ಪ್ರಿಯಾಂಕಾ ಚೋಪ್ರಾ ಅವರ ನ್ಯೂಯಾರ್ಕ್ ಮನೆ ಹೇಗಿದೆ ನೋಡಿ?

'ಕ್ವಾಂಟಿಕೋ' ಸುಂದರಿ ಪ್ರಿಯಾಂಕಾ ಚೋಪ್ರಾ ಸದ್ಯ ಬಾಲಿವುಡ್ ಗಿಂತ ಹೆಚ್ಚು ಹಾಲಿವುಡ್ ನಲ್ಲೇ ಬಿಜಿ ಇದ್ದಾರೆ. ಹೀಗಾಗಿ, ವಿದೇಶದಲ್ಲೇ ಹೆಚ್ಚು ಕಾಲ ಕಳೆಯುತ್ತಿದ್ದಾರೆ. ಸದ್ಯ, ಹಾಲಿವುಡ್ ನ ಟಿವಿ ಕಾರ್ಯಕ್ರಮದ ಮೂರನೇ ಆವೃತ್ತಿಯ ಚಿತ್ರೀಕರಣದಲ್ಲಿ ತೊಡಗಿಕೊಂಡಿರುವ ಪಿಗ್ಗಿ ನ್ಯೂಯಾರ್ಕ್ ನಲ್ಲಿದ್ದಾರೆ.

ಈ ಮಧ್ಯೆ ನ್ಯೂಯಾರ್ಕ್ ನಲ್ಲಿ ತಾವು ಖರೀದಿಸಿರುವ ಹೊಸ ಮನೆಯ ಚಿತ್ರಗಳನ್ನ ತಮ್ಮ ಇನ್ಸ್ಟಾಗ್ರಾಮ್ ನಲ್ಲಿ ಹಂಚಿಕೊಂಡಿದ್ದಾರೆ. ಇಷ್ಟು ದಿನ ಹೋಟೆಲ್ ಹಾಗೂ ಸ್ಟುಡಿಯೋಗಳಲ್ಲಿ ನೆಲೆಸಿದ್ದ ಪ್ರಿಯಾಂಕಾ ಈಗ ಅಪಾರ್ಟ್ ಮೆಂಟ್ ವೊಂದರಲ್ಲಿ ನಾಲ್ಕು ಬೆಡ್ ರೂಂಗಳ ಪ್ಲ್ಯಾಟ್ ಕೊಂಡುಕೊಂಡಿದ್ದಾರೆ.

ತಮ್ಮ ಹೊಸ ಮನೆಯ ಒಳಗಿನ ಭಾವಚಿತ್ರಗಳನ್ನ ಹಂಚಿಕೊಂಡಿದ್ದು, ಪ್ರಿಯಾಂಕಾ ಪ್ಲ್ಯಾಟ್ ನಿಂದ ಇಡೀ ನಗರವೇ ರೋಚಕವಾಗಿ ಕಾಣಿಸುತ್ತಿದೆ.

ಸದ್ಯ, ಆಡಮ್ ಡಿವೈನ್ ಜೊತೆ 'Isn't it romantic' ಚಿತ್ರದಲ್ಲಿ ಪ್ರಿಯಾಂಕಾ ಅಭಿನಯಿಸುತ್ತಿದ್ದಾರೆ. ಇದರ ಹಿಂದೆಯೇ 'ಎ ಕಿಡ್ ಲೈಕ್ ಜ್ಯಾಕ್' (A Kid Like Jake) ಚಿತ್ರದಲ್ಲೂ ಬಣ್ಣ ಹಚ್ಚಲಿದ್ದಾರೆ. ಹೀಗೆ, ಬ್ಯಾಕ್ ಟು ಬ್ಯಾಕ್ ಹಾಲಿವುಡ್ ಸಿನಿಮಾಗಳ ಮಧ್ಯೆ ಹಿಂದಿಗಳಲ್ಲೂ ಅಭಿನಯಿಸಬೇಕಿದೆ.