ಭಾರತಕ್ಕೆ ಬಂದ ನಿಕ್ ತಂದೆ-ತಾಯಿ: ನಾಳೆ ಪ್ರಿಯಾಂಕಾ ಕಡೆಯಿಂದ ಸ್ಪೆಷಲ್ ಪಾರ್ಟಿ.!

ಭಾರತಕ್ಕೆ ಬಂದ ನಿಕ್ ತಂದೆ ತಾಯಿ

ನಿಕ್ ಜೊನಾಸ್ ತಂದೆ-ತಾಯಿ (ಕೆವಿನ್-ಡೆನಿಸ್ ಜೊನಾಸ್) ಭಾರತಕ್ಕೆ ಬಂದಿದ್ದಾರೆ. ಪ್ರಿಯಾಂಕಾ ಛೋಪ್ರಾ ಆಯೋಜಿಸಿರುವ ಪಾರ್ಟಿಯಲ್ಲಿ ಪಾಲ್ಗೊಳ್ಳುವ ಉತ್ಸಾಹದಲ್ಲಿದ್ದಾರೆ ನಿಕ್ ತಂದೆ-ತಾಯಿ.

ಕ್ಯಾಮರಾ ಕಂಗಳಲ್ಲಿ ಸೆರೆಯಾದ ನಿಕ್

ತಮ್ಮ ತಂದೆ-ತಾಯಿ ಜೊತೆಗೆ ಏರ್ ಪೋರ್ಟ್ ನಲ್ಲಿ ನಿಕ್ ಲ್ಯಾಂಡ್ ಆದಾಗ, ಕ್ಯಾಮರಾ ಕಂಗಳಿಗೆ ಸೆರೆ ಸಿಕ್ಕರು.

ನಾಳೆ ನಡೆಯುವುದು ಎಂಗೇಜ್ಮೆಂಟ್ ಪಾರ್ಟಿ.?

ನಾಳೆ ಮುಂಬೈನ ಫೈವ್ ಸ್ಟಾರ್ ಹೋಟೆಲ್ ನಲ್ಲಿ ನಡೆಯಲಿರುವುದು ಪ್ರಿಯಾಂಕಾ-ನಿಕ್ ಎಂಗೇಜ್ಮೆಂಟ್ ಪಾರ್ಟಿ ಎನ್ನಲಾಗಿದೆ. ಜುಲೈ 18 ರಂದೇ (ಪ್ರಿಯಾಂಕಾ ಜನ್ಮದಿನ) ಪ್ರಿಯಾಂಕಾ ಕೈಬೆರಳಿಗೆ ನಿಕ್ ಉಂಗುರ ತೊಡಿಸಿದ್ದಾರೆ ಎಂದು ಸುದ್ದಿ ಆಗಿತ್ತು. ಈ ನಡುವೆ ತಮ್ಮ ನಿಶ್ಚಿತಾರ್ಥ ಭಾರತದಲ್ಲಿಯೇ ನಡೆಯಬೇಕು ಎಂಬ ಆಸೆ ಇರುವ ಕಾರಣ ನಾಳೆ ಎಂಗೇಜ್ಮೆಂಟ್ ಪಾರ್ಟಿ ಆಯೋಜಿಸಿದ್ದಾರಂತೆ ನಟಿ ಪ್ರಿಯಾಂಕಾ ಛೋಪ್ರಾ.

ಭಾವಿ ಸೊಸೆಗೆ ದುಬಾರಿ ಗಿಫ್ಟ್.?

ಈಗಾಗಲೇ ಪ್ರಿಯಾಂಕಾ ಕೈಬೆರಳಿಗೆ ಒಂದು ಕೋಟಿ ರೂಪಾಯಿಗೂ ಹೆಚ್ಚು ಬೆಲೆ ಬಾಳುವ ವಜ್ರದ ಉಂಗುರವನ್ನ ನಿಕ್ ತೊಡಿಸಿದ್ದಾರೆ. ಇದೀಗ ಭಾವಿ ಸೊಸೆ ಪ್ರಿಯಾಂಕಾ ಛೋಪ್ರಾಗೆ ನಿಕ್ ತಂದೆ-ತಾಯಿ ದುಬಾರಿ ಉಡುಗೊರೆ ನೀಡಲಿದ್ದಾರಂತೆ.

ಪಾರ್ಟಿಯಲ್ಲಿ ಬಾಲಿವುಡ್ ದಿಗ್ಗಜರು ಭಾಗಿ

ಎಂಗೇಜ್ಮೆಂಟ್ ಪಾರ್ಟಿಯಲ್ಲಿ ಪಾಲ್ಗೊಳ್ಳಲು ಬಾಲಿವುಡ್ ದಿಗ್ಗಜರಿಗೆ ಪ್ರಿಯಾಂಕಾ ಆಹ್ವಾನ ನೀಡಿದ್ದಾರಂತೆ. ಎಲ್ಲರ ಮುಂದೆ ತಮ್ಮ ನಿಶ್ಚಿತಾರ್ಥ ಹಾಗೂ ಮದುವೆ ಸುದ್ದಿಯನ್ನ ಪ್ರಿಯಾಂಕಾ ಬಹಿರಂಗ ಪಡಿಸುವ ಸಾಧ್ಯತೆ ಇದೆ.