ಬಾಲಿವುಡ್ ನಲ್ಲಿ ಪ್ರಣೀತಾಗೆ ಬಂಪರ್ ಆಫರ್: ಅದೃಷ್ಟ ಅಂದ್ರೆ ಇದು.!

ಅಜಯ್ ದೇವಗನ್ ಚಿತ್ರದಲ್ಲಿ ಪ್ರಣೀತಾ ಸುಭಾಷ್

ದಕ್ಷಿಣ ಭಾರತದ ಸುಂದರಿ ಪ್ರಣೀತಾ ಸುಭಾಷ್ ಗೆ ಮೊದಲು ಆಫರ್ ಕೊಟ್ಟವರು ಬಾಲಿವುಡ್ ನಟ ಅಜಯ್ ದೇವಗನ್. ತಮ್ಮ ಸಿನಿಮಾ 'ಭುಜ್: ದಿ ಪ್ರೈಡ್ ಆಫ್ ಇಂಡಿಯಾ' ಚಿತ್ರದಲ್ಲಿ ಪ್ರಣೀತಾ ಸುಭಾಷ್ ಗೆ ಅಭಿನಯಿಸುವ ಅವಕಾಶವನ್ನ ಅಜಯ್ ದೇವಗನ್ ನೀಡಿದ್ದಾರೆ. ಅಂದ್ಹಾಗೆ, 'ಭುಜ್: ದಿ ಪ್ರೈಡ್ ಆಫ್ ಇಂಡಿಯಾ' ಚಿತ್ರದ ನಿರ್ಮಾಪಕರಲ್ಲಿ ಅಜಯ್ ದೇವಗನ್ ಕೂಡ ಒಬ್ಬರು.

ಬಾಲಿವುಡ್ ನಟ ಅಜಯ್ ದೇವಗನ್ ಪತ್ನಿಯಾದ ಕನ್ನಡತಿ ಪ್ರಣೀತಾ

ನೈಜ ಘಟನೆ ಆಧಾರಿತ ಚಿತ್ರ

1971 ರಲ್ಲಿ ನಡೆದ ಭಾರತ-ಪಾಕಿಸ್ತಾನ ನಡುವಿನ ಯುದ್ಧದ ಸುತ್ತ 'ಭುಜ್: ದಿ ಪ್ರೈಡ್ ಆಫ್ ಇಂಡಿಯಾ' ಚಿತ್ರದ ಕಥೆ ಹೆಣೆಯಲಾಗಿದೆ. ಯುದ್ಧದ ಸಮಯದಲ್ಲಿ ಗುಜರಾತ್ ನ ಭುಜ್ ಏರ್ ಬೇಸ್ ನಾಶಗೊಂಡಿತ್ತು. ಅದನ್ನ ಮರುನಿರ್ಮಾಣ ಮಾಡಲು ಭಾರತೀಯ ವಾಯುಸೇನೆಗೆ ಅಲ್ಲಿನ ಮುನ್ನೂರು ಮಹಿಳೆಯರು ಸಹಾಯ ಮಾಡಿದ್ದರು. ಈ ಘಟನೆಯನ್ನು ಇಟ್ಟುಕೊಂಡು ಅಭಿಶೇಕ್ ಧುಧೇಯಾ 'ಭುಜ್: ದಿ ಪ್ರೈಡ್ ಆಫ್ ಇಂಡಿಯಾ' ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಈ ಚಿತ್ರದಲ್ಲಿ ಸ್ಕ್ವಾಡ್ರನ್ ಲೀಡರ್ ವಿಜಯ್ ಕಾರ್ಣಿಕ್ ಆಗಿ ಅಜಯ್ ದೇವಗನ್ ನಟಿಸುತ್ತಿದ್ದಾರೆ.

ನಟಿ ಪ್ರಣೀತಾ ಸುಭಾಷ್ ಮನೆಗೆ ಬಂತು ಹೊಸ ಕಾರು.!

ದೊಡ್ಡ ತಾರಾಬಳಗ

'ಭುಜ್: ದಿ ಪ್ರೈಡ್ ಆಫ್ ಇಂಡಿಯಾ' ಚಿತ್ರದಲ್ಲಿ ಸಂಜಯ್ ದತ್, ಸೋನಾಕ್ಷಿ ಸಿನ್ಹ, ರಾನಾ ದಗ್ಗುಬಾಟಿ, ವಿಕ್ಕಿ ಪೂಜಾರಿ ಸೇರಿದಂತೆ ಹಲವು ನಟಿಸುತ್ತಿದ್ದಾರೆ. ಇವರೆಲ್ಲರ ಜೊತೆಗೆ ಪ್ರಣೀತಾ ಸುಭಾಷ್ ಕೂಡ ಮುಖ್ಯಭೂಮಿಕೆಯಲ್ಲಿದ್ದಾರೆ. ಬರೋಬ್ಬರಿ ನೂರು ಕೋಟಿ ಬಜೆಟ್ ನಲ್ಲಿ ಈ ಚಿತ್ರ ತಯಾರಾಗಲಿದೆ. 2020 ಆಗಸ್ಟ್ 14 ರಂದು ಈ ಸಿನಿಮಾ ತೆರೆಗೆ ಬರಲಿದೆ.

ಹಂಗಾಮ-2 ಚಿತ್ರದಲ್ಲಿ ಪ್ರಣೀತಾ

ಇನ್ನೂ 'ಭುಜ್: ದಿ ಪ್ರೈಡ್ ಆಫ್ ಇಂಡಿಯಾ' ಜೊತೆಗೆ 'ಹಂಗಾಮ-2' ಚಿತ್ರದಲ್ಲಿ ನಟಿಸಲು ಪ್ರಣೀತಾ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ. 2003 ರಲ್ಲಿ ತೆರೆಕಂಡ ಕಾಮಿಡಿ ಚಿತ್ರ 'ಹಂಗಾಮ' ಹಿಟ್ ಆಗಿತ್ತು. ಇದೀಗ ಅದರ ಮುಂದುವರಿದ ಭಾಗ 'ಹಂಗಾಮ-2' ತಯಾರಾಗುತ್ತಿದೆ. ಪ್ರಿಯದರ್ಶನ್ ನಿರ್ದೇಶನ ಮಾಡುತ್ತಿರುವ ಈ ಚಿತ್ರದಲ್ಲಿ ಮೀಝಾನ್ ಜೆಫ್ರಿ ಮತ್ತು ಪ್ರಣೀತಾ ನಟಿಸುತ್ತಿದ್ದಾರೆ. ಒಟ್ಟೊಟ್ಟಿಗೆ ಎರಡು ಬಾಲಿವುಡ್ ಸಿನಿಮಾದಲ್ಲಿ ಬಿಜಿಯಾಗಿರುವ ಪ್ರಣೀತಾ ಸುಭಾಷ್ ಲಕ್ಕಿನೇ.!