4ವರ್ಷದ ಮಗಳ ಭದ್ರತೆಗಾಗಿ ಬಾಡಿಗಾರ್ಡ್ ನೇಮಕ ಮಾಡಿದ ಪ್ರಿಯಾಂಕ ಚೋಪ್ರಾ ; ಕಾರಣ ಕೇಳಿದರೆ ಶಾಕ್ ಆಗೋದು ಗ್ಯಾರಂಟಿ

ಬಾಲಿವುಡ್ ದಿಂದ ಹಾಲಿವುಡ್ವರೆಗೆ ತನ್ನದೇ ಆದ ಸಾಮ್ರಾಜ್ಯ ಕಟ್ಟಿಕೊಂಡಿರುವ ಪ್ರಿಯಾಂಕ ಚೋಪ್ರಾ ಸದಾ ಸುದ್ದಿಯಲ್ಲಿರುತ್ತಾರೆ. ಅವರ ಫ್ಯಾಷನ್ ಸೆನ್ಸ್ ಆಗಲಿ ಅಥವಾ ಅವರು ನೀಡುವ ಹೇಳಿಕೆಗಳಾಗಲಿ ಕ್ಷಣಾರ್ಧದಲ್ಲಿ ವೈರಲ್ ಆಗುತ್ತವೆ. ಗ್ಲೋಬಲ್ ಸ್ಟಾರ್ ಪಟ್ಟಕ್ಕೇರಿದ ನಂತರ ಅವರ ಲೈಫ್ ಸ್ಟೈಲ್ ಸಂಪೂರ್ಣ ಬದಲಾಗಿದೆ.

ಅಂದಹಾಗೆ, ಪ್ರಿಯಾಂಕ ಕೇವಲ ಸಿನಿಮಾ ವಿಚಾರಕ್ಕೆ ಮಾತ್ರವಲ್ಲ, ತಮ್ಮ ವೈಯಕ್ತಿಕ ಬದುಕಿನ ಸಣ್ಣ ಸಣ್ಣ ವಿಷಯಗಳಿಗೂ ಅಂತರಾಷ್ಟ್ರೀಯ ಮಟ್ಟದಲ್ಲಿ ಚರ್ಚೆಯಾಗುತ್ತಾರೆ. ಅದರಲ್ಲೂ ಮಗಳ ಹುಟ್ಟಿನ ನಂತರ ಅವರ ಜವಾಬ್ದಾರಿ ಹತ್ತರಷ್ಟು ಹೆಚ್ಚಾಗಿದೆ. ಸೋಶಿಯಲ್ ಮೀಡಿಯಾದಲ್ಲಿ ಸಕ್ರಿಯರಾಗಿರುವ ಇವರು, ಮಗಳ ಪ್ರತಿಯೊಂದು ಸಂಭ್ರಮವನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಳ್ಳುತ್ತಾರೆ.

ಆದರೆ ಈ ಸಂಭ್ರಮದ ನಡುವೆಯೇ ಅವರಿಗೆ ಈಗ ಒಂದು ದೊಡ್ಡ ಆತಂಕ ಎದುರಾಗಿದೆ. ತಮ್ಮ ಖಾಸಗಿತನದ ಬಗ್ಗೆ ಮೊದಲಿನಿಂದಲೂ ಹೆಚ್ಚು ಕಾಳಜಿ ವಹಿಸುವ ಇವರು, ಈಗ ಮಗಳ ಸುರಕ್ಷತೆಗಾಗಿ ಒಂದು ಕಠಿಣ ಹೆಜ್ಜೆ ಇಟ್ಟಿದ್ದಾರೆ. ಇದು ಸದ್ಯ ಸಿನಿಮಾ ಅಂಗಳದಲ್ಲಿ ದೊಡ್ಡ ಸುದ್ದಿಯಾಗುತ್ತಿದೆ.

ಪಾಪರಾಜಿಗಳ ಕಾಟಕ್ಕೆ ಫುಲ್ ಸ್ಟಾಪ್?

ಪ್ರಿಯಾಂಕಾ ಚೋಪ್ರಾ ಮತ್ತು ನಿಕ್ ಜೋನಸ್ ದಂಪತಿಗಳಿಗೆ ಮಗಳು ಮಾಲ್ತಿ ಮೇರಿ ಎಂದರೆ ಪ್ರಾಣ. ಆದರೆ ಎಲ್ಲೇ ಹೋದರೂ ಕ್ಯಾಮರಾ ಹಿಡಿದು ಬೆನ್ನಟ್ಟುವ ಪಾಪರಾಜಿಗಳ ಕಾಟ ಸೆಲೆಬ್ರಿಟಿಗಳಿಗೆ ತಪ್ಪಿದ್ದಲ್ಲ. ಮಗಳ ಪ್ರತಿಯೊಂದು ನಡಿಗೆಯನ್ನು ರೆಕಾರ್ಡ್ ಮಾಡಲು ಹವಣಿಸುವವರಿಂದ ಮಾಲ್ತಿ ಮೇರಿಯನ್ನು ದೂರವಿಡಲು ಪ್ರಿಯಾಂಕಾ ಈಗ ದೊಡ್ಡ ಪ್ಲಾನ್ ಮಾಡಿದ್ದಾರೆ.

ಹೌದು, ಪ್ರಿಯಾಂಕಾ ಚೋಪ್ರಾ ತಮ್ಮ ಮಗಳಿಗಾಗಿ ವಿಶೇಷ ಭದ್ರತೆಯನ್ನು ಏರ್ಪಡಿಸಿದ್ದಾರೆ. ಇದು ಕೇವಲ ಪ್ರಚಾರಕ್ಕಾಗಿ ಅಲ್ಲ, ಬದಲಾಗಿ ಮಗಳ ನೆಮ್ಮದಿಗಾಗಿ ಎಂಬುದು ಅವರ ವಾದ. ವಿಮಾನ ನಿಲ್ದಾಣವಿರಲಿ ಅಥವಾ ಪಾರ್ಕ್ ಇರಲಿ, ಪ್ರಿಯಾಂಕಾ ಕಾಣಿಸಿಕೊಂಡರೆ ಸಾಕು ಅಲ್ಲಿ ನೂರಾರು ಕ್ಯಾಮರಾಗಳು ಒಟ್ಟಿಗೆ ಫ್ಲ್ಯಾಶ್ ಆಗುತ್ತವೆ. ಇದು ಸಣ್ಣ ಮಗುವಿನ ಮೇಲೆ ಕೆಟ್ಟ ಪರಿಣಾಮ ಬೀರಬಹುದು ಎಂಬುದು ತಾಯಿಯ ಆತಂಕ.

'ನನ್ನನ್ನು ಯಾರೂ ಕೊಲ್ಲುವುದಿಲ್ಲ, ಆದರೆ...'

ಈ ಭದ್ರತೆಯ ಬಗ್ಗೆ ಮಾತನಾಡುತ್ತಾ ಪ್ರಿಯಾಂಕಾ ಚೋಪ್ರಾ ಒಂದು ಖಡಕ್ ಮಾತು ಹೇಳಿದ್ದಾರೆ. ನೋಡಿ, ನನ್ನನ್ನು ಯಾರೂ ಕೊಲ್ಲುವುದಿಲ್ಲ ಎಂಬುದು ನನಗೆ ಗೊತ್ತು. ಅಷ್ಟು ದೊಡ್ಡ ಪ್ರಾಣಾಪಾಯವೇನೂ ನನಗಿಲ್ಲ. ಆದರೆ ನಮ್ಮ ಅನುಮತಿ ಇಲ್ಲದೆ ನಮ್ಮನ್ನು ವಿಡಿಯೋ ಮಾಡುವುದು ಅಥವಾ ರೆಕಾರ್ಡ್ ಮಾಡುವುದು ನನಗೆ ಇಷ್ಟವಿಲ್ಲ ಎಂದು ನೇರವಾಗಿ ಹೇಳಿದ್ದಾರೆ.

ಪಾಪರಾಜಿಗಳು ಕಿರಿಕಿರಿ ನೀಡಿದಾಗ ಪ್ರಿಯಾಂಕಾ ಸುಮ್ಮನಿರುವವರಲ್ಲ. "ನಮ್ಮ ಖಾಸಗಿ ಬದುಕನ್ನು ಗೌರವಿಸಿ. ಕ್ಯಾಮರಾ ಹಿಡಿದು ನಮ್ಮ ಹಿಂದೆ ಬೀಳಬೇಡಿ" ಎಂದು ಅವರು ಪರೋಕ್ಷವಾಗಿ ವಾರ್ನಿಂಗ್ ನೀಡಿದ್ದಾರೆ. ಮಗಳ ಸುರಕ್ಷತೆ ಮತ್ತು ಅವಳ ಬಾಲ್ಯ ಸಾಮಾನ್ಯ ಮಕ್ಕಳಂತೆ ಇರಲಿ ಎಂಬುದು ಈ ದೇಶಿ ಗರ್ಲ್ ಆಸೆ.

ಮಗಳಿಗಾಗಿ ಏನು ಬೇಕಾದರೂ ಸೈ...

ಸಿನಿಮಾ ಶೂಟಿಂಗ್ ಎಷ್ಟೇ ಬ್ಯುಸಿಯಿದ್ದರೂ ಮಾಲ್ತಿ ಮೇರಿಯನ್ನು ಪ್ರಿಯಾಂಕಾ ಎಲ್ಲೂ ಬಿಟ್ಟು ಹೋಗುವುದಿಲ್ಲ. ಶೂಟಿಂಗ್ ಸೆಟ್‌ಗೆ ಕೂಡ ಮಗಳನ್ನು ಕರೆದುಕೊಂಡು ಹೋಗುತ್ತಾರೆ. ಇಂತಹ ಸಮಯದಲ್ಲಿ ಮಗಳ ಸುತ್ತ ಭದ್ರತಾ ಸಿಬ್ಬಂದಿ ಇರುವುದು ಅವಶ್ಯಕ ಎಂಬುದು ಅವರ ಅಭಿಪ್ರಾಯ. ಸೆಲೆಬ್ರಿಟಿಗಳ ಮಕ್ಕಳು ಬಾಲ್ಯದಿಂದಲೇ ಇಂತಹ ಕ್ಯಾಮರಾ ಸಂಸ್ಕೃತಿಗೆ ಬಲಿಯಾಗಬಾರದು ಎಂಬುದು ಇತ್ತೀಚಿನ ಬಹುತೇಕ ತಾರೆಯರ ಆಶಯವಾಗಿದೆ.

ಮಗಳ ಫೋಟೋಗಳನ್ನು ತಾವೇ ಹಂಚಿಕೊಂಡರೂ, ಬೇರೆಯವರು ಅತಿಕ್ರಮವಾಗಿ ಫೋಟೋ ತೆಗೆಯುವುದಕ್ಕೆ ಅವರು ಬ್ರೇಕ್ ಹಾಕಿದ್ದಾರೆ. ಒಟ್ಟಿನಲ್ಲಿ ಮಾಲ್ತಿ ಮೇರಿಗಾಗಿ ಪ್ರಿಯಾಂಕಾ ಮಾಡಿರುವ ಈ ಸೆಕ್ಯೂರಿಟಿ ಅರೇಂಜ್ಮೆಂಟ್ ಈಗ ಎಲ್ಲರ ಗಮನ ಸೆಳೆಯುತ್ತಿದೆ.