ಈ ನಟನ ಜೊತೆ ಪ್ರಿಯಾಂಕಾ ಚೋಪ್ರಾ ಮದುವೆ ಮಾಡಲು ಅವರ ಕುಟುಂಬ ಪ್ಲಾನ್ ಮಾಡಿತ್ತು

ಟಿವಿ ನಟನ ಜೊತೆ ಪ್ರಿಯಾಂಕಾ ಮದುವೆಗೆ ಪ್ಲಾನ್

ಪ್ರಿಯಾಂಕಾ ಚೋಪ್ರಾ ಭಾರತೀಯ ಹುಡುಗನ್ನೇ ಮದುವೆ ಆಗಬೇಕು ಎನ್ನುವುದು ಅವರ ಕುಟುಂಬದ ಬಯಕೆಯಾಗಿತ್ತು. ಹಾಗಾಗಿ ಪ್ರಿಯಾಂಕಾಗೆ ಮ್ಯಾಚ್ ಆಗುವ ಹಾಗೆ ಹುಡುಗನನ್ನು ಹುಡುಕಿದ್ದರು. ಈ ಬಗ್ಗೆ ಪ್ರಿಯಾಂಕಾ 2017ರ ಸಂದರ್ಶನದಲ್ಲಿ ಬಹಿರಂಗ ಪಡಿಸಿದ್ದಾರೆ. ಕಿರುತೆರೆ ಲೋಕದ ಪ್ರಸಿದ್ಧ ನಟ ಮತ್ತು ಮಾಡೆಲ್ ಮೋಹಿತ್ ರೈನಾ ಜೊತೆ ಪ್ರಿಯಾಂಕಾ ಕುಟುಂಬ ಮಾತುಕತೆ ನಡೆಸಿದ್ದರಂತೆ.

ಮೋಹಿತ್ ರೈನಾರನ್ನು ಇಷ್ಟಪಟ್ಟಿದ್ದ ಪ್ರಿಯಾಂಕಾ ಕುಟುಂಬ

ಪ್ರಿಯಾಂಕಾ ಚಿಕ್ಕಮ್ಮ, ಮೋಹಿತ್ ರೈನಾ ನೋಡಿ ತುಂಬಾ ಇಷ್ಟಪಟ್ಟು ಪ್ರಿಯಾಂಕಾ ಜೊತೆ ಮದುವೆ ಮಾಡಿಸುವ ನಿರ್ಧಾರ ಮಾಡಿದ್ದರು. ಸಿನಿಮಾ, ಧಾರಾವಾಹಿ ಮತ್ತು ವೆಬ್ ಸೀರಿಸ್ ಗಳಲ್ಲಿ ನಟಿಸಿರುವ ಮೋಹಿತ್ ರೈನಾಗೆ ಪ್ರಿಯಾಂಕಾ ಕುಟುಂಬ ಫಿದಾ ಆಗಿತ್ತು. ಆತ ಉತ್ತಮ ನಟ, ಪ್ರಾಮಾಣಿಕ ವ್ಯಕ್ತಿ ಎಂದು ಪ್ರಿಯಾಂಕಾ ಮದುವೆಯನ್ನು ಮೋಹಿತ್ ಜೊತೆ ಮಾಡಲು ಕುಟುಂಬ ನಿರ್ಧರಿಸಿತ್ತು.

ಮೋಹಿತ್ ಪ್ರತಿಕ್ರಿಯೆ

ಈ ಬಗ್ಗೆ ಪ್ರಿಯಾಂಕಾ ಚಿಕ್ಕಮ್ಮ, ಮೋಹಿತ್ ರೈನಾ ಜೊತೆಯೂ ಮಾತುಕತೆ ನಡೆಸಿದ್ದರು. ಆದರೆ ಮೋಹಿತ್, ತಾನು ಟಿವಿ ನಟ ಪ್ರಿಯಾಂಕಾ ಸೂಪರ್ ಸ್ಟಾರ್ ಹಾಗಾಗಿ ಇದು ಸಾಧ್ಯವಿಲ್ಲ ಎಂದು ಹೇಳಿದ್ದರಂತೆ. ಅಷ್ಟರಲ್ಲೇ ಆಗಲೇ ಪ್ರಿಯಾಂಕಾ ಕೂಡ ನಿಕ್ ಜೋನಸ್ ಜೊತೆ ಪ್ರೀತಿಯಲ್ಲಿದ್ದರು. ಹಾಗಾಗಿ ಇತ್ತ ಪ್ರಿಯಾಂಕಾ ಕೂಡ ಈ ಮದುವೆಗೆ ಒಪ್ಪಿಗೆ ಸೂಚಿಸಿಲ್ಲ.

Recommended Video

ರಾಧೆ ಸಿನಿಮಾವನ್ನು ಪ್ರಭುದೇವ ಹಾಳು ಮಾಡಿದ್ದಾರೆ ಅಂದ್ರು ನಟಿ ಶ್ರೀರೆಡ್ಡಿ | Filmibeat Kannada

ಅಮೆರಿಕದಲ್ಲಿ ನೆಲೆಸಿರುವ ಪ್ರಿಯಾಂಕಾ

ನಿಕ್ ಜೊತೆಗಿನ ಪ್ರೀತಿ ವಿಚಾರವನ್ನು ಮನೆಯವರಿಗೆ ತಿಳಿಸಿ 2018ರಲ್ಲಿ ಪ್ರಿಯಾಂಕಾ ವೈವಾಹಿಕ ಜೀವನಕ್ಕೆ ಕಾಲಿಟ್ಟರು. ಸದ್ಯ ಬಾಲಿವುಡ್ ನಿಂದ ಅಂತರ ಕಾಯ್ದುಕೊಂಡಿರುವ ಪ್ರಿಯಾಂಕಾ ಹಾಲಿವುಡ್ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಕೊನೆಯದಾಗಿ ವೈಟ್ ಟೈಗರ್ ಮೂಲಕ ಭಾರತೀಯ ಅಭಿಮಾನಿಗಳ ಮುಂದೆ ಬಂದಿದ್ದ ಪ್ರಿಯಾಂಕಾ ಮುಂದಿನ ವರ್ಷ ಬಾಲಿವುಡ್ ಸಿನಿಮಾ ಮಾಡುವುದಾಗಿಯೂ ಪ್ರಿಯಾಂಕಾ ಹೇಳಿದ್ದಾರೆ.