ಮದುವೆ ಬಗ್ಗೆ ಕೇಳಿದ್ದಕ್ಕೆ ನಟಿ ಪ್ರಿಯಾಂಕಾ ಛೋಪ್ರಾ ಹೇಳಿದ್ದು 'ಹೀಗೆ'.!

ಪ್ರೈವಸಿ ಪ್ಲೀಸ್..

''ನನ್ನ ವೈಯುಕ್ತಿಕ ಬದುಕು ನನಗೆ ಮಾತ್ರ ಮೀಸಲು. ನಾನೊಬ್ಬಳು ಹುಡುಗಿಯಾಗಿ ನನ್ನ ವೈಯುಕ್ತಿಕ ವಿಚಾರಗಳನ್ನು ನನ್ನಲ್ಲಿಯೇ ಇಟ್ಟುಕೊಳ್ಳುವ ಹಕ್ಕು ನನಗಿದೆ'' ಎಂದಿದ್ದಾರೆ ನಟಿ ಪ್ರಿಯಾಂಕಾ ಛೋಪ್ರಾ.

ಯಾರಿಗೆ ಯಾಕೆ ವಿವರಣೆ ಕೊಡಬೇಕು.?

''ನನ್ನ ಕುಟುಂಬ ಹಾಗೂ ಸ್ನೇಹಿತರ ಬಗ್ಗೆ ಯಾರಿಗೂ ವಿವರಣೆ ನೀಡುವ ಅವಶ್ಯಕತೆ ನನಗಿಲ್ಲ. ಪದೇ ಪದೇ ಈ ಬಗ್ಗೆ ಸುದ್ದಿ ಆಗುತ್ತಿರುವುದನ್ನು ನೋಡಿ ನನಗೆ ನಗು ಬರುತ್ತದೆ. ಕೆಲವೊಮ್ಮೆ ಕೋಪ ಬರುತ್ತದೆ. ಎಷ್ಟೇ ಆಗಲಿ, ಇಂದಿನ ಸುದ್ದಿ ನಾಳೆಗೆ ಹಳಸು'' ಅಂತ ಹೇಳ್ತಾರೆ ಪ್ರಿಯಾಂಕಾ ಛೋಪ್ರಾ

ನಿಕ್ ಕಾನ್ಸರ್ಟ್ ನಲ್ಲಿ ಪ್ರಿಯಾಂಕಾ

ಇತ್ತೀಚೆಗಷ್ಟೇ ನಟಿ ಪ್ರಿಯಾಂಕಾ ಛೋಪ್ರಾ ಸಿಂಗಾಪುರ್ ಗೆ ಹಾರಿದ್ದರು. ಅಷ್ಟಕ್ಕೂ, ಪ್ರಿಯಾಂಕಾ ಅಲ್ಲಿಗೆ ಹೋಗಿದ್ದು ನಿಕ್ ಜೊನಾಸ್ ಕಾನ್ಸರ್ಟ್ ನಲ್ಲಿ ಭಾಗಿಯಾಗಲು. ಕಾನ್ಸರ್ಟ್ ನಲ್ಲಿ ನಿಕ್ ಗೆ ಚಿಯರ್ ಮಾಡಿದ ಪ್ರಿಯಾಂಕಾ ಇದೀಗ ಭಾರತಕ್ಕೆ ಮರಳಿದ್ದಾರೆ.

ಯಾರೀ ನಿಕ್ ಜೊನಾಸ್.?

25 ವರ್ಷದ ನಿಕ್ ಜೊನಾಸ್ ಅಮೇರಿಕಾದ ಗಾಯಕ ಹಾಗೂ ನಟ. 'ಕ್ಯಾಂಪ್ ರಾಕ್', 'ಮಿಸ್ಟರ್ ಸನ್ ಶೈನ್', 'ಸ್ಮ್ಯಾಶ್' ಮುಂತಾದ ಟೆಲಿವಿಷನ್ ಫಿಲ್ಮ್ ಗಳಲ್ಲಿ ನಿಕ್ ಜೋನಾಸ್ ಕಾಣಿಸಿಕೊಂಡಿದ್ದಾರೆ. ಗಾಯಕನಾಗಿ ಹಲವಾರು ಆಲ್ಬಂಗಳನ್ನು ನಿಕ್ ಜೋನಾಸ್ ಹೊರತಂದಿದ್ದಾರೆ. ನಟಿ ಪ್ರಿಯಾಂಕಾ ಛೋಪ್ರಾ ಹಾಗೂ ನಿಕ್ ಜೊನಾಸ್ ನಡುವೆ ಹತ್ತು ವರ್ಷಗಳ ಅಂತರವಿದೆ.