ಮುಖಪುಟ

ಬಾಲಿವುಡ್

'ಕ್ವಾಂಟಿಕೋ' ಸುಂದರಿ, ಬಾಲಿವುಡ್ ನ ಪಿಗ್ಗಿ ಚಾಪ್ಸ್ ಪ್ರಿಯಾಂಕಾ ಚೋಪ್ರಾ ಮುಡಿಗೆ ಮತ್ತೊಂದು ಗರಿ ಸಿಕ್ಕಿದೆ. ಪ್ರಿಯಾಂಕಾ ಚೋಪ್ರಾ 'ಸೆಕ್ಸಿಯೆಸ್ಟ್ ಏಷ್ಯನ್ ವುಮನ್ 2017 ಎಂಬ ಬಿರುದಿಗೆ ಪಾತ್ರರಾಗಿದ್ದಾರೆ. ಲಂಡನ್ ಮೂಲದ ವಾರ ಪತ್ರಿಕೆ 'ಈಸ್ಟರ್ನ್ ಐ' ಪ್ರತಿ ವರ್ಷ ನಡೆಸುವ ಈ ಸ್ಪರ್ಧೆಯಲ್ಲಿ ಅತೀ ಹೆಚ್ಚು ಮತಗಳನ್ನ ಪಡೆದುಕೊಂಡು ಸೆಕ್ಸಿಯೆಸ್ಟ್ ಏಷ್ಯನ್ ವುಮನ್ ಪಟ್ಟವನ್ನ ಅಲಂಕರಿಸಿದ್ದಾರೆ.

ಕಳೆದ ವರ್ಷ ನಟಿ ದೀಪಿಕಾ ಪಡುಕೋಣೆ 'ಸೆಕ್ಸಿಯೆಸ್ಟ್ ಏಷ್ಯನ್ ವುಮನ್ ಗೌರವಕ್ಕೆ ಪಾತ್ರರಾಗಿದ್ದರು. ಈ ಬಾರಿ ದೀಪಿಕಾರನ್ನ ಹಿಂದಿಕ್ಕಿ ಪ್ರಿಯಾಂಕಾ ಚೋಪ್ರಾ ಮೊದಲ ಸ್ಥಾನವನ್ನ ಪಡೆದುಕೊಂಡಿದ್ದಾರೆ.

ಪ್ರಿಯಾಂಕಾ ಚೋಪ್ರಾ ಅವರ ನ್ಯೂಯಾರ್ಕ್ ಮನೆ ಹೇಗಿದೆ ನೋಡಿ?

ಅತ್ಯಂತ ಪ್ರತಿಭಾವಂತೆ, ಬುದ್ಧಿವಂತೆ, ಬಹುಮುಖಿ ಸಾಧಕಿ, ಸೌಂದರ್ಯವಂತೆ, ಸಾಮಾಜಿಕ ಪ್ರಜ್ಞೆಯ ಜೊತೆಗೆ ಅಂತಾರಾಷ್ಟ್ರೀಯ ಮಟ್ಟದ ಹಾಡುಗಾರ್ತಿ, ಮ್ಯೂಸೀಷಿಯನ್ ಕೂಡ ಆಗಿರುವ ಪ್ರಿಯಾಂಕಾ ಐದನೇ ಬಾರಿ ಈ ಸ್ಥಾನವನ್ನ ಪಡೆದುಕೊಳ್ಳುವ ಮೂಲಕ ತಮ್ಮ ಹೆಸರಿನಲ್ಲಿ ಹೊಸ ದಾಖಲೆ ಸೃಷ್ಟಿಸಿದ್ದಾರೆ.

50 ಸೆಕ್ಸಿಸ್ಟ್ ಏಷ್ಯನ್ ಮಹಿಳೆಯರಲ್ಲಿ ಮೊದಲ ಸ್ಥಾನ ಪ್ರಿಯಾಂಕ ಚೋಪ್ರಾ ಪಾಲಾಗಿದ್ದು ಮೂರನೇ ಸ್ಥಾನವನ್ನ ನಟಿ ದೀಪಿಕಾ ಪಡುಕೋಣೆ ಪಡೆದುಕೊಂಡಿದ್ದಾರೆ. ಇದೇ ಸಂದರ್ಭದಲ್ಲಿ ಮಾತನಾಡಿದ ನಟಿ ಪ್ರಿಯಾಂಕ ಚೋಪ್ರಾ ಈ ಕ್ರೆಡಿಟ್ ಅನ್ನು ನಾನು ನನ್ನ ತಂದೆ-ತಾಯಿ ಮತ್ತು ನಮ್ಮ ಪೂರ್ವಜರಿಗೆ ನೀಡಲು ಬಯಸುತ್ತೇನೆ. ನನಗೆ ವೋಟ್ ಮಾಡಿದ ಅಭಿಮಾನಿಗಳಿಗೆ ಈ ಮೂಲಕ ಕೃತಜ್ಞತೆ ಸಲ್ಲಿಸುತ್ತೇನೆ ಎಂದಿದ್ದಾರೆ. ಇನ್ನುಳಿದಂತೆ ಭಾರತೀಯ ಖ್ಯಾತ ಟಿವಿ ತಾರೆ ನಿಯಾ ಶರ್ಮಾ ಎರಡನೇ ಸ್ಥಾನ, ನಟಿ ಆಲಿಯಾ ಭಟ್ ನಾಲ್ಕನೇ ಸ್ಥಾನ, ಮಹೀರಾ ಖಾನ್ ಐದನೇ ಸ್ಥಾನಕ್ಕೆ ತೃಪ್ತಿ ಪಟ್ಟುಕೊಂಡಿದ್ದಾರೆ.