ಲವ್ವು, ಮದ್ವೆ, ಗಲಾಟೆ.....ಈಗ ವಿಚ್ಛೇದನಕ್ಕೆ ಮುಂದಾದ ಪೂನಂ ಪಾಂಡೆ

ಸಂಬಂಧ ಕಡಿದುಕೊಳ್ಳಲು ನಿರ್ಧಾರ

ಸ್ಯಾಂ ಬಾಂಬೆ ಜೊತೆಗಿನ ಕಲಹದ ಬಗ್ಗೆ ಟೈಮ್ಸ್ ಆಫ್ ಇಂಡಿಯಾಗೆ ಪ್ರತಿಕ್ರಿಯೆ ನೀಡಿರುವ ಪೂನಂ ಪಾಂಡೆ, ಸ್ಯಾಂ ಜೊತೆ ದಾಂಪತ್ಯ ಜೀವನವನ್ನು ಮುಂದುವರಿಸದಿರಲು ತೀರ್ಮಾನಿಸಿದ್ದಾರೆ. ''ಒಳ್ಳೆಯ ದಿನಗಳಲ್ಲಿ, ನಾವು ಅದ್ಭುತ ದಂಪತಿಗಳಾಗಿದ್ದೇವೆ, ಆದರೆ ವಿಷಯಗಳು ಕೊಳಕುಗೊಂಡಾಗ, ಅದರ ಮುಖವೇ ಬೇರೆ ಇರುತ್ತೆ. ದುರದೃಷ್ಟವಶಾತ್, ಇದು ಬುದ್ಧಿವಂತ ನಿರ್ಧಾರವಾಗಿರಲಿಲ್ಲ. 'ಪ್ರೀತಿ ಕುರುಡು' ಎಂಬುದಕ್ಕೆ ನಾನು ಅತ್ಯುತ್ತಮ ಉದಾಹರಣೆ'' ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.

ಗೋವಾದಲ್ಲಿ ನಡೆದಿದ್ದೇನು?

"ಸ್ಯಾಮ್ ಮತ್ತು ನಾನು ಒಂದು ವಿಚಾರಕ್ಕಾಗಿ ವಾದ ಮಾಡಿದೆವು, ಅದು ಉಲ್ಬಣಗೊಂಡಿತು. ಸ್ಯಾಂ ನನ್ನನ್ನು ಹೊಡೆಯಲು ಪ್ರಾರಂಭಿಸಿದನು. ನನ್ನನ್ನು ಉಸಿರುಗಟ್ಟಿಸಿದನು ಮತ್ತು ನಾನು ಸತ್ತೇ ಹೋಗುತ್ತೇನೆ ಎಂದು ಭಾವಿಸಿದೆ. ನನ್ನ ಮುಖಕ್ಕೆ ಬಲವಾಗಿ ಹೊಡೆದ, ನನ್ನ ಕೂದಲನ್ನು ಎಳೆದಾಡಿದ. ನನ್ನ ದೇಹದ ಮೇಲೆ ಮಂಡಿಯೂರಿ, ನನ್ನನ್ನು ಮೇಲೆ ಹಲ್ಲೆ ಮಾಡಿದ. ಕಷ್ಟಪಟ್ಟು ನಾನು ಆ ಕೋಣೆಯಿಂದ ಹೊರಬಂದೆ. ಹೋಟೆಲ್ ಸಿಬ್ಬಂದಿ ಪೊಲೀಸರನ್ನು ಕರೆದರು, ಅವನನ್ನು ಕರೆದೊಯ್ದರು. ನಾನು ಅವನ ವಿರುದ್ಧ ದೂರು ದಾಖಲಿಸಿದೆ'' ಎಂದು ನಟಿ ಹೇಳಿಕೊಂಡಿದ್ದಾರೆ.

ನಾನು ಒಂಟಿಯಾಗಿರಲು ಇಷ್ಟಪಡುತ್ತೇಮನೆ

"ಈ ಸಮಯದಲ್ಲಿ, ಅವನ ಬಳಿ ನಾನು ಮತ್ತೆ ಹಿಂತಿರುಗುವ ಬಗ್ಗೆ ಯೋಚನೆ ಸಹ ಮಾಡಲ್ಲ. ಪರಿಣಾಮದ ಬಗ್ಗೆ ಸಹ ಯೋಚಿಸದೆ ಪ್ರಾಣಿಯಂತೆ ನನ್ನನ್ನು ಹೊಡೆದನು. ನಮ್ಮ ಸಂಬಂಧವನ್ನು ಉಳಿಸುವ ಪ್ರಯತ್ನದಲ್ಲಿ, ನಾನು ತುಂಬಾ ಕಷ್ಟಗಳನ್ನು ಅನುಭವಿಸಿದೆ. ನಿಂದನೀಯ ಸಂಬಂಧಕ್ಕಿಂತ ಹೆಚ್ಚಾಗಿ ಒಬ್ಬಂಟಿಯಾಗಿರಲು ನಾನು ಬಯಸುತ್ತೇನೆ. ನಮ್ಮ ಮದುವೆಯನ್ನು ಕೊನೆಗೊಳಿಸಲು ನಾನು ನಿರ್ಧರಿಸಿದ್ದೇನೆ. ಇದು ನಾನು ಸಾಗುವ ಸಮಯ'' ಎಂದು ಪೂನಂ ತಿಳಿಸಿದ್ದಾರೆ.

Recommended Video

ಕನ್ನಡದ ಚಿತ್ರರಂಗಕ್ಕೆ ಮತ್ತೊಂದು ಆಘಾತ | Filmibeat Kannada

ಜಾಮೀನು ಪಡೆದಿರುವ ಸ್ಯಾಂ

ಪತ್ನಿಯ ಮೇಲೆ ಹಲ್ಲೆ ಮತ್ತು ಕಿರುಕುಳ ಸಂಬಂಧ ಬಂಧನವಾಗಿದ್ದ ಸ್ಯಾಂಗೆ ಜಾಮೀನು ಸಿಕ್ಕಿದೆ. 20000 ಸಾವಿರ ಬಾಂಡ್, ಷರತ್ತು ವಿಧಿಸಿ ನೀಡಿ ಬಿಡುಗಡೆಗೊಳಿಸಲಾಗಿದೆ. ನಾಲ್ಕು ದಿನಗಳ ಕಾಲ ಪೊಲೀಸ್ ಠಾಣೆಯಲ್ಲಿ ಸಹಿ ಮಾಡಬೇಕು ಎಂದು ಸಹ ಸೂಚಿಸಲಾಗಿದೆ.