ಪ್ರಿಯಾಂಕಾ ಚೋಪ್ರಾ ಈ ಸಮಸ್ಯೆಯಿಂದ ಬಳಲುತ್ತಿದ್ದಾಳೆ

ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ಫಿಟ್ ಅಂಡ್ ಫೈನ್. ಆದ್ರೆ, ಇತ್ತೀಚೆಗೆ ಈ ನಟಿಗೆ ಒಂದು ಸಮಸ್ಯೆಯಾಗಿದೆಯಂತೆ. ಈ ಸಮಸ್ಯೆಯಿಂದ ತನ್ನ ಕೆಲಸಗಳಲ್ಲಿ ಖುಷಿಯಿಂದ ಕಾರ್ಯ ಪ್ರವೃತ್ತಿಯಾಗಲು ಕಷ್ಟವಾಗುತ್ತಿದೆಯಂತೆ.

ಹೌದು, 35 ವರ್ಷದ ಪ್ರಿಯಾಂಕಾ ಚೋಪ್ರಾಗೆ ಅದ್ಯಾಕೋ ಇತ್ತೀಚೆಗೆ ನಿದ್ದೆ ಬರ್ತಿಲ್ವಂತೆ. ಇದಕ್ಕೆ ಕಾರಣ ಹುಡುಕಿಕೊಂಡಿರುವ ಪ್ರಿಯಾಂಕಾ ತಮ್ಮ ಈ ಸಮಸ್ಯೆಗೆ ಕಾರಣವೇನು ಎಂಬುದನ್ನ ತಮ್ಮ ಟ್ವಿಟ್ಟರ್ ನಲ್ಲಿ ಬಿಚ್ಚಿಟ್ಟಿದ್ದಾರೆ.

''ಅದ್ಯಾಕೋ ಇತ್ತಿಚೆಗೆ ನಿದ್ದೆ ಸರಿಯಾಗಿ ಬರುತ್ತಿಲ್ಲ. ಒಂದೇ ಸಮಯದಲ್ಲಿ ಅನೇಕ ವಿಷ್ಯಗಳು ತಲೆ ಕೊರೆಯುತ್ತಿವೆ. ಹೀಗ್ಯಾಕೆ ಆಗ್ತಿದೆ ಎನ್ನುವುದು ಸರಿಯಾಗಿ ತಿಳಿಯುತ್ತಿಲ್ಲ. ಒತ್ತಡದಿಂದ ಹೀಗಾಗುತ್ತಿರಬಹುದು ಅಥವಾ ತುಂಬಾ ವಿಮಾನ ಪ್ರಯಾಣ ಇದಕ್ಕೆ ಕಾರಣವಾಗಿರಬಹುದು'' ಎಂದು ಪ್ರಿಯಾಂಕಾ ಯೋಚಿಸಿದ್ದಾರೆ.

ಹಾಲಿವುಡ್ ಸಿನಿಮಾದಲ್ಲಿ ನಟಿಸುತ್ತಿರುವ ಪ್ರಿಯಾಂಕಾ ವಿಮಾನದಲ್ಲಿ ಹೆಚ್ಚು ಪ್ರಯಾಣ ಮಾಡುತ್ತಿದ್ದಾರೆ. ಹೀಗಾಗಿ, ಲಂಡನ್ ನಿಂದ ಮುಂಬೈಗೆ ಆಗಾಗ ಹೋಗಿ ಬರುತ್ತಿದ್ದಾರೆ. ಈ ಒತ್ತಡದಿಂದ ಹೀಗಾಗಿರಬಹುದು ಎನ್ನುವುದು ಪಿಗ್ಗಿಯ ಲೆಕ್ಕಾಚಾರ.