Don't Miss!
- Lifestyle ಮಕ್ಕಳಲ್ಲಿ ಮಲೇರಿಯಾ: ಹೇಗೆ ಬರುತ್ತದೆ, ಇದರ ಲಕ್ಷಣಗಳೇನು? ತಡೆಗಟ್ಟುವುದು ಹೇಗೆ?
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- News Heavy Rain: ರಣಭೀಕರ ಮಳೆಗೆ ರಾಷ್ಟ್ರೀಯ ಹೆದ್ದಾರಿ ಇಬ್ಭಾಗ: ಭೂಕುಸಿತದಿಂದ ರಸ್ತೆ ಸಂಪರ್ಕ ಬಂದ್-ಎಲ್ಲಿ?
- Automobiles Tata: ಒಬ್ಬರೇ ಬಂದು 2 ಸಾವಿರ ಟಾಟಾ ಎಲೆಕ್ಟ್ರಿಕ್ ಕಾರುಗಳನ್ನು ಖರೀದಿಸಿ ಹೋಗಿಬಿಟ್ಟರು!
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಆಸ್ಕರ್ ಚಿತ್ರ ಗ್ರಂಥಾಲಯಕ್ಕೆ ಪ್ರಭುದೇವ ಚಿತ್ರ
ಭಾರತೀಯ ಚಿತ್ರರಂಗದಲ್ಲಿ ಅದ್ಭುತ ಡ್ಯಾನ್ಸರ್ ಕಮ್ ನಿರ್ದೇಶಕ ಮೈಸೂರಿನ ಮೂಗುರು ಮೂಲದ ಪ್ರಭುದೇವ ಅವರ ಚಿತ್ರವೊಂದು ಅಕಾಡೆಮಿ ಪ್ರಶಸ್ತಿ (ಆಸ್ಕರ್) ಫಿಲಂ ಲೈಬ್ರರಿ ಸೇರಿದೆ. ಇದರಿಂದ ಆಸ್ಕರ್ ಪ್ರಶಸ್ತಿ ಗೆದ್ದಷ್ಟೇ ಸಂಭ್ರಮದಲ್ಲಿ ಪ್ರಭು ದೇವ ಹಾಗೂ ಅವರ ಚಿತ್ರ ತಂಡ ಕುಣಿದಾಡಿದೆ. ಅಕಾಡೆಮಿ ಆಫ್ ಮೋಷನ್ ಪಿಕ್ಚರ್ ಆರ್ಟ್ಸ್ ಅಂಡ್ ಸೈನ್ಸ್ ನ ಲೈಬರಿಗೆ ಪ್ರಭುದೇವ ಅವರು ನಿರ್ದೇಶಿಸಿರುವ ಹಿಂದಿ ಸಿನಿಮಾದ ಚಿತ್ರಕಥೆ ಸೇರ್ಪಡೆಗೊಂಡಿದೆ. ಈ ಚಿತ್ರದ ಸ್ಕ್ರಿಪ್ಟ್ ಇನ್ಮುಂದೆ ಚಿತ್ರ ನಿರ್ಮಾಣಕಾರ, ಸಾಹಿತಿ, ವಿದ್ಯಾರ್ಥಿ, ನಟ, ನಟಿ ಹಾಗೂ ಇನ್ನಿತರ ಸಿನಿಪ್ರೇಮಿಗಳಿಗೆ ಲಭ್ಯವಾಗಲಿದೆ.
ಅಂದ
ಹಾಗೆ,
ಜಗತ್ತಿನ
ಗಮನ
ಸೆಳೆದಿರುವ
ಪ್ರಭುದೇವ
ಅವರ
ನಿರ್ದೇಶನದ
ಚಿತ್ರದ
ಹೆಸರು
R...Rajkumar.
ಬಾಲಿವುಡ್
ನಲ್ಲಿ
ಎಷ್ಟೇನೂ
ಸದ್ದು
ಮಾಡದ
ಆರ್
ರಾಜ್
ಕುಮಾರ್
ಚಿತ್ರ
ಹಾಲಿವುಡ್
ಅಂಗಳಕ್ಕೆ
ಜಿಗಿದಿದ್ದು
ಮಾತ್ರ
ಅಚ್ಚರಿಯ
ಸಂಗತಿ.
ಶಹೀದ್
ಕಪೂರ್
ಹಾಗೂ
ಸೋನಾಕ್ಷಿ
ಸಿನ್ಹಾ
ಅಭಿನಯಿಸಿರುವ
ಈ
ಚಿತ್ರ
ಪಕ್ಕಾ
ಠಪೋರಿ
ಸ್ಟೈಲ್
ಲವ್
ಸ್ಟೋರಿ
ಕಥೆ
ಹೊಂದಿದೆ.
ಜಬ್ ವೀ ಮೆಟ್, ಕಮೀನೆ ನಂತರ ಶಹೀದ್ ಕಪೂರ್ ಅವರ ವೃತ್ತಿ ಬದುಕಿನಲ್ಲಿ ಆರ್ ರಾಜ್ ಕುಮಾರ್ ತಕ್ಕಮಟ್ಟಿನ ಯಶಸ್ಸು ತಂದುಕೊಟ್ಟ ಚಿತ್ರ. ಆದರೆ, ವಿಮರ್ಶಕರಿಂದ ಹೆಚ್ಚಿನ ಮೆಚ್ಚುಗೆ ಈ ಚಿತ್ರಕ್ಕೆ ಸಿಕ್ಕಿರಲಿಲ್ಲ. ಪ್ರಭುದೇವ, ಸುನಿಲ್ ಅಗರವಾಲ್, ರವಿ ಎಸ್ ಸುಂದರಂ ಅವರ ಸೃಜನಶೀಲತೆಗೆ ವಿಶ್ವಮಾನ್ಯತೆ ಸಿಕ್ಕಿದೆ. ಈ ಚಿತ್ರಕ್ಕೆ ಶಿರಾಜ್ ಅಹ್ಮದ್ ಅವರು ಸಂಭಾಷಣೆ ಒದಗಿಸಿದ್ದರು.
ಅಕಾಡೆಮಿ ಲೈಬ್ರರಿಗೆ ಆರ್ ರಾಜ್ ಕುಮಾರ್ ಚಿತ್ರಕಥೆ ಸೇರ್ಪಡೆಗೊಂಡಿದ್ದನ್ನು ಪ್ರಭುದೇವ ಅವರು ಖಾಸಗಿ ಸುದ್ದಿವಾಹಿನಿಯೊಂದಿಗೆ ಮಾತನಾಡುತ್ತಾ ಖಚಿತಪಡಿಸಿದ್ದಾರೆ. ಸದ್ಯ ಬ್ಯಾಂಕಾಕಿನಲ್ಲಿ ತಾವು ನಿರ್ದೇಶಿರುತ್ತಿರುವ ಅಜಯ್ ದೇವಗನ್ ನಾಯಕತ್ವದ ಹೊಸ ಚಿತ್ರ ಆಕ್ಷನ್ ಜಾಕ್ಸನ್ ಚಿತ್ರೀಕರಣದಲ್ಲಿ ಪ್ರಭುದೇವ ಬ್ಯುಸಿಯಾಗಿದ್ದಾರೆ. ಆಸ್ಕರ್ ಲೈಬ್ರರಿಗೆ ನನ್ನ ನಿರ್ದೇಶನದ ಚಿತ್ರವೊಂದು ಸೇರ್ಪಡೆಗೊಳ್ಳುತ್ತಿರುವ ವಿಷಯ ಕೇಳಿ ಥ್ರಿಲ್ ಆಗಿಬಿಟ್ಟೆ. ನನ್ನ ಚಿತ್ರದ ನಿರ್ಮಾಪಕ ವಿಕಿ ರಾಜನಿ ಆವರ ಪ್ರಯತ್ನ ಸಫಲವಾಗಿದೆ. ಹಿಂದಿ ಚಿತ್ರರಂಗಕ್ಕೆ ಕಾಲಿಟ್ಟ ನಂತರ ಮೂರು ರಿಮೇಕ್ ಚಿತ್ರಗಳನ್ನು ನೀಡಿದೆ. ಆದರೆ, ಆರ್ ರಾಜ್ ಕುಮಾರ್ ಸ್ವಂತವಾಗಿ ಕಥೆ ಬರೆದ ಚಿತ್ರವಾಗಿದ್ದು, ಆಸ್ಕರ್ ಅಕಾಡೆಮಿ ಮಾನ್ಯತೆ ಸಿಕ್ಕಿದ್ದು ತುಂಬಾ ಖುಷಿಯಾಗಿದೆ ಎಂದಿದ್ದಾರೆ.
ಲಗಾನ್, ಚಕ್ ದೆ ಇಂಡಿಯಾ, ರಾಜ್ ನೀತಿ ಹಾಗೂ ದೇವದಾಸ್ ಚಿತ್ರಗಳ ಸಾಲಿಗೆ ಈಗ ಆರ್ ರಾಜ್ ಕುಮಾರ್ ಚಿತ್ರ ಸೇರ್ಪಡೆಗೊಂಡಿದೆ. ವಿವಾದಿತ ಚಿತ್ರ ಡ್ಯಾಮ್ 999 ಕೂಡಾ ಭಾರತೀಯ ಚಲನಚಿತ್ರಗಳ ವಿಭಾಗದಲ್ಲಿ ಬಿಡುಗಡೆಗೆ ಮುನ್ನವೇ ಸೇರ್ಪಡೆಗೊಂಡಿದ್ದನ್ನು ಇಲ್ಲಿ ಸ್ಮರಿಸಬಹುದು.