Don't Miss!
- Automobiles ರಾಂಗ್ ರೂಟ್ನಲ್ಲಿ ಬಂದು ಪ್ರಶ್ನಿಸಿದ ಬೈಕ್ ಸವಾರನಿಗೆ ಥಳಿಸಿದ ಕಾರು ಚಾಲಕ: ವಿಡಿಯೋ
- News CAA: ಸಿಎಎ ಜಾರಿ ಪ್ರಶ್ನಿಸಿ 230ಕ್ಕೂ ಹೆಚ್ಚು ಅರ್ಜಿ: ಸುಪ್ರೀಂಕೋರ್ಟ್ನಲ್ಲಿ ಮಹತ್ವದ ವಿಚಾರಣೆ
- Finance ಆಧಾರ್ ಉಚಿತ ಅಪ್ಡೇಟ್ ದಿನಾಂಕ ಜೂ.14ರವರೆಗೆ ವಿಸ್ತರಣೆ: ಆನ್ಲೈನ್ನಲ್ಲಿ ಹೀಗೆ ನವೀಕರಿಸಿ
- Lifestyle ಬಾಯಲ್ಲಿ ನೀರು ತರಿಸುವ ಮಸಾಲೆ ಮೊಟ್ಟೆ ಬುರ್ಜಿ ಮಾಡೋದು ಹೇಗೆ.? ತುಂಬಾ ಸಿಂಪಲ್ ರೆಸಿಪಿ
- Sports IPL 2024: ಮುಂಬೈ ನಾಯಕನಿಗೆ ಪತ್ರಕರ್ತರಿಂದ ಬೌನ್ಸರ್: ಉತ್ತರಿಸದೆ ಮೌನಕ್ಕೆ ಶರಣಾದ ಹಾರ್ದಿಕ್ ಪಾಂಡ್ಯ
- Technology Best Coolers: ಭಾರತದಲ್ಲಿ 5 ಸಾವಿರಕ್ಕಿಂತ ಕಡಿಮೆ ಬೆಲೆಯಲ್ಲಿ ಲಭ್ಯ ಇರುವ ಅತ್ಯುತ್ತಮ ಕೂಲರ್ಗಳು! ಫೀಚರ್ಸ್ ಏನಿದೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪ್ರಿಯಾಂಕಾ ಚೋಪ್ರಾಗೆ 'ಒಳ ಉಡುಪು ತೋರಿಸು' ಎಂದಿದ್ದ ನಿರ್ದೇಶಕ
ನಟಿ ಪ್ರಿಯಾಂಕಾ ಚೋಪ್ರಾ ಈಗ ಹಾಲಿವುಡ್ ದ ಸ್ಟಾರ್ ನಟಿ. ತಮಿಳಿನಿಂದ ನಟನಾ ವೃತ್ತಿ ಆರಂಭಿಸಿದ ಪ್ರಿಯಾಂಕಾ ಚೋಪ್ರಾ ಇಂದು ಏರಿರುವ ಎತ್ತರ ಸಾಮಾನ್ಯದಲ್ಲ.
ಬಹುತೇಕ ನಟಿಯರಂತೆ ಪ್ರಿಯಾಂಕಾ ಚೋಪ್ರಾ ಸಹ ಆರಂಭದ ದಿನಗಳಲ್ಲಿ ಸಾಕಷ್ಟು ಸಮಸ್ಯೆಗಳನ್ನು ಚಿತ್ರರಂಗದಲ್ಲಿ ಎದುರಿಸಿದವರೇ. ಆದರೆ ಎಲ್ಲವನ್ನೂ ಮೆಟ್ಟಿನಿಂತು ಇಂದು ದೊಡ್ಡ ಎತ್ತರಕ್ಕೆ ಏರಿದ್ದಾರೆ.
ಇದೀಗ ತಮ್ಮ ವೃತ್ತಿ ಜೀವನ ಹಾಗೂ ವೈಯಕ್ತಿಕ ಜೀವನದ ಘಟನೆಗಳ ಸಂಗ್ರಹ 'ಅನ್ಫಿನಿಶ್ಡ್' ಹೆಸರಿನ ಪುಸ್ತಕವನ್ನು ಪ್ರಿಯಾಂಕಾ ಚೋಪ್ರಾ ಬರೆದಿದ್ದು, ನಿರ್ದೇಶಕನೊಬ್ಬ ತಮ್ಮ ಬಳಿ ಕೆಟ್ಟದಾಗಿ ನಡೆದುಕೊಂಡ ಬಗ್ಗೆ ಪ್ರಿಯಾಂಕಾ ಚೋಪ್ರಾ ಪುಸ್ತಕದಲ್ಲಿ ದಾಖಲಿಸಿದ್ದಾರೆ.
ಸಿನಿಮಾವೊಂದಕ್ಕೆ ತುಸು ಗ್ಲಾಮರಸ್ ಆದ ಹಾಡೊಂದರ ಚಿತ್ರೀಕರಣದಲ್ಲಿ ತೊಡಗಿದ್ದರಂತೆ ಪ್ರಿಯಾಂಕಾ. ಹಾಡು ಉದ್ದವಾಗಿದ್ದರಿಂದ ಹಲವು ಉಡುಪುಗಳನ್ನು ಹಾಡಿನಲ್ಲಿ ಧರಿಸಬೇಕಿತ್ತು ಪ್ರಿಯಾಂಕಾ. ಹಾಗಾಗಿ 'ನಾನು ಒಂದರ ಮೇಲೆ ಮತ್ತೊಂದು ಬಟ್ಟೆ ಹಾಕಿಕೊಳ್ಳಲೇ' ಎಂದು ನಿರ್ದೇಶಕರನ್ನು ಕೇಳಿದ್ದಾರೆ ಪ್ರಿಯಾಂಕಾ.
ಫ್ಯಾಷನ್ ಡಿಸೈನರ್ ಬಳಿ ಮಾತನಾಡಿ ಒಪ್ಪಿಸಿದ ಪ್ರಿಯಾಂಕಾ
ಇದಕ್ಕೆ ಉತ್ತರಿಸಿದ ಆ ನಿರ್ದೇಶಕ, 'ಸಿನಿಮಾದ ಸ್ಸ್ಟೈಲಿಷ್ ಅಥವಾ ಫ್ಯಾಷನ್ ಡಿಸೈನರ್ ಬಳಿ ಮಾತನಾಡಿ' ಎಂದಿದ್ದಾರೆ. ಕೂಡಲೇ ಪ್ರಿಯಾಂಕಾ ಚೋಪ್ರಾ ಫ್ಯಾಷನ್ ಡಿಸೈನರ್ ಗೆ ಕರೆ ಮಾಡಿ ವಿಷಯ ತಿಳಿಸಿದ್ದಾರೆ. ಆತನೂ ಒಪ್ಪಿಕೊಂಡಿದ್ದಾನೆ. ಪ್ರಿಯಾಂಕಾ ಮೊಬೈಲ್ ಅನ್ನು ಆ ನಿರ್ದೇಶಕನಿಗೆ ಮಾತನಾಡಲು ಕೊಟ್ಟು ಅಲ್ಲಿಯೇ ನಿಂತಿದ್ದಾರೆ.
'ಒಳ ಉಡುಪು ಕಾಣಬೇಕು' ಅಷ್ಟೆ ಎಂದಿದ್ದ ನಿರ್ದೇಶಕ
ಫೋನ್ ಪಡೆದ ನಿರ್ದೇಶಕ, 'ಆಕೆ ಏನಾದರೂ ಮಾಡಿಕೊಳ್ಳಲಿ ಆದರೆ ಆಕೆಯ ಚಡ್ಡಿ (ಒಳ ಉಡುಪು) ಕ್ಯಾಮೆರಾಗೆ ಕಾಣಬೇಕಷ್ಟೆ, ಜನರೇನು ಸುಮ್ಮನೆ ಸಿನಿಮಾ ನೋಡಲು ಬರುತ್ತಾರಾ' ಎಂದು ಹೇಳಿದ್ದಾರೆ.
ಸಲ್ಮಾನ್ ಖಾನ್ ಮಧ್ಯಸ್ಥಿಕೆ ವಹಿಸಿ ಸಮಸ್ಯೆ ಸರಿಪಡಿಸಿದರು: ಪ್ರಿಯಾಂಕಾ
ಇದು ಪ್ರಿಯಾಂಕಾ ಚೋಪ್ರಾಗೆ ತೀವ್ರ ಆಘಾತ ತಂದಿದೆ. ಕೂಡಲೇ ಆ ಸಿನಿಮಾದಿಂದ ಹಿಂದೆ ಸರಿಯಲು ನಿರ್ಧರಿಸಿದ್ದಾರೆ ಪ್ರಿಯಾಂಕಾ ಚೋಪ್ರಾ. ಆ ನಂತರ ಅದೇ ನಿರ್ದೇಶಕ ಬೇರೆ ಸಿನಿಮಾದ ಸೆಟ್ನಲ್ಲಿ ಪ್ರಿಯಾಂಕಾರನ್ನು ಭೇಟಿಯಾಗಿ ಮನವಿ ಮಾಡಿದರಂತೆ. ಕೊನೆಗೆ ಸಲ್ಮಾನ್ ಖಾನ್ ಮಧ್ಯಸ್ಥಿಕೆ ವಹಿಸಿ ಸಮಸ್ಯೆಯನ್ನು ಬಗೆಹರಿಸಿದರಂತೆ.
ಆತನ ಯೋಚನೆ ನನಗೆ ಹಿಡಿಸಲಿಲ್ಲ: ಪ್ರಿಯಾಂಕಾ ಚೋಪ್ರಾ
'ನನಗೆ ಗ್ಲಾಮರಸ್ ಉಡುಗೆ ತೊಡುವುದು ಕಷ್ಟವೇನಲ್ಲ. ಆದರೆ ಆ ನಿರ್ದೇಶಕನ ಆಲೋಚನೆ ನನಗೆ ಇಷ್ಟವಾಗಿರಲಿಲ್ಲ. ಅವನ ಮಾತುಗಳು ನನಗೆ ಸ್ವೀಕಾರಾರ್ಹವಲ್ಲ' ಎಂದು ತಮ್ಮ ಪುಸ್ತಕದಲ್ಲಿ ಬರೆದಿದ್ದಾರೆ ನಟಿ ಪ್ರಿಯಾಂಕಾ ಚೋಪ್ರಾ.
Recommended Video
ಸ್ತನಗಳ ಗಾತ್ರ ದಪ್ಪ ಮಾಡಿಕೊ ಎಂದಿದ್ದ ನಿರ್ದೇಶಕ
ಮತ್ತೊಬ್ಬ ನಿರ್ದೇಶಕ 'ನಿನ್ನ ಸ್ತನಗಳ ಗಾತ್ರವನ್ನು ದಪ್ಪ ಮಾಡಿಕೊ' ಎಂದು ಪ್ರಿಯಾಂಕಾ ಚೋಪ್ರಾಗೆ ಸಲಹೆ ನೀಡಿದ್ದನ್ನು ಸಹ ಪ್ರಿಯಾಂಕಾ ಚೋಪ್ರಾ ತಮ್ಮ ಪುಸ್ತಕದಲ್ಲಿ ನಮೂದಿಸಿದ್ದಾರೆ. ತಾವು ಮೂಗಿನ ಸರ್ಜರಿ ಮಾಡಿಸಿಕೊಂಡಿದ್ದು ಏಕೆ ಎಂಬುದನ್ನೂ ಬರೆದುಕೊಂಡಿದ್ದಾರೆ.