'ಕಾನೂನಾತ್ಮಕವಾಗಿ ನಾನು ಅವರ ಹೆಂಡತಿಯೋ ಅಥವಾ ಇಲ್ಲವೋ?': ಪತಿ ಬಗ್ಗೆ ವರಸೆ ಬದಲಿಸಿದ ರಾಖಿ

ರಿತೇಶ್‌ಗೆ ಮದುವೆಯಾಗಿ ಮಗು ಇದೆ

2019ರಲ್ಲಿ ರಾಖಿ ಸಾವಂತ್ ಉದ್ಯಮಿ ರಿತೇಶ್ ಎನ್ನುವರ ಜೊತೆ ವಿವಾಹವಾದರು ಎಂದು ಕೆಲವು ಫೋಟೋಗಳು ಹರಿದಾಡಿದವು. ಈ ಫೋಟೋದಲ್ಲಿ ಮದುಮಗಳಂತೆ ಕೂತಿದ್ದ ರಾಖಿ ಮಾತ್ರ ಇದ್ದರು. ರಿತೇಶ್ ಯಾರೆಂದು ಇದುವರೆಗೂ ಯಾರಿಗೂ ತಿಳಿದಿಲ್ಲ. ಸ್ವತಃ ರಾಖಿ ಹೇಳುವಂತೆ ರಿತೇಶ್ ಉದ್ಯಮಿ, ಯುಎಸ್‌ನಲ್ಲಿದ್ದಾರೆ. ಇತ್ತೀಚಿಗೆ ಬಿಗ್ ಬಾಸ್ ಮನೆಯಲ್ಲಿ ಪತಿ ಬಗ್ಗೆ ಮಾತನಾಡಿದ್ದ ರಾಖಿ 'ರಿತೇಶ್‌ಗೆ ಮದುವೆ ಆಗಿ ಮಗು ಸಹ ಇದೆ' ಎಂಬ ವಿಚಾರ ಬಯಲು ಮಾಡಿದ್ದರು.

ಕೊನೆಗೂ ಮದುವೆ ಆಗಿದೆ ಎಂದು ಒಪ್ಪಿಕೊಂಡ ರಾಕಿ ಸಾವಂತ್

ಮರು ಮದುವೆಯಾಗಲು ಬಯಕೆ

'ಕಾನೂನುಬದ್ದವಾಗಿ ನಾನು ಅವರ ಹೆಂಡತಿಯೋ ಅಥವಾ ಇಲ್ಲವೋ ಗೊತ್ತಿಲ್ಲ. ನಾನು ಮತ್ತು ಅವರು ಈಗಲೂ ಪ್ರತಿದಿನ ವಿಡಿಯೋ ಕಾಲ್ ಮೂಲಕ ಮಾತನಾಡುತ್ತೇವೆ. ಭಾರತಕ್ಕೆ ಬಂದ ಮೇಲೆ ಎಲ್ಲರ ಮುಂದೆಯೇ ಮರು ವಿವಾಹ ಆಗೋಣ ಎಂದು ಹೇಳಿದ್ದಾರೆ' ಎಂಬ ವಿಚಾರವನ್ನು ರಾಖಿ ಬಿಗ್ ಬಾಸ್‌ನಲ್ಲಿ ಸಹ ಸ್ಪರ್ಧಿಯೊಂದಿಗೆ ಹೇಳಿಕೊಂಡಿದ್ದಾರೆ.

ವಿಸಾ ಸಮಸ್ಯೆಯಿಂದ ಬರಲು ಸಾಧ್ಯವಾಗುತ್ತಿಲ್ಲ

ತನ್ನ ಪತಿಯ ಬಗ್ಗೆ ಇ-ಟೈಮ್ಸ್ ಜೊತೆ ಮಾತನಾಡಿರುವ ರಾಖಿ ಸಾವಂತ್ ''ನನ್ನ ಪತಿ ಭಾರತಕ್ಕೆ ಬರಲು ಕಾಯುತ್ತಿದ್ದಾರೆ, ವೀಸಾ ಸಮಸ್ಯೆಯಿಂದ ವಿಳಂಬವಾಗುತ್ತಿದೆ. ಅದನ್ನು ಬಗೆಹರಿಸಿಕೊಂಡು ಬರ್ತಾರೆ. ರಿತೇಶ್ ಎಲ್ಲ ಮುಂದೆಯೂ ತಮ್ಮ ವಿವಾಹವನ್ನು ಖಾತ್ರಿಪಡಿಸಲು ಬಯಸಿದ್ದಾರೆ'' ಎಂದು ರಾಖಿ ತಿಳಿಸಿದ್ದಾರೆ.

ಮದುವೆಯಾಗಿ ತಪ್ಪು ಮಾಡಿದೆ, ಆರ್ಥಿಕವಾಗಿ ದಿವಾಳಿ ಆಗಿದ್ದೇನೆ: ರಾಖಿ ಸಾವಂತ್ ಅಳಲು

Recommended Video

ಕೊರೊನಾ ಸೋಂಕಿಗೆ ಒಳಗಾದ ನಟ ಪ್ರಜ್ವಲ್ ದೇವರಾಜ್ ಮತ್ತು ಪತ್ನಿ ರಾಗಿಣಿ | Filmibeat Kannada

ಮದುವೆ ಸಂದರ್ಭದಲ್ಲೇ ಹೇಳಿದ್ದೆ

''ಮದುವೆಯಾಗುವ ಸಮಯದಲ್ಲೇ ನಾನು ಅವರಿಗೆ ಹೇಳಿದ್ದೆ. ಮಾಧ್ಯಮಗಳ ಮುಂದೆ ಹೋಗೋಣ ಅಂತ. ಆದರೆ, ರಿತೇಶ್ ಕಾರಣಾಂತರಗಳಿಂದ ಹಿಂಜರಿದರು. ಆದರೆ, ಈ ಬಾರಿ ಆ ತಪ್ಪು ಮಾಡಲ್ಲ. ಸ್ವತಃ ಅವರೇ ಮಾಧ್ಯಮಗಳ ಮುಂದೆ ಬಂದು ತಮ್ಮ ವಿವಾಹದ ಕುರಿತು ಸ್ಪಷ್ಟನೆ ನೀಡಲಿದ್ದಾರೆ. ನಾನು ಸಹ ಅವರು ಭಾರತಕ್ಕೆ ಬರುವುದನ್ನು ಕಾಯುತ್ತಿದ್ದೇನೆ'' ಎಂದು ನಟಿ ರಾಖಿ ಸಾವಂತ್ ಮಾತನಾಡಿದ್ದಾರೆ.