ಅಶ್ಲೀಲ ವಿಡಿಯೋ ಕೇಸ್: ರಾಜ್ ಕುಂದ್ರಾ ಜೊತೆ ಶಿಲ್ಪಾ ಶೆಟ್ಟಿ ಪಾತ್ರ ಇದ್ಯಾ?

ನಟಿ ಶಿಲ್ಪಾ ಶೆಟ್ಟಿ ಸೇಫ್

ಅಶ್ಲೀಲ ವಿಡಿಯೋ ನಿರ್ಮಾಣಕ್ಕೆ ಸಂಬಂಧಪಟ್ಟಂತೆ ರಾಜ್ ಕುಂದ್ರಾ ವಿರುದ್ಧ ಪ್ರಮುಖ ಸಾಕ್ಷ್ಯಗಳಿವೆ ಎಂದು ಪೊಲೀಸ್ ಇಲಾಖೆ ಹೇಳಿದೆ. ಹಾಗಾಗಿ, ಪತ್ನಿಗೂ ಈ ಕೇಸ್‌ನಲ್ಲಿ ನಂಟಿದ್ಯಾ ಎಂಬ ಅನುಮಾನ ಇತ್ತು. ಈ ಬಗ್ಗೆ ಮುಂಬೈ ಪೊಲೀಸ್ ಆಯುಕ್ತ ಪ್ರತಿಕ್ರಿಯಿಸಿ, ''ಶಿಲ್ಪಾ ಶೆಟ್ಟಿ ಅವರ ಪಾತ್ರ ಇರುವ ಬಗ್ಗೆ ನಮಗೆ ಯಾವುದೇ ಸಾಕ್ಷ್ಯ ಇಲ್ಲ'' ಎಂದಿದ್ದಾರೆ.

ಸಂತ್ರಸ್ಥರಿದ್ದರೆ ಮುಂದೆ ಬನ್ನಿ

''ಶಿಲ್ಪಾ ಶೆಟ್ಟಿ ವಿರುದ್ಧ ಯಾವುದೇ ಸಾಕ್ಷ್ಯ ಇಲ್ಲ. ತನಿಖೆ ಮುಂದುವರಿಯುತ್ತಿದೆ. ಈ ಪ್ರಕರಣದಲ್ಲಿ ಯಾರಾದರೂ ಸಂತ್ರಸ್ಥರಿದ್ದರೆ ದಯವಿಟ್ಟು ಮುಂಬೈ ಪೊಲೀಸರನ್ನು ಸಂಪರ್ಕಿಸಿ. ಸೂಕ್ತ ಕ್ರಮ ತೆಗೆದುಕೊಳ್ಳಲಾಗುವುದು'' ಎಂದು ಕಮಿಷನರ್ ಹೇಮಂತ್ ವಿನಂತಿಸಿದ್ದಾರೆ.

ಕುಂದ್ರಾ ಮಾಡಿದ್ದು ಅಶ್ಲೀಲ ಸಿನಿಮಾ ಅಲ್ಲ

ರಾಜ್ ಕುಂದ್ರಾ ಅಶ್ಲೀಲ ಸಿನಿಮಾ ಮಾಡುವ ಜೊತೆಗೆ ಸಿನಿಮಾದಲ್ಲಿ ನಟಿಸಿದ ನಟಿಯರನ್ನು ಶೋಷಿಸುತ್ತಾರೆ ಎಂಬ ಆರೋಪ ಇದೆ. ಈ ಪ್ರಕರಣದ ಬಗ್ಗೆ ಬಾಲಿವುಡ್ ನಟಿ ಗೆಹೆನಾ ವಸಿಷ್ಠ್ ಪ್ರತಿಕ್ರಿಯಿಸಿ, ''ರಾಜ್ ಕುಂದ್ರಾ ಅಶ್ಲೀಲ ಸಿನಿಮಾ ಮಾಡಿಲ್ಲ, ಅದು ಬೋಲ್ಡ್ ಸಿನಿಮಾ. ನಾನು ಅವರ ಜೊತೆ ಮೂರು ಸಿನಿಮಾ ಮಾಡಿದ್ದೇನೆ. ಶೋಷಣೆಯೂ ಮಾಡಿಲ್ಲ. ಸರಿಯಾದ ವೇತನವೂ ಕೊಟ್ಟಿದ್ದಾರೆ. ಇದು ನಟಿಯರ ಸಮ್ಮತಿಯಿಂದಲೇ ಆಗಿರುವುದು'' ಎಂದಿದ್ದಾರೆ.

Recommended Video

ಪತಿ ಅರೆಸ್ಟ್ ಆದ ಬಳಿಕ ಮೊದಲ ಬಾರಿಗೆ ಮೌನ ಮುರಿದ ಶಿಲ್ಪಾ ಶೆಟ್ಟಿ

2021 ಫೆಬ್ರವರಿಯಲ್ಲಿ ದೂರು ದಾಖಲು

''ಅಶ್ಲೀಲ ಚಿತ್ರಗಳ ನಿರ್ಮಾನ ಮತ್ತು ಅವುಗಳನ್ನು ಕೆಲವು ಅಪ್ಲಿಕೇಶನ್‌ಗಳ ಮೂಲಕ ಪ್ರಕಟಿಸುವ ಬಗ್ಗೆ ಫೆಬ್ರವರಿ 2021 ರಲ್ಲಿ ಮುಂಬೈ ಅಪರಾಧ ವಿಭಾಗದಲ್ಲಿ ಪ್ರಕರಣವೊಂದು ದಾಖಲಾಗಿದೆ. ಈ ಕೇಸ್‌ನಲ್ಲಿ ರಾಜ್ ಕುಂದ್ರಾ 19/7/21 ರಂದು ಬಂಧಿಸಿದ್ದೇವೆ, ಪ್ರಾಥಮಿಕ ತನಿಖೆ ವೇಳೆ ರಾಜ್ ಕುಂದ್ರಾ ಈ ಕೇಸ್‌ನಲ್ಲಿ ಪ್ರಮುಖ ಆರೋಪಿ ಎಂದು ತಿಳಿದಿದೆ'' ಎಂದು ಪೊಲೀಸರು ಮಾಹಿತಿ ನೀಡಿದ್ದರು.