ಬಿಗಿಯಾದ ಬಟ್ಟೆ ಧರಿಸಲು ಬಿಡುತ್ತಿರಲ್ಲಿಲ್ಲ ಎಂದು ಅಪ್ಪನ ಮೇಲೆ ಮುನಿಸಿಕೊಂಡಿದ್ದೆ: ಪ್ರಿಯಾಂಕಾ ಚೋಪ್ರಾ

ಬಿಗಿ ಉಡುಪು ಧರಿಸಿದ್ದನ್ನು ನೋಡಿ ತಂದೆ ಕೆಂಡಾಮಂಡಲವಾಗಿದ್ದರು

ಪ್ರಿಯಾಂಕಾ ಚೋಪ್ರಾ ಇತ್ತೀಚಿಗೆ ತನ್ನ ತಂದೆ ಅಶೋಕ್ ಚೋಪ್ರಾ ಜೊತೆಗಿನ ನೆನಪನ್ನು ಹಂಚಿಕೊಂಡಿದ್ದಾರೆ. "ನನಗೆ ಆಗ 16 ವರ್ಷ. ನಾನು ಅಮೆರಿಕಾದಿಂದ ವಾಪಸ್ ಬಂದ ನಂತರ ನನ್ನ ತಂದೆ ನನ್ನನ್ನು ನೋಡಿ ಬೆಚ್ಚಿಬಿದ್ದರು. ನಾನು ಧರಿಸಿದ್ದ ಉಡುಪನ್ನು ನೋಡಿ ಕೆಂಡಾಮಂಡಲವಾಗಿದ್ದು. ನಾನು ಅಮೆರಿಕಾಗೆ ಹೋದ ನಂತರ ಅಲ್ಲಿಯ ಉಡುಗೆ ತೊಡುಗೆ ಧರಿಸಲು ಪ್ರಾರಂಭಿಸಿದ್ದೆ. ಭಾರತಕ್ಕೆ ಬಂದ ನಂತರವೂ ಬಿಗಿಯಾದ ಉಡುಪು ಧರಿಸಿದ್ದನ್ನು ನೋಡಿ ಅಪ್ಪ ಕೋಪಮಾಡಿಕೊಂಡಿದ್ದರು. ನಮ್ಮಿಬ್ಬರ ನಡುವೆ ಮಾತಿನ ವಾಗ್ವಾದವೆ ನಡೆದಿತ್ತು" ಎಂದು ಹೇಳಿದ್ದಾರೆ.

ಹುಡುಗರು ನನ್ನನ್ನು ಫಾಲೋ ಮಾಡಿಕೊಂಡು ಬರುತ್ತಿದ್ದರು

"ನಾನು ಬಿಗಿಯಾದ ಬಟ್ಟೆ ಧರಿಸಿ ಶಾಲೆಗೆ ಹೋಗುವುದು ಅಪ್ಪನಿಗೆ ಇಷ್ಟವಾಗುತ್ತಿರಲಿಲ್ಲ. ಅಲ್ಲದೆ ನಾನು ಶಾಲೆಯಿಂದ ಮನೆಗೆ ಬರುವಾಗ ಹುಡುಗರು ನನ್ನನ್ನು ಫಾಲೋ ಮಾಡಿಕೊಂಡು ಬರುತ್ತಿದ್ದರು. ಇದನ್ನು ನೋಡಿದ ಅಪ್ಪ ಬಿಗಿಯಾದ ಬಟ್ಟೆ ಧರಿಸಲು ಬಿಡುತ್ತಿರಲಿಲ್ಲ. ಅಪ್ಪ ಮತ್ತು ಮಗಳ ನಡುವೆ ಇಗೋ ಸಮಸ್ಯೆಯಿಂದ ಕಿರಿಕ್ ಆಗುತ್ತಿತ್ತು" ಎಂದು ಹೇಳಿದ್ದಾರೆ.

ನಾಲ್ಕು ವರ್ಷ ಅಮೆರಿಕಾದಲ್ಲಿ ಓದಿದ ಪ್ರಿಯಾಂಕಾ

"ನನ್ನ ಮತ್ತು ಅಪ್ಪನ ನಡುವೆ ತುಂಬ ಅನ್ಯೋನ್ಯತೆ ಇತ್ತು. ನಾನು 12ನೇ ವರ್ಷದವಳಾಗಿದ್ದಾಗ ಓದಲು ಅಮೆರಿಕಾಗೆ ಹೋದೆ. ಆ ನಂತರ ನಾಲ್ಕು ವರ್ಷದ ಬಳಿಕ ಅಮೆರಿಕಾದಿಂದ ವಾಪಸ್ ಆದೆ. ಅಷ್ಟರಲ್ಲಿ ಸಾಕಷ್ಟು ಬದಲಾಗಿದ್ದೆ. ಹೋಗುವಾಗ ಗುಂಗುರು ಕೂದಲಿನ ಭಾರತೀಯ ಹುಡುಗಿಯಾಗಿ ಹೋಗಿದ್ದೆ. ಆದರೆ ಬರುವಾಗ ಸಾಕಷ್ಟು ಬದಲಾಗಿದ್ದೆ, ಟೈಟ್ ಬಟ್ಟೆಗಳನ್ನು ಧರಿಸುತ್ತಿದ್ದೆ. ಮೊದಲೆರಡು ವಾರ ಅಪ್ಪನಿಗೆ ಏನು ಹೇಳಬೇಕೆಂದು ತಿಳಿಯದೆ ಗೊಂದಲದಲ್ಲಿದ್ದರು. ಆನಂತರ ಟೈಟ್ ಬಟ್ಟೆ ಧರಿಸಬೇಡ ಎಂದು ಹೇಳುತ್ತಿದ್ದರು. ಅಪ್ಪ ಮತ್ತು ನನ್ನ ನಡುವೆ ಎಷ್ಟೆ ಕಿತ್ತಾಟವಾಗುತ್ತಿದ್ದರು ಇಬ್ಬರು ಉತ್ತಮ ಸ್ನೇಹಿತರಾಗಿದ್ದೆವು" ಎಂದು ಪ್ರಿಯಾಂಕಾ ಹೇಳಿದ್ದಾರೆ.

2013ರಲ್ಲಿ ತಂದೆಯನ್ನು ಕಳೆದುಕೊಂಡ ಪ್ರಿಯಾಂಕಾ

ಪ್ರಿಯಾಂಕ್ ತಂದೆ ಅಶೋಕ್ ಚೋಪ್ರಾ ಈಗಿಲ್ಲ. 2013ರಲ್ಲಿ ಪ್ರಿಯಾಂಕಾ ತಂದೆಯನ್ನು ಕಳೆದುಕೊಂಡಿದ್ದಾರೆ. ಲಿವರ್ ಕ್ಯಾನ್ಸರ್ ನಿಂದ ಅಶೋಕ್ ಚೋಪ್ರಾ ನಿಧನರಾದರು. ಅಪ್ಪನ ಜೊತೆಗಿದ್ದ ಒಂದಿಷ್ಟು ನೆನಪುಗಳನ್ನು ಪ್ರಿಯಾಂಕಾ ಇತ್ತೀಚಿಗಿನ ಸಂದರ್ಶನವೊಂದರಲ್ಲಿ ಬಹಿರಂಗಪಡಿಸಿದ್ದಾರೆ.