Don't Miss!
- Automobiles XUV300: ಮಹೀಂದ್ರಾ ಎಕ್ಸ್ಯುವಿ300 ಕಾರನ್ನು ನಿಮ್ಮ ಮನೆಗೆ ತರಬೇಕೇ.. ಆನ್-ರೋಡ್ ಬೆಲೆ ಎಷ್ಟು, EMI ಏನು?
- Finance ಲೋಕಸಭಾ ಚುನಾವಣೆ 2024: ಟಾಪ್ 10 ಶ್ರೀಮಂತ ಅಭ್ಯರ್ಥಿಗಳು ಇವರು
- Technology OnePlus: ಒನ್ಪ್ಲಸ್ ವಾಚ್ 2 ನಾರ್ಡಿಕ್ ಬ್ಲೂ ಆವೃತ್ತಿ ಲಾಂಚ್! ಬೆಲೆ ಎಷ್ಟು?
- News ಲೋಕಸಭೆ ಚುನಾವಣೆ : ಶೇ 100ರಷ್ಟು ಮತದಾನವಾದರೆ ಸಿಗಲಿದೆ ಪ್ರಶಸ್ತಿ
- Sports IPL 2024: ಮತ್ತೊಂದು ರೋಚಕ ಪಂದ್ಯದಲ್ಲಿ SRH vs RCB ಕದನ; ಪಂದ್ಯದ ವಿವರ, ಸಂಭಾವ್ಯ ಆಡುವ 11ರ ಬಳಗ
- Lifestyle ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಮೀರ್ ಖಾನ್ ಜತೆ ಸೀಕ್ರೇಟ್ ಮದುವೆಯಾಗಿದ್ದರೇ ಗುಳಿಕೆನ್ನೆ ಹುಡುಗಿ?: ಪ್ರೀತಿ ಜಿಂಟಾ ಹೇಳಿದ ಸತ್ಯ
ಬಾಲಿವುಡ್ ಎಂದರೆ ಗಾಸಿಪ್ ಲೋಕ. ನಟ ನಟಿಯರು ತಮ್ಮ ಸಿನಿಮಾಗಳ ಅಭಿನಯಕ್ಕಿಂತಲೂ ಗಾಸಿಪ್ಗಳ ಕಾರಣದಿಂದ ಸುದ್ದಿಯಲ್ಲಿರುತ್ತಾರೆ. ಅದರಲ್ಲಿಯೂ ನಟ-ನಟಿಯರ ನಡುವೆ ಅದೇನೋ ನಡೆಯುತ್ತಿದೆ ಎಂಬ ಮಾತುಗಳು ಸರ್ವೇ ಸಾಮಾನ್ಯ. ಇದರಿಂದ ಮದುವೆಯಾದ ಕಲಾವಿದರೂ ಹೊರತಲ್ಲ. ಬಾಲಿವುಡ್ ಮಂದಿಯೂ ಇದಕ್ಕೆ ಹೆಚ್ಚು ತಲೆಕೆಡಿಸಿಕೊಳ್ಳುವುದಿಲ್ಲ. ಇಲ್ಲಿ ಬ್ರೇಕಪ್ಗಳು, ಹೊಸ ಬೆಸುಗೆಗಳು ಕೂಡ ಅಷ್ಟೇ ಮಾಮೂಲು.
Recommended Video
ಅಮೀರ್ ಖಾನ್ ಮತ್ತು ಅವರ ಮೊದಲ ಪತ್ನಿ ರೀನಾ ದತ್ತಾ ವೈವಾಹಿಕ ಬದುಕು 2002ರಲ್ಲಿ ಮುರಿದುಬಿದ್ದಾಗ ಎಲ್ಲರ ಕಣ್ಣು ನೆಟ್ಟಿದ್ದೇ ಪ್ರೀತಿ ಜಿಂಟಾ ಕಡೆಗೆ. ಎಲ್ಲರೂ ಪ್ರೀತಿ ಜಿಂಟಾ ಕಡೆಗೆ ಕೈತೋರಿಸತೊಡಗಿದ್ದರು. ಅಷ್ಟೇ ಅಲ್ಲ, ಅಮೀರ್ ಮತ್ತು ಪ್ರೀತಿ ಗುಟ್ಟಾಗಿ ಮದುವೆಯಾಗಿದ್ದಾರೆ ಎಂಬ ಸುದ್ದಿ ಕಾಳ್ಗಿಚ್ಚಿನಂತೆ ಹರಡಿತ್ತು.
ಆಲಿಯಾ ಭಟ್-ರಣಬೀರ್ ಕಪೂರ್ ಪ್ರೀತಿಯಲ್ಲಿ ಮತ್ತೆ ಬ್ರೇಕ್ಅಪ್?
ಅಮೀರ್ 'ರಹಸ್ಯ ಮದುವೆ' ಸುದ್ದಿ
ಇತ್ತೀಚೆಗೆ ಕಾರ್ಯಕ್ರಮವೊಂದರಲ್ಲಿ ಪ್ರೀತಿ ಜಿಂಟಾ ತಮ್ಮ 'ರಹಸ್ಯ ಮದುವೆ' ಬಗ್ಗೆ ಹರಿದಾಡಿದ ಗಾಳಿಮಾತುಗಳ ಕುರಿತು ಮಾತನಾಡಿದ್ದಾರೆ. 'ಅಮೀರ್ ಖಾನ್ ನನ್ನ ಬಹಳ ಆತ್ಮೀಯ ಸ್ನೇಹಿತ. 'ದಿಲ್ ಚಹ್ತಾ ಹೈ' ಚಿತ್ರದಲ್ಲಿ ನಾವಿಬ್ಬರೂ ಉತ್ತಮ ಬಾಂಧವ್ಯ ಹೊಂದಿದ್ದೆವು. ಅವರ ಖಾಸಗಿ ಬದುಕಿನಲ್ಲಿ ಎಲ್ಲವೂ ಸರಿಯಿಲ್ಲ ಎನ್ನುವಂತಾದಾಗ, ಜನರಿಗೆ ಕಾಣಿಸಿದ್ದೇ ನನ್ನ ಹೆಸರು.
ಮಿಸೆಸ್ ಅಮೀರ್ ಎಂದರು
ಅಮೀರ್ ಜತೆಗೆ ಹೆಸರು ತಳಕು ಹಾಕಲು ಹತ್ತಿರದಲ್ಲಿ ಇದ್ದ ವ್ಯಕ್ತಿಯೆಂದರೆ ಅದು ನಾನು. ಏಕೆಂದರೆ ಅವರು ಆಗ ಕೊನೆಯ ಸಿನಿಮಾವನ್ನು ನನ್ನ ಜತೆಗೆ ಮಾಡಿದ್ದರು. ಹೀಗಾಗಿ ನಾನು ಇದ್ದಕ್ಕಿದ್ದಂತೆ ಮಿಸೆಸ್ ಅಮೀರ್ ಖಾನ್ ಆಗಿಬಿಟ್ಟೆ. ನಾನು ಹೋದ ಎಲ್ಲ ಕಡೆಯೂ 'ನನಗೆ ಮದುವೆಯಾಗಿಲ್ಲ' ಎಂದೇ ಹೇಳತೊಡಗಿದೆ ಎಂದು ಪ್ರೀತಿ ನೆನಪಿಸಿಕೊಂಡಿದ್ದಾರೆ.
ಕತ್ರೀನಾ ಕೈಫ್ ಮೇಲೆ ಕಳ್ಳತನದ ಆರೋಪ ಹೊರಿಸಿದ ದೀಪಿಕಾ ಪಡುಕೋಣೆ!
ಸಂಜಯ್ ದತ್ ತಂದೆಯಂತೆ
ಹಾಗೆಯೇ ಸಂಜಯ್ ದತ್ ಜತೆಗೂ ಪ್ರೀತಿ ಹೆಸರು ಥಳಕು ಹಾಕಿಕೊಂಡಿತ್ತು. 'ನನಗೆ ನಿಜಕ್ಕೂ ಆಘಾತವಾಗಿತ್ತು. ಅಷ್ಟೇ ಅಲ್ಲ ಈ ಸುದ್ದಿ ವಾಕರಿಕೆ ತರಿಸಿತ್ತು. ನಾನು ಸಂಜು ಅವರನ್ನು ಪ್ರೀತಿಸುತ್ತೇನೆ. ನಾನು ಚಿಕ್ಕ ಮಗುವಾಗಿದ್ದಾಗಿನಿಂದಲೂ ಅವರನ್ನು ಪ್ರೀತಿಸುತ್ತಿದ್ದೇನೆ. ಅವರು ನನಗೆ ತಂದೆ ಇದ್ದಂತೆ' ಎಂದು ಬೇಸರದಿಂದ ಹೇಳಿದ್ದಾರೆ.
ಪುಟ್ಟ ತಂಗಿಯಂತೆ ನೋಡುತ್ತಾರೆ
'ಅವರು ನನ್ನನ್ನು ಪ್ರೀತಿ ಎಂಬ ಹೆಸರಿನಿಂದಲೂ ಕರೆಯುವುದಿಲ್ಲ. ಯಾಕು ಎಂದೇ ಕರೆಯುತ್ತಾರೆ. ನನ್ನನ್ನು ಅವರ ಚಿಕ್ಕ ತಂಗಿಯಂತೆ ನೋಡಿಕೊಳ್ಳುತ್ತಾರೆ. ನನ್ನ ಸುತ್ತಲೂ ತೋಳು ಬಳಸಿ ಹೇಗಿದ್ದೀಯಾ ಎಂದು ಕೇಳುತ್ತಾರೆ. ಅಂತಹವರ ಜತೆಗೆ ನನ್ನ ಹೆಸರು ಲಿಂಕ್ ಮಾಡಿದ್ದು ಅಸಹ್ಯ ಮೂಡಿಸಿತ್ತು' ಎಂದಿದ್ದಾರೆ.
ಸಹ ನಟರು ಎಂದಿಗೂ ಗೆಳೆಯರು
ಎಂದಿಗೂ ತಾವು ಸಹ ನಟರೆಡೆಗೆ ಆಕರ್ಷಿತರಾಗಿದ್ದೇ ಇಲ್ಲ ಎಂದು ಪ್ರೀತಿ ಹೇಳಿಕೊಂಡಿದ್ದಾರೆ. 'ನನ್ನ ಎಲ್ಲ ಸಹ ನಟರನ್ನೂ ಪ್ರೀತಿಸುತ್ತೇನೆ. ಅವರೆಲ್ಲರೂ ನನ್ನ ಗೆಳೆಯರು. ಅವರಲ್ಲಿ ಅರ್ಧದಷ್ಟು ಜನರು ವಿವಾಹಿತರು ಎಂಬ ಸತ್ಯವನ್ನೂ ಗೌರವಿಸುತ್ತೇನೆ ಎಂದಿರುವ ಪ್ರೀತಿ, ತಾವು ಎಂದಿಗೂ ಮನೆ ಮುರಿಯುವವರಲ್ಲ ಎಂದು ಹೇಳಿದ್ದಾರೆ.
ಕರಿಷ್ಮಾ ಕಪೂರ್ 'ಸ್ಟಾರ್' ಆಗಿದ್ದು ನನ್ನಿಂದಾಗಿ ಎಂದ ಜೂಹಿ ಚಾವ್ಲಾ
ಒಂದೇ ದೋಣಿಯ ಪಯಣಿಗರು
'ನಾನು ಯಾವತ್ತೂ ನನ್ನ ಸಹ ನಟರ ಕಡೆಗೆ ಆಕರ್ಷಿತಳಾಗಲೇ ಇಲ್ಲ. ಏಕೆಂದರೆ ಹೆಚ್ಚಿನ ಸಮಯದಲ್ಲಿ ಅವರು, 'ನನ್ನ ತಲೆಗೂದಲು ಸರಿ ಕಾಣಿಸುತ್ತದೆಯೇ? ನನ್ನ ಷರ್ಟ್ ಚೆನ್ನಾಗಿ ಕಾಣಿಸುತ್ತದೆಯೇ? ಎಂದು ಕೇಳುವಂತಹವರು. ನಾನು 'ನನ್ನ ಮೂಗಿನ ಮೇಲೆ ದೊಡ್ಡ ಮೊಡವೆಯಾಗಿದ್ದು ಕಾಣಿಸುತ್ತದೆಯೇ' ಎಂದು ಕೇಳುವಂತಹವಳು. ನಮ್ಮ ನಡುವಿನ ಸಂಬಂಧ ಹೀಗಿತ್ತು. ಇದು ಒಂದೇ ದೋಣಿಯಲ್ಲಿರುವ ಇಬ್ಬರು ವ್ಯಕ್ತಿಗಳ ನಡುವಿನ ಸಂಬಂಧದಂತೆ' ಎಂದು ತಿಳಿಸಿದ್ದಾರೆ.