Don't Miss!
- Lifestyle ಲಿವರ್ ಸಮಸ್ಯೆಯಿದೆ ಎಂದು ಸೂಚಿಸುವ ಲಕ್ಷಣಗಳಿವು, ಕುಟುಂಬಸ್ಥರು ಲಿವರ್ ದಾನ ಮಾಡಿದರೆ ವ್ಯಕ್ತಿಯ ಪ್ರಾಣ ಉಳಿಸಬಹುದು
- News ಲೋಕಸಭಾ ಚುನಾವಣೆ 2024: ಈ ಆರು ಜಿಲ್ಲೆಗಳಲ್ಲಿ ಬಹುತೇಕ ಶೂನ್ಯ ಮತದಾನ; ಕಾರಣವೇನು?
- Sports LSG vs CSK IPL 2024: ಮತ್ತೊಮ್ಮೆ ಧೋನಿ, ಜಡೇಜಾ ಅಬ್ಬರ; ಲಕ್ನೋ ತಂಡಕ್ಕೆ ಸವಾಲಿನ ಗುರಿ ನೀಡಿದ ಸಿಎಸ್ಕೆ
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಾಹುಬಲಿ ಸಿರೀಸ್ ಹಾಗೂ 3 ಈಡಿಯಟ್ಸ್ಗಿಂತೂ 'ಪುಷ್ಪ' ಗ್ರೇಟ್ ಎಂದ ಬಾಲಿವುಡ್ ನಟ ಆಮಿರ್ ಖಾನ್
ಅಲ್ಲು ಅರ್ಜುನ್ ನಟಿಸಿದ 'ಪುಷ್ಪ' ಬಾಲಿವುಡ್ ಬಾಕ್ಸಾಫೀಸ್ನಲ್ಲಿ ಕಪ್ಪು ಕುದುರೆ ಎಂದು ಸಾಭೀತಾಗಿದೆ. ಕಳೆದ ವರ್ಷ ಡಿಸೆಂಬರ್ನಲ್ಲಿ ತೆರೆಕಂಡಿದ್ದ ಪ್ಯಾನ್ ಇಂಡಿಯಾ ಸಿನಿಮಾ ಬಾಕ್ಸಾಫೀಸ್ ಅನ್ನು ಚಿಂದಿ ಉಡಾಯಿಸಿದೆ. ಅದರಲ್ಲೂ ಹಿಂದಿಗೆ ಡಬ್ ಮಾಡಿದ ಸಿನಿಮಾವಂತೂ ಬಾಕ್ಸಾಫೀಸ್ನಲ್ಲಿ ಹೊಸ ದಾಖಲೆಯನ್ನೇ ಬರೆದಿದೆ. ವಿಶೇಷ ಅಂದರೆ, 'ಪುಷ್ಪ' ಗಳಿಕೆ ಬಾಲಿವುಡ್ ನಟ ಆಮಿರ್ ಖಾನ್ಗೆ ಅಚ್ಚರಿ ಮೂಡಿಸಿದೆ.
'ಪುಷ್ಪ' ಸಿನಿಮಾ ಬಿಡುಗಡೆಯಾದಾಗ ಸಾಕಷ್ಟು ಸವಾಲು ಎದುರಾಗಿತ್ತು. ಹಾಲಿವುಡ್ ಸಿನಿಮಾ ಸ್ಪೈಡರ್ ಮ್ಯಾನ್ ಭಾರತ ಚಿತ್ರಮಂದಿರಗಳಲ್ಲಿ ಉತ್ತಮ ಪ್ರದರ್ಶನ ಕಾಣುತ್ತಿತ್ತು. ಇನ್ನೊಂದು ಕಡೆ ರಣ್ವೀರ್ ಸಿಂಗ್ ಅಭಿನಯದ 83 ಕೂಡ ಕ್ಯೂನಲ್ಲಿತ್ತು. ಇಷ್ಟೊಂದು ಕಾಂಪಿಟೇಷನ್ಗಳ ಮಧ್ಯೆ 'ಪುಷ್ಪ' ಬಾಲಿವುಡ್ ಬಾಕ್ಸಾಫೀಸ್ನಲ್ಲಿ ಕೊಳ್ಳೆ ಹೊಡೆದಿದೆ. ಈ ಕಾರಣಕ್ಕೆ ಆಮಿರ್ ಖಾನ್ ಬಾಹುಬಲಿ, 3 ಈಡಿಯಟ್ಸ್ಗಿಂತೂ ಗ್ರೇಟ್ ಎಂದಿದ್ದಾರೆ.
ಬಾಹುಬಲಿ- 3 ಈಡಿಯಟ್ಸ್ಗಿಂತಲೂ 'ಪುಷ್ಪ' ಗ್ರೇಟ್
ಬಾಲಿವುಡ್ ಬಾಕ್ಸಾಫೀಸ್ನಲ್ಲಿ 'ಪುಷ್ಪ' ಗೆದ್ದಿದ್ದಕ್ಕೆ ಎಲ್ಲೆಡೆ ಆಶ್ಚರ್ಯ ವ್ಯಕ್ತವಾಗುತ್ತಿದೆ. ಕೆಲವೆಡೆ ಥಿಯೇಟರ್ ಶೇ. 50ರಷ್ಟು ಸೀಟು ಭರ್ತಿಗೆ ಅವಕಾಶ ನೀಡಲಾಗಿತ್ತು. ಇನ್ನೊಂದು ಕಡೆ ಕಾಂಪಿಟೇಷನ್. ಇವೆಲ್ಲವುಗಳ ಹೊರತಾಗಿಯೂ 'ಪುಷ್ಪ' ಬಾಲಿವುಡ್ ಬಾಕ್ಸಾಫೀಸ್ನಲ್ಲಿ ಸುಮಾರು 80 ಕೋಟಿ ಕಲೆ ಹಾಕಿತ್ತು. ಅಲ್ಲು ಅರ್ಜುನ್ ಮೊದಲ ಫ್ಯಾನ್ ಇಂಡಿಯಾ ಸಿನಿಮಾ ಹಿಂದಿಯಲ್ಲಿ ದೊಡ್ಡ ಮೊತ್ತ ಕಲೆ ಹಾಕಿದ್ದು ಆಮಿರ್ ಖಾನ್ ಅಚ್ಚರಿಗೆ ಕಾರಣವಾಗಿದೆ. ಹೀಗಾಗಿ ಬಾಹುಬಲಿ ಸಿರೀಸ್ ಹಾಗೂ 3 ಈಡಿಯಟ್ಸ್ ಗಿಂತಲೂ ಹೆಚ್ಚು ಯಶಸ್ಸು ಸಿಕ್ಕಿದೆ ಎಂದಿದ್ದಾರೆ.
ಪುಷ್ಪ ಬಗ್ಗೆ ಆಮಿರ್ ಖಾನ್ ಫಾರ್ಮೂಲವೇನು?
ಬಾಕ್ಸಾಫೀಸ್ ಬಗ್ಗೆ ಆಮಿರ್ ಖಾನ್ ಫಾರ್ಮೂಲ ಬೇರೆನೇ ಹೇಳುತ್ತೆ. " ಯಶಸ್ಸನ್ನು ಅಳೆಯಲು ವೀಕೆಂಡ್ ಗಳಿಕೆ ಜೊತೆಗೆ ಒಟ್ಟು ಗಳಿಕೆಯನ್ನು ಹೋಲಿಕೆ ಮಾಡಬೇಕಾಗುತ್ತೆ. 3 ಈಡಿಯಟ್ಸ್ ವೀಕೆಂಡ್ನಲ್ಲಿ 40 ಕೋಟಿ ಗಳಿಸಿತ್ತು. ಒಟ್ಟು 202 ಕೋಟಿ ಬ್ಯುಸಿನೆಸ್ ಮಾಡಿತ್ತು. 'ಪುಷ್ಪ' ಸಿನಿಮಾದ ಗಳಿಕೆಯನ್ನು ವೀಕೆಂಡ್ಗಳನ್ನು 5 ರಿಂದ ಗುಣಾಕಾರ ಮಾಡಿದರೆ, ಅದರ ಗಳಿಕೆ ಅತ್ಯುತ್ತಮ. ಇದರ ಪ್ರಕಾರ, ಸಿನಿಮಾ ನೋಡಲು ಜನರು ಪದೇ ಪದೇ ಚಿತ್ರಮಂದಿರಕ್ಕೆ ಹೋಗಿದ್ದಾರೆ ಎಂದರ್ಥ. ಸಿನಿಮಾ ಮೂರು ದಿನದಲ್ಲಿ ನೂರು ಕೋಟಿ ಮಾಡಿದ್ದು, ಅದರ ಒಟ್ಟು ಗಳಿಕೆ 200 ಕೋಟಿ ಆದರೆ ಆ ಸಿನಿಮಾ ಚೆನ್ನಾಗಿಲ್ಲ ಎಂದರ್ಥ. ಎಂಬುದು ಆಮಿರ್ ಖಾನ್ ವಾದ.
ಓಟಿಟಿಗೆ ಲಗ್ಗೆ ಇಟ್ಟ ಅಲ್ಲು 'ಪುಷ್ಪ'
'ಪುಷ್ಪ' ಸಿನಿಮಾ ಥಿಯೇಟರ್ನಲ್ಲಿ ಉತ್ತಮ ಪ್ರತಿಕ್ರಿಯೆ ಕಾಣುತ್ತಿತ್ತು. ಹೀಗಿರುವಾಗಲೇ ಸಿನಿಮಾ ಓಟಿಟಿಯಲ್ಲಿ ತೆರೆಕಂಡಿತ್ತು. ಸಿನಿಮಾದ ಗಳಿಕೆ ಚೆನ್ನಾಗಿರುವಾಗಲೇ ಆಮೆಜಾನ್ ಪ್ರೈಮ್ನಲ್ಲಿ ಬಿಡುಗಡೆಯಾಗಿತ್ತು. ಪುಷ್ಪ ಬಾಕ್ಸಾಫೀಸ್ನಲ್ಲಿ ಸುಮಾರು 300 ಕೋಟಿ ಗಳಿಕೆ ಕಂಡಿತ್ತು. ಹೀಗಿದ್ದರೂ ಮೊದಲೇ ಕಮಿಟ್ಮೆಂಟ್ ಮಾಡಿಕೊಂಡಿದ್ದರಿಂದ ಅನಿವಾರ್ಯವಾಗಿ ಓಟಿಟಿಯಲ್ಲಿ ಬಿಡುಗಡೆ ಮಾಡಬೇಕಾಗಿ ಬಂದಿದೆ.
ಅಲ್ಲು, ಸಮಂತಾ, ರಶ್ಮಿಕಾ ಗೆಲುವಿನ ರೂವಾರಿಗಳು
ಆಮಿರ್ ಖಾನ್ ಮೆಚ್ಚಿದ ಈ ಸಿನಿಮಾದ ರೂವಾರಿಗಳು ಅಲ್ಲು ಅರ್ಜುನ್. ಇದೇ ಮೊದಲ ಬಾರಿಗೆ ಇಂತಹದ್ದೊಂದು ಪಾತ್ರದಲ್ಲಿ ಸ್ಟೈಲಿಷ್ ಸ್ಟಾರ್ ಕಾಣಿಸಿಕೊಂಡಿದ್ದಾರೆ. ಇದರೊಂದಿಗೆ ಡಿಗ್ಲಾಮರ್ ರೋಲ್ನಲ್ಲಿ ರಶ್ಮಿಕಾ ಮಂದಣ್ಣ ಹಾಗೂ ಸಮಂತಾ ಐಟಂ ಸಾಂಗ್ ಚಿತ್ರದ ಪ್ರಮುಖ ಆಕರ್ಷಣೆಯಾಗಿತ್ತು. ಅದರಂತೆಯೇ ಆಂಧ್ರ, ತೆಲಂಗಾಣದಲ್ಲಿ 'ಪುಷ್ಪ' ಸಿನಿಮಾ ಬಾಕ್ಸಾಫೀಸ್ನಲ್ಲಿ ಚಿಂದಿ ಉಡಾಯಿಸಿದೆ.