ಪ್ರಿಯಾಂಕಾಗೆ ಸ್ತನದ ಗಾತ್ರ ಹೆಚ್ಚಿಸಿಕೊಳ್ಳಬೇಕು ಎಂದಿದ್ದರಂತೆ ನಿರ್ದೇಶಕರು: ಆತ್ಮಚರಿತ್ರೆಯಲ್ಲಿ ಶಾಕಿಂಗ್ ಘಟನೆ ರಿವೀಲ್

2002ರಲ್ಲಿ ವಿಶ್ವ ಸುಂದರಿ ಪಟ್ಟ ಗೆದ್ದಿದ್ದ ಪ್ರಿಯಾಂಕಾ

ಪ್ರಿಯಾಂಕಾ ಆತ್ಮಚರಿತ್ರೆಯಲ್ಲಿ ಬಣ್ಣದ ಲೋಕದ ಆರಂಭದ ದಿನಗಳಲ್ಲಿ ಎದುರಿಸಿದ ಕೆಟ್ಟ ಘಟನೆಗಳ ಬಗ್ಗೆ ಬರೆದುಕೊಂಡಿದ್ದಾರೆ. 2002ರಲ್ಲಿ ವಿಶ್ವ ಸುಂದರಿ ಕಿರೀಟ ಮುಡಿಗೇರಿಸಿಕೊಂಡಿದ್ದ ಪ್ರಿಯಾಂಕಾ ಆ ಸಮಯದಲ್ಲಿ ಸಿನಿಮಾರಂಗದಲ್ಲಿ ಮಿಂಚಲು ಕನಸು ಕಾಣುತ್ತಿದ್ದರು.

ಅಹಿತಕರ ಘಟನೆ ಬಿಚ್ಚಿಟ್ಟ ಪ್ರಿಯಾಂಕಾ

ವಿಶ್ವ ಸುಂದರಿ ಪಟ್ಟ ಗೆದ್ದಿದ್ದಾರೆ ಅಂದಮೇಲೆ ಸಿನಿಮಾ ಲೋಕದಲ್ಲಿ ಬೇಡಿಕೆ ಹೆಚ್ಚಾಗಿರುವುದು ಸಹಜ. ಪ್ರಿಯಾಂಕಾ ಅವರನ್ನು ನಾಯಕಿಯಾಗಿ ಆಯ್ಕೆ ಮಾಡಲು ಅನೇಕ ನಿರ್ಮಾಪಕರು ಕಾಯುತ್ತಿರುತ್ತಾರೆ. ಈ ಸಮಯದಲ್ಲಿ ಪ್ರಿಯಾಂಕಾ ನಿರ್ದೇಶಕರೊಬ್ಬರ ಜೊತೆ ಸಿನಿಮಾ ಮಾತುಕತೆ ನಡೆಸುತ್ತಾರೆ. ಆ ನಿರ್ದೇಶಕರು ಪ್ರಿಯಾಂಕಾ ಬಳಿ ಸ್ತನದ ಗಾತ್ರವನ್ನು ಹೆಚ್ಚಿಸಿಕೊಳ್ಳುವಂತೆ ಹೇಳಿದ್ದ ಬಗ್ಗೆ ಆತ್ಮಚರಿತ್ರೆಯಲ್ಲಿ ಬಹಿರಂಗ ಪಡಿಸಿಡಿಸಿದ್ದಾರೆ.

ಸ್ತನದ ಗಾತ್ರ ಹೆಚ್ಚಿಸಿಕೊಳ್ಳುವಂತೆ ಸಲಹೆ ನೀಡಿದ್ದ ನಿರ್ದೇಶಕರು

ಈ ಬಗ್ಗೆ ಬರೆದುಕೊಂಡಿರುವ ಪ್ರಿಯಾಂಕಾ, 'ಕೆಲವು ನಿಮಿಷಗಳ ಮಾತುಕತೆ ಬಳಿಕ ನಿರ್ದೇಶಕರು ಎದ್ದು ನಿಲ್ಲುವಂತೆ ಹೇಳಿದರು. ಬಳಿಕ ಒಂದು ಸುತ್ತ ತಿರುಗುವಂತೆ ಹೇಳಿದರು. ನಾನು ಹಾಗೆ ಮಾಡಿದೆ. ಅವರು ನನ್ನನ್ನು ತುಂಬಾ ಸಮಯ ಹಾಗೆ ನೋಡಿದರು. ಬಳಿಕ ನನಗೆ ಸ್ತನದ ಗಾತ್ರ ಹೆಚ್ಚಿಸಿಕೊಳ್ಳುವಂತೆ ಸಲಹೆ ನೀಡಿದರು. ಅಲ್ಲದೆ ದೇಹದ ಬೇರೆ ಬೇರೆ ಅಂಗಾಂಗಗಳ ಗಾತ್ರವನ್ನು ಹೆಚ್ಚಿಸಿಕೊಳ್ಳಬೇಕು ಎಂದು ಸೂಚಿಸಿದರು'

ವೈದ್ಯರನ್ನು ಸೂಚಿಸಿದ್ದ ನಿರ್ದೇಶಕ

'ಲಾಸ್ ಏಂಜಲೀಸ್ ನಲ್ಲಿ ಒಬ್ಬರು ವೈದ್ಯರಿದ್ದಾರೆ. ಅವರ ಬಳಿ ನಾನು ಮಾತನಾಡುತ್ತೇನೆ. ಸರ್ಜರಿಗೆ ಎಲ್ಲಾ ವ್ಯವಸ್ಥೆ ಮಾಡಿಸುತ್ತೇನೆ ಎಂದರು, ಇದಕ್ಕೆ ನನ್ನ ವ್ಯವಸ್ಥಾಪಕರು ಸಹ ಧ್ವನಿ ಗೂಡಿಸಿದರು' ಎಂದು ನಿರ್ದೇಶಕರ ಬಗ್ಗೆ ಪ್ರಿಯಾಂಕಾ ಆತ್ಮಚರಿತ್ರೆಯಲ್ಲಿ ಬಿಚ್ಚಿಟ್ಟಿದ್ದಾರೆ.

Recommended Video

ಕಬ್ಜ ಚಿತ್ರತಂಡ ಸೇರಿಕೊಂಡ ಕನ್ನಡದ ಯುವ ನಟ | Filmibeat Kannada

ಈ ಘಟನೆ ಬಳಿಕ ಮಾನಸಿಕವಾಗಿ ಕುಗ್ಗಿದ್ದ ಪ್ರಿಯಾಂಕಾ

ಈ ಘಟನೆ ಪ್ರಿಯಾಂಕಾ ತನ್ನ ವ್ಯವಸ್ಥಾಪಕರಿಂದ ಬೇರ್ಪಟ್ಟಿರುವುದಾಗಿ ಹೇಳಿದ್ದಾರೆ. ಈ ಘಟನೆ ಪ್ರಿಯಾಂಕಾ ಅವರನ್ನು ಮಾನಸಿಕವಾಗಿ ತುಂಬಾ ಕುಗ್ಗಿಸಿದೆಯಂತೆ. ಬಳಿಕ ಧೈರ್ಯತಂದುಕೊಂಡ ಪ್ರಿಯಾಂಕಾ ಬಾಲಿವುಡ್ ನಲ್ಲಿ ಮಿಂಚಲು ಪ್ರಾರಂಭ ಮಾಡುತ್ತಾರೆ. ಸದ್ಯ ಭಾರತದ ಟಾಪ್ ನಟಿಯರಸಾಲಿನಲ್ಲಿ ಇರುವ ಪ್ರಿಯಾಂಕಾ ಹಾಲಿವುಡ್ ನಲ್ಲೂ ಹವಾ ಸೃಷ್ಟಿಸಿದ್ದಾರೆ.