂದು ಹಬ್ಬದ ವಾತಾವರಣವನ್ನು ಸೃಷ್ಟಿಸಿದೆ. ಈ ಭೇಟಿ ಕೇವಲ ಒಂದು ಔಪಚಾರಿಕ ಭೇಟಿಯಾಗಿರಲಿಲ್ಲ. ಇದೊಂದು ಹೃದಯಸ್ಪರ್ಶಿ ಹಾಗೂ ಮಧುರವಾದ ಕ್ಷಣವಾಗಿ ಮಾರ್ಪಟ್ಟಿದೆ.

ಅಬ್ರಾಂ ಖಾನ್‌ಗೆ ಸಿಕ್ತು ಸ್ಪೆಷಲ್ ಆಟೋಗ್ರಾಫ್

ಈ ಸಂದರ್ಭದಲ್ಲಿ ಶಾರುಖ್ ಖಾನ್ ಪುತ್ರ ಅಬ್ರಾಂ ಖಾನ್ ಕೂಡ ಉಪಸ್ಥಿತರಿದ್ದರು. ಫುಟ್ಬಾಲ್ ಅಂದರೆ ಅಬ್ರಾಂಗೆ ಎಲ್ಲಿಲ್ಲದ ಪ್ರೀತಿ. ಜಗತ್ತಿನ ಶ್ರೇಷ್ಠ ಆಟಗಾರ ಮೆಸ್ಸಿಯವರನ್ನು ಎದುರು ನೋಡುತ್ತಿದ್ದ ಅಬ್ರಾಂಗೆ ಈ ಭೇಟಿ ಬಹುದೊಡ್ಡ ಉಡುಗೊರೆ. ಈ ಸುಂದರ ಕ್ಷಣದಲ್ಲಿ ಪುಟ್ಟ ಅಬ್ರಾಂ, ಮೆಸ್ಸಿಯವರ ಬಳಿ ಆಟೋಗ್ರಾಫ್ ಕೇಳಿದ್ದಾರೆ. ಇದಕ್ಕೆ ಮೆಸ್ಸಿ ಕೂಡ ಪ್ರೀತಿಯಿಂದಲೇ ಒಪ್ಪಿಕೊಂಡಿದ್ದಾರೆ.

ಲಿಯೋನೆಲ್ ಮೆಸ್ಸಿ, ಅಬ್ರಾಂ ಖಾನ್ಗಾಗಿ ವಿಶೇಷವಾಗಿ ಸಹಿ ಹಾಕಿದ್ದಾರೆ. ನಂತರ ಅಬ್ರಾಂ ಮತ್ತು ಶಾರುಖ್ ಖಾನ್ ಇಬ್ಬರೂ ಮೆಸ್ಸಿಯವರೊಂದಿಗೆ ಫೋಟೋಗಳಿಗಾಗಿ ಪೋಸ್ ನೀಡಿದ್ದಾರೆ. ಈ ಫೋಟೋಗಳಲ್ಲಿ ಶಾರುಖ್ ಖಾನ್ ಮುಖದಲ್ಲಿನ ಸಂತೋಷ ಎದ್ದು ಕಾಣುತ್ತದೆ. ತಮ್ಮ ಮಗನ ಆಸೆಯನ್ನು ಈಡೇರಿಸಲು ಸಿಕ್ಕ ಈ ಅವಕಾಶಕ್ಕೆ ಶಾರುಖ್ ಕೂಡ ಧನ್ಯವಾದ ಅರ್ಪಿಸಿದ್ದಾರೆ ಎನ್ನಲಾಗಿದೆ. ಈ ಸುಂದರ ದೃಶ್ಯಗಳ ವಿಡಿಯೋ ಈಗ ವೈರಲ್ ಆಗಿದೆ.

ಖುದ್ದು ಶಾರುಖ್ ಖಾನ್ ಅವರೇ ಈ ಅಪರೂಪದ ಭೇಟಿಯ ಕುರಿತು ತಮ್ಮ ಸಂತಸವನ್ನು ಹಂಚಿಕೊಂಡಿದ್ದಾರೆ. ಇಂತಹ ಶ್ರೇಷ್ಠ ಕ್ರೀಡಾಪಟುವನ್ನು ಭೇಟಿಯಾಗಿದ್ದು ಒಂದು ಸುಂದರ ಅನುಭವ ಎಂದು ಶಾರುಖ್ ಹೇಳಿದ್ದಾರೆ. ತಮ್ಮ ಮಗ ಅಬ್ರಾಂನಿಗೆ ಇದು ಸ್ಮರಣೀಯ ಕ್ಷಣ ಎಂದು ಅವರು ತಿಳಿಸಿದ್ದಾರೆ. ಫುಟ್ಬಾಲ್ ಜಗತ್ತಿನ ಈ ದಂತಕಥೆಯ ನಗು, ವಿನಯತೆ ಮತ್ತು ಸರಳತೆ ನಿಜಕ್ಕೂ ಎಲ್ಲರಿಗೂ ಸ್ಪೂರ್ತಿ ನೀಡುವಂತದ್ದು.

ಎಲ್ಲಾ ಸಿನಿಮಾ ಪ್ರೇಮಿಗಳಿಗೆ ಮತ್ತು ಕ್ರೀಡಾ ಅಭಿಮಾನಿಗಳಿಗೆ ಇದೊಂದು ಡಬಲ್ ಧಮಾಕ ಸುದ್ದಿ. ಬಾಲಿವುಡ್ ಮತ್ತು ಫುಟ್ಬಾಲ್ ಜಗತ್ತಿನ ಈ ಐಕಾನ್ಗಳ ಮಿಲನವು ಸದ್ಯಕ್ಕೆ ಎಲ್ಲಾ ಸಾಮಾಜಿಕ ಜಾಲತಾಣಗಳಲ್ಲಿ ಟ್ರೆಂಡಿಂಗ್ನಲ್ಲಿದೆ. ಇಡೀ ವಿಶ್ವವೇ ಈ ಅಪರೂಪದ ಚಿತ್ರಗಳನ್ನು ಕಣ್ತುಂಬಿಕೊಂಡು ಸಂಭ್ರಮಿಸುತ್ತಿದೆ.

ಕಾರ್ಯಕ್ರಮದಲ್ಲಿ ಗಲಾಟೆ ಮತ್ತು ಸ್ಟೇಡಿಯಂ ಧ್ವಂಸ...

ಈ ಐತಿಹಾಸಿಕ ಕಾರ್ಯಕ್ರಮ ಒಂದು ಕಡೆಯಾದರೆ ಇದೇ ಸಂದರ್ಭದಲ್ಲಿ ಲಿಯೋನೆಲ್ ಮೆಸ್ಸಿ ಅವರನ್ನು ಕಣ್ತುಂಬಿಕೊಳ್ಳಲು ಬಂದಿದ್ದ ಸಾವಿರಾರು ಅಭಿಮಾನಿಗಳ ಅತಿಯಾದ ಉತ್ಸಾಹ ಮತ್ತು ನೂಕುನುಗ್ಗಲಿನಿಂದಾಗಿ ಗಲಾಟೆ ಸೃಷ್ಟಿಯಾಗಿತ್ತು. ಮೆಸ್ಸಿಯವರನ್ನು ಹತ್ತಿರದಿಂದ ನೋಡುವ ಭರದಲ್ಲಿ ಕೆಲವೆಡೆ ಭದ್ರತಾ ವ್ಯವಸ್ಥೆ ಕೈಮೀರಿತು ಎನ್ನಲಾಗಿದೆ. ದುರದೃಷ್ಟವಶಾತ್ ಅಭಿಮಾನಿಗಳ ಗುಂಪನ್ನು ನಿಯಂತ್ರಿಸಲು ಸಾಧ್ಯವಾಗದ ಕಾರಣ ಸ್ಟೇಡಿಯಂನ ಕೆಲವು ಭಾಗಗಳಲ್ಲಿ ಆಸ್ತಿಪಾಸ್ತಿ ಹಾನಿಯಾಗಿದ್ದು, ಕೆಲ ಕುರ್ಚಿಗಳು ಮತ್ತು ಇನ್ನಿತರ ಸೌಲಭ್ಯಗಳು ಧ್ವಂಸಗೊಂಡಿರುವ ವರದಿಗಳು ಬಂದಿವೆ. ಕ್ರೀಡಾ ಜಗತ್ತಿನ ಈ ಮಹಾನ್ ವ್ಯಕ್ತಿಯ ಮೇಲಿನ ಅಭಿಮಾನವು ಅಂತಿಮವಾಗಿ ಇಂತಹ ಅಹಿತಕರ ಘಟನೆಗೆ ಕಾರಣವಾಗಿದ್ದು ವಿಪರ್ಯಾಸ.