ಏಷಿಯಾದ ಅತ್ಯಂತ ಸೆಕ್ಸಿಯೆಸ್ಟ್ ಮಹಿಳೆ ಇವರಂತೆ..!

ನಟಿ ಪ್ರಿಯಾಂಕ ಚೋಪ್ರಾ

ಅಂದಹಾಗೆ ನಟಿ ಪಿಗ್ಗಿ ಅವರು ಇದು ಮೂರನೇ ಬಾರಿಗೆ ಸೆಕ್ಸಿ ಮಹಿಳೆ ಎಂಬ ಕಿರೀಟವನ್ನು ಹೊತ್ತುಕೊಂಡಿರುವುದು. ಅಲ್ಲದೇ ಇವರು ಅಮೇರಿಕದ ಟಿವಿ ಧಾರಾವಾಹಿ ಥ್ರಿಲ್ಲರ್ ಕಥೆಯನ್ನಾಧರಿಸಿದ 'ಕ್ವಾಂಟಿಕೋ' ದಲ್ಲೂ ನಟಿಸಿದ್ದು, ಅದೂ ಕೂಡ ಟಾಪ್ ನಲ್ಲಿದೆ. ಮಾತ್ರವಲ್ಲದೇ ಮಾಜಿ ವಿಶ್ವಸುಂದರಿಯಾಗಿರುವ ಪಿಗ್ಗಿ ಅವರು 2014ರಲ್ಲಿ 'ಮೇರಿ ಕೋಮ್' ಎಂಬ ಸಿನಿಮಾ ಮಾಡಿ ಸಿನಿರಸಿಕರ ಮನಗೆದ್ದಿದ್ದರು.

ಕಿರುತೆರೆ ನಟಿ ಸನಾಯ ಇರಾನಿ

'ಇಸ್ ಪ್ಯಾರ್ ಕೋ ಕ್ಯಾ ನಾಮ್ ದೂ' ಖ್ಯಾತಿಯ ಕಿರುತೆರೆ ನಟಿ ಸನಾಯ ಇರಾನಿ ಅವರು ಕಳೆದ ಭಾರಿ ಪ್ರಥಮ ಸ್ಥಾನದಲಿದ್ದವರು ಈ ಬಾರಿ ದ್ವಿತೀಯ ಸ್ಥಾನಕ್ಕೆ ಜಂಪ್ ಆಗಿದ್ದಾರೆ.

ಕಿರುತೆರೆ ನಟಿ ದ್ರಾಶ್ತಿ ಧಮಿ

'ಮಧುಬಾಲ' ಖ್ಯಾತಿಯ ಕಿರುತೆರೆ ನಟಿ ದ್ರಾಶ್ತಿ ಧಮಿ ಅವರು ಕಳೆದ ಬಾರಿ ಎರಡನೇ ಸ್ಥಾನದಲ್ಲಿ 'ಏಷಿಯಾದ ಸೆಕ್ಸಿಯೆಸ್ಟ್ ಮಹಿಳೆ' ಎಂಬ ಕಿರೀಟ ತೊಟ್ಟುಕೊಂಡಿದ್ದವರು ಈ ಬಾರಿ ಮೂರನೇ ಸ್ಥಾನಕ್ಕೆ ಇಳಿದಿದ್ದಾರೆ.

ನಟಿ ದೀಪಿಕಾ ಪಡುಕೋಣೆ

ಬಾಲಿವುಡ್ ನ ಮತ್ತೊಬ್ಬ ಚೆಲುವೆ ದೀಪಿಕಾ ಪಡುಕೋಣೆ ಅವರಿಗೂ ಈ ಸ್ಪರ್ಧೆಯಲ್ಲಿ ವೋಟ್ ಬಿದ್ದಿದ್ದು, 'ಮಸ್ತಾನಿ' ಚೆಲುವೆ ಡಿಪ್ಪಿ ಅವರು ನಾಲ್ಕನೇ ಸ್ಥಾನವನ್ನು ಅಲಂಕರಿಸಿದ್ದಾರೆ.

ಬಿಟೌನ್ ಬೆಡಗಿ ಕತ್ರೀನಾ ಕೈಫ್

ರಣಬೀರ್ ಕಪೂರ್ ಪ್ರಿಯತಮೆ ಬಾಲಿವುಡ್ ನಟಿ ಕತ್ರಿನಾ ಕೈಫ್ ಅವರೂ ಇದರಲ್ಲಿ ಭಾಗವಹಿಸಿದ್ದು, ಟಾಪ್ 5 ರಲ್ಲಿ ಇವರು ಐದನೇ ಸ್ಥಾನವನ್ನು ಅಲಂಕರಿಸಿ 'ಏಷಿಯಾದ ಸೆಕ್ಸಿಯೆಸ್ಟ್ ಮಹಿಳೆ' ಎನಿಸಿಕೊಂಡಿದ್ದಾರೆ.

ಕಿರುತೆರೆ ನಟಿ ನಿಯಾ ಶರ್ಮಾ

ಜೀ ಟಿವಿ ವಾಹಿನಿಯಲ್ಲಿ ಪ್ರಸಾರವಾಗುವ 'ಜಮೈ ರಾಜಾ' ಖ್ಯಾತಿಯ ಕಿರುತೆರೆ ನಟಿ ನಿಯಾ ಶರ್ಮಾ ಅವರು 6ನೇ ಸ್ಥಾನ ಗಿಟ್ಟಿಸಿಕೊಂಡು ಸೆಕ್ಸಿ ಮಹಿಳೆ ಎಂಬ ಪಟ್ಟ ಗಳಿಸಿಕೊಂಡಿದ್ದಾರೆ.

ಬಾಲಿವುಡ್ ನಟಿ ಕರೀನಾ ಕಪೂರ್ ಖಾನ್

ಬಾಲಿವುಡ್ ಇನ್ನೋರ್ವ ಬೆಡಗಿ ಕರೀನಾ ಕಪೂರ್ ಖಾನ್ ಅವರು ಟಾಪ್ 10 ನಲ್ಲಿ 7 ನೇ ಸ್ಥಾನ ಗಿಟ್ಟಿಸಿಕೊಂಡು ಸೆಕ್ಸಿ ಮಹಿಳೆ ರೇಸ್ ನಲ್ಲಿದ್ದಾರೆ.

ನಟಿ ಕಮ್ ಮಾಡೆಲ್ ಗೌಹರ್ ಖಾನ್

ಮಾಡಲ್ ಕಮ್ ಬಾಲಿವುಡ್‌ ನಟಿ ಹಿಂದಿ 'ಬಿಗ್ ಬಾಸ್ 7'ಖ್ಯಾತಿಯ ಗೌಹರ್ ಖಾನ್ ಅವರು ಟಾಪ್ 10 ನಲ್ಲಿ 8ನೇ ಸ್ಥಾನದಲ್ಲಿ ಸೆಕ್ಸಿ ಮಹಿಳೆ ಪಟ್ಟವನ್ನು ಅಲಂಕರಿಸಿದ್ದಾರೆ.

ಬಾಲಿವುಡ್ ನಟಿ ಸೋನಂ ಕಪೂರ್

ಸಲ್ಮಾನ್ ಖಾನ್ ಅವರ ಜೊತೆ 'ಪ್ರೇಮ್ ರತನ್ ಧನ್ ಪಾಯೋ' ಎಂದು ಡ್ಯುಯೆಟ್ ಹಾಡಿದ್ದ ಬಾಲಿವುಡ್ ನಟಿ ಸೋನಂ ಕಪೂರ್ ಅವರು ಟಾಪ್ 10 ರಲ್ಲಿ 9ನೇ ಸ್ಥಾನದಲ್ಲಿದ್ದುಕೊಂಡು ತೃಪ್ತಿ ಪಟ್ಟುಕೊಂಡಿದ್ದಾರೆ.