ತನುಶ್ರೀ ದತ್ತಾ ವಿವಾದದ ಬಗ್ಗೆ ಕಾಮೆಂಟ್ ಮಾಡಿದ ಬಾಯಿಬಡುಕಿ ರಾಖಿ ಸಾವಂತ್.!

ಅಂದು ನಡೆದದ್ದೇನು.?

''ನಾನು ಅಂದು ಮನೆಯಲ್ಲಿ ಇದ್ದೆ. ಗಣೇಶ್ ಆಚಾರ್ಯ ಫೋನ್ ಮಾಡಿದರು. ಕೂಡಲೆ ಸೆಟ್ ಗೆ ಬರುವಂತೆ ಹೇಳಿದರು. ನಾನಾ ಪಾಟೇಕರ್ ಕೂಡ ಫೋನ್ ಮಾಡಿ, ಸಾಂಗ್ ಶೂಟ್ ಮಾಡುವಂತೆ ಮನವಿ ಮಾಡಿದರು. ಆಗ ಅಲ್ಲೇನಾಗಿತ್ತು ಅನ್ನೋದು ನನಗೆ ಗೊತ್ತಿರಲಿಲ್ಲ'' - ರಾಖಿ ಸಾವಂತ್, ನಟಿ

ಗಣೇಶ್ ಆಚಾರ್ಯ ಹೇಳಿದ ಮಾತು

''ನಾನು ಸೆಟ್ ಗೆ ಹೋದಾಗ, ವ್ಯಾನಿಟಿ ವ್ಯಾನ್ ಬಳಿ ತುಂಬಾ ಜನ ಇದ್ದರು. ಮೀಡಿಯಾದವರೂ ಇದ್ದರು. ಏನಾಯ್ತು ಅಂತ ಕೇಳಿದ್ದಕ್ಕೆ, ''ತನುಶ್ರೀ ಈ ಹಾಡನ್ನ ಮಾಡಬೇಕಿತ್ತು. ಆದ್ರೆ, ಕಳೆದ ನಾಲ್ಕೈದು ಗಂಟೆಗಳಿಂದ ವ್ಯಾನಿಟಿ ವ್ಯಾನ್ ಒಳಗೆ ಸೇರಿಕೊಂಡಿದ್ದಾರೆ. ಯಾವುದೇ ಪ್ರತಿಕ್ರಿಯೆ ಕೊಡುತ್ತಿಲ್ಲ'' ಅಂತ ಗಣೇಶ್ ಆಚಾರ್ಯ ನನಗೆ ಹೇಳಿದರು'' - ರಾಖಿ ಸಾವಂತ್, ನಟಿ

ಡ್ರಗ್ಸ್ ತೆಗೆದುಕೊಂಡಿದ್ದರಂತೆ ತನುಶ್ರೀ

ತನುಶ್ರೀ ಮೇಕಪ್ ಹಾಗೂ ಹೇರ್ ಟೀಮ್ ರನ್ನ ಕೇಳಿದಾಗ, ''ಮೂರ್ನಾಲ್ಕು ಗಂಟೆಗಳಿಂದ ತನುಶ್ರೀಗೆ ಜ್ಞಾನ ಇಲ್ಲ. ಆಕೆ ಡ್ರಗ್ಸ್ ತೆಗೆದುಕೊಂಡು ಮೂರ್ಛೆ ಹೋಗಿದ್ದರು'' ಎಂಬ ಸಂಗತಿ ನನಗೆ ಗೊತ್ತಾಯಿತು.

ಸಾಂಗ್ ಶೂಟ್ ಮಾಡಿದ ರಾಖಿ

''ಅವತ್ತು ವಿವಾದಗಳ ಬಗ್ಗೆ ಗಮನ ಕೊಡದೆ ಸಾಂಗ್ ಶೂಟ್ ಮಾಡುವಂತೆ ಗಣೇಶ್ ಆಚಾರ್ಯ ಹಾಗೂ ನಾನಾ ಪಾಟೇಕರ್ ಮನವಿ ಮಾಡಿದ್ದರು. ಪ್ರೊಡ್ಯೂಸರ್ ಕೂಡ ತುಂಬಾ ಹಣ ಹಾಕಿದ್ದರಿಂದ ನಾನು ಚಿತ್ರೀಕರಣದಲ್ಲಿ ಪಾಲ್ಗೊಳ್ಳಲು ಒಪ್ಪಿಕೊಂಡೆ'' ಅಂತಾರೆ ನಟಿ ರಾಖಿ ಸಾವಂತ್.