ಪ್ರಿಯಾಂಕಾ ಜೊತೆ ಭಾರತಕ್ಕೆ ಬಂದ ನಿಕ್ ಜೊನಾಸ್: ಏನು ವಿಶೇಷ.?

ಗೃಹಪ್ರವೇಶ ಸಂಭ್ರಮ

ಮುಂಬೈನ ಕಡಲ ಕಿನಾರೆಯಲ್ಲಿ ನಟಿ ಪ್ರಿಯಾಂಕಾ ಛೋಪ್ರಾ ಒಂದು ಬಂಗಲೆ ಖರೀದಿ ಮಾಡಿದ್ದಾರೆ. ಆ ಬಂಗಲೆಯ ಗೃಹಪ್ರವೇಶ ಸಮಾರಂಭಕ್ಕೆ ನಿಕ್ ಜೊನಾಸ್ ಕೂಡ ಪಾಲ್ಗೊಂಡಿದ್ದರು.

ಕುಟುಂಬಕ್ಕೆ ನಿಕ್ ಜೊನಾಸ್ ಪರಿಚಯ

ಈಗಾಗಲೇ ಪ್ರಿಯಾಂಕಾ ರನ್ನ ತಮ್ಮ ತಂದೆ-ತಾಯಿಗೆ ನಿಕ್ ಜೊನಾಸ್ ಪರಿಚಯ ಮಾಡಿಕೊಟ್ಟಿದ್ದಾಗಿದೆ. ಇದೀಗ ನಟಿ ಪ್ರಿಯಾಂಕಾ ಛೋಪ್ರಾ ತಮ್ಮ ಕುಟುಂಬಸ್ಥರು ಹಾಗೂ ಸ್ನೇಹಿತರಿಗೆ ನಿಕ್ ರನ್ನ ಪರಿಚಯಿಸಿದ್ದಾರೆ.

ಕುಟುಂಬದ ಜೊತೆಗೆ ಔತಣಕೂಟ

ಗೃಹಪ್ರವೇಶ ಸಮಾರಂಭದ ಬಳಿಕ ಕುಟುಂಬಸ್ಥರು ಹಾಗೂ ಸ್ನೇಹಿತರಿಗಾಗಿ ಮುಂಬೈನ ಹೋಟೆಲ್ ವೊಂದರಲ್ಲಿ ಪ್ರಿಯಾಂಕಾ ಛೋಪ್ರಾ ಔತಣಕೂಟ ಏರ್ಪಡಿಸಿದ್ದರು. ಈ ಔತಣಕೂತದಲ್ಲಿ ಪ್ರಿಯಾಂಕಾ ತಾಯಿ ಜೊತೆಗೆ ನಿಕ್ ಮಾತುಕತೆ ನಡೆಸಿದ್ದಾರೆ ಎನ್ನಲಾಗಿದೆ.

ಮದುವೆ ಮಾತುಕತೆ.?

ತಮ್ಮ ಪ್ರೀತಿಯ ಬಗ್ಗೆ ಸೀರಿಯಸ್ ಆಗಿರುವ ಜೋಡಿ ಮದುವೆ ಬಗ್ಗೆ ಪ್ಲಾನ್ ಮಾಡುತ್ತಿರಬಹುದು ಎಂಬ ಉಹಾಪೋಹ ಶುರುವಾಗಿದೆ. ಇಷ್ಟೆಲ್ಲ ಗಾಳಿಸುದ್ದಿ ಹರಿದಾಡುತ್ತಿದ್ದರೂ, ನಟಿ ಪ್ರಿಯಾಂಕಾ ಮಾತ್ರ ಯಾವುದಕ್ಕೂ ತುಟಿಕ್ ಪಿಟಿಕ್ ಎನ್ನುತ್ತಿಲ್ಲ.