'ರೇಸ್-3' ಚಿತ್ರದ ಪ್ರಸಾರ ಹಕ್ಕು 130 ಕೋಟಿಗೆ ಸೇಲ್.! ಅಬ್ಬಬ್ಬಾ.. ಅಷ್ಟೊಂದಾ.?

Recommended Video

ಬಾಲಿವುಡ್ ನಲ್ಲಿ ಸಲ್ಮಾನ್ ಖಾನ್ ಸಿನಿಮಾ ಅಂದ್ರೆ ಅದಕ್ಕೆ ಇರುವ ಡಿಮ್ಯಾಂಡ್ ಅಷ್ಟಿಷ್ಟಲ್ಲ. ಸದ್ಯ ರಂಜಾನ್ ಹಬ್ಬದ ಸಡಗರದಂದು (ಜೂನ್ 15) ಬಿಡುಗಡೆ ಆಗುತ್ತಿರುವ 'ರೇಸ್-3' ಚಿತ್ರವನ್ನ ಉದಾಹರಣೆ ಆಗಿ ತೆಗೆದುಕೊಳ್ಳಿ...

ಈಗಾಗಲೇ ಎಲ್ಲೆಡೆ 'ರೇಸ್-3' ಚಿತ್ರದ ಬುಕ್ಕಿಂಗ್ ಓಪನ್ ಆಗಿದೆ. ಟಿಕೆಟ್ ಗಳಿಗಾಗಿ ಬೇಡಿಕೆ ಹೆಜ್ಜಾಗಿದೆ. ಈದ್ ಸಂದರ್ಭದಲ್ಲಿ ಬಿಡುಗಡೆ ಆಗುತ್ತಿರುವ ರೆಮೋ ಡಿಸೋಜಾ ನಿರ್ದೇಶನದ 'ರೇಸ್-3' ಗ್ಯಾರೆಂಟಿ ಹಿಂದಿನ ರೆಕಾರ್ಡ್ ಗಳನ್ನ ಉಡೀಸ್ ಮಾಡುತ್ತದೆ ಎನ್ನುವುದು ಅಭಿಮಾನಿಗಳ ಮಾತು.

ಆದ್ರೆ, ಬಿಡುಗಡೆ ಆಗುವ ಮುನ್ನವೇ ಸಲ್ಮಾನ್ ಖಾನ್, ಜಾಕ್ವೆಲಿನ್, ಬಾಬಿ ಡಿಯೋಲ್ ಅಭಿನಯದ 'ರೇಸ್-3' ಸಿನಿಮಾ ಹೊಸ ಇತಿಹಾಸ ಸೃಷ್ಟಿಸಿದೆ. ನೀವು ನಿಬ್ಬೆರಗಾಗುವ ಮೊತ್ತಕ್ಕೆ 'ರೇಸ್-3' ಚಿತ್ರದ ಸ್ಯಾಟೆಲೈಟ್ ರೈಟ್ಸ್ ಸೇಲ್ ಆಗಿದೆ. ಬರೋಬ್ಬರಿ 130 ಕೋಟಿ ರೂಪಾಯಿ ಕೊಟ್ಟು ಖಾಸಗಿ ವಾಹಿನಿ 'ರೇಸ್-3' ಚಿತ್ರದ ಪ್ರಸಾರ ಹಕ್ಕು ಖರೀದಿ ಮಾಡಿದ್ಯಂತೆ.

ಬಾಲಿವುಡ್ ಇತಿಹಾಸದಲ್ಲಿಯೇ ಇಷ್ಟೊಂದು ದೊಡ್ಡ ಮೊತ್ತಕ್ಕೆ ಸ್ಯಾಟೆಲೈಟ್ ರೈಟ್ಸ್ ಬಿಕರಿ ಆಗಿರುವ ಮೊಟ್ಟ ಮೊದಲ ಚಿತ್ರ 'ರೇಸ್-3'.

ಬ್ಯಾಂಕಾಕ್, ಅಬು ದಾಬಿ, ಕಾಶ್ಮೀರ, ಲಡಾಕ್ ನಲ್ಲಿ ಚಿತ್ರೀಕರಣಗೊಂಡಿರುವ 'ರೇಸ್-3' ಬಹು ಕೋಟಿ ಬಜೆಟ್ ನಲ್ಲಿ ರೆಡಿ ಆಗಿದೆ. ಚಿತ್ರಕ್ಕೆ ಹಾಕಿರುವ ಬಂಡವಾಳ ಸ್ಯಾಟೆಲೆಟ್ ರೈಟ್ಸ್ ನಿಂದಲೇ ವಾಪಸ್ ಬಂದಿದ್ದು, ಇನ್ಮುಂದೆ ಎಷ್ಟು ಕಲೆಕ್ಷನ್ ಆಗುತ್ತೋ, ಅದೆಲ್ಲವೂ ನಿರ್ಮಾಪಕರಿಗೆ ಲಾಭ ಅಂತಲೇ ಲೆಕ್ಕ.