Don't Miss!
- News Namma Metro Service Extend: ಲೋಕಸಭಾ ಚುನಾವಣೆಗಾಗಿ ಮೆಟ್ರೋ ಸೇವೆ ವಿಸ್ತರಣೆ, ಗಮನಿಸಿ
- Automobiles Hero: ಮಧ್ಯಮ ವರ್ಗದವರ ನೆಚ್ಚಿನ ಬೈಕ್.. ರೂ.75 ಸಾವಿರ ಬೆಲೆ.. ಮೈಲೇಜ್ನಲ್ಲಿ ಸರಿ ಸಾಟಿಯಿಲ್ಲ!
- Lifestyle 3ನೇ ಬಾರಿ ಬಾಹ್ಯಾಕಾಶಕ್ಕೆ ಹಾರಲು ಮುಂದಾದ ಸುನೀತಾ ವಿಲಿಯಮ್ಸ್..!
- Sports T20 World Cup 2024: ವೀರೇಂದ್ರ ಸೆಹ್ವಾಗ್ ಆಯ್ಕೆಯ ಭಾರತ ತಂಡದಲ್ಲಿ ಪ್ರಮುಖ ಆಟಗಾರರಿಗೆ ಸ್ಥಾನವಿಲ್ಲ!
- Technology Realme: ರಿಯಲ್ಮಿ ನಾರ್ಜೋ 70 5G, ನಾರ್ಜೋ 70x 5G ಸ್ಮಾರ್ಟ್ಫೋನ್ ಲಾಂಚ್! ಸಖತ್ ಫೀಚರ್ಸ್... ಬೆಲೆ ಎಷ್ಟು?
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಐತಿಹಾಸಿಕ ಚಿತ್ರಗಳ ರೇಸ್ನಲ್ಲಿ 'ಛತ್ರಪತಿ ಶಿವಾಜಿ' ಹೊಸ ಎಂಟ್ರಿ
ಯಾರಿಗೂ ಹೆದರದೇ ಯಾವಾಗಲು ಶಾಕಿಂಗ್, ಬ್ರೇಕಿಂಗ್, ವಿವಾದಾತ್ಮಕ ಹೇಳಿಕೆ ನೀಡುತ್ತಾ ಟ್ವಿಟರ್ ರಾಕ್ ಸ್ಟಾರ್ ಎಂದೇ ಹೆಸರು ಪಡೆದಿದ್ದಾರೆ ಖ್ಯಾತ ನಿರ್ಮಾಪಕ ಮತ್ತು ನಿರ್ದೇಶಕರಾದ ರಾಮ್ ಗೋಪಾಲ್ ವರ್ಮಾ. ಅಂದಹಾಗೆ ನಿರ್ದೇಶಕ ಈಗ ಆಶ್ಚರ್ಯಕರ ಮತ್ತು ಸಿನಿಮಾ ಪ್ರೇಮಿಗಳಿಗೆ ಸಂತಸದ ಮಾಹಿತಿಯೊಂದನ್ನು ನೀಡಿದ್ದಾರೆ.
ಇಂದು(ಮೇ 11) ಸಡೆನ್ ಆಗಿ ಟ್ವಿಟರ್ ನಲ್ಲಿ ಸರಣಿ ಟ್ವೀಟ್ ಮಾಡಿರುವ ರಾಮ್ ಗೋಪಾಲ್ ವರ್ಮಾ, ಖ್ಯಾತ ನಟ ರಿತೇಶ್ ದೇಶ್ ಮುಖ್ ರವರು 'ಶಿವಾಜಿ' ಕುರಿತ ಸಿನಿಮಾ ಮಾಡಲಿದ್ದಾರೆ ಎಂದು ಬಾಂಬ್ ಸಿಡಿಸಿದ್ದಾರೆ. ಈ ಚಿತ್ರ ಮೂಡಿಬರಲಿರುವ ಹಿನ್ನೆಲೆಯಲ್ಲಿ ವರ್ಮಾ ರವರು ಟ್ವೀಟ್ ಮಾಡಿದ ಕುತೂಹಲಕಾರಿ ಮಾಹಿತಿ ಇಲ್ಲಿದೆ ನೋಡಿ.
'ಬಾಹುಬಲಿ' ನಂತರ 'ಶಿವಾಜಿ'
ಖ್ಯಾತ ನಿರ್ಮಾಪಕ ರಾಮ್ ಗೋಪಾಲ್ ವರ್ಮಾ ರವರು ಹಿಂದಿ ಮತ್ತು ಮರಾಠಿ ಸಿನಿಮಾಗಳಲ್ಲಿ ಪ್ರಖ್ಯಾತರಾಗಿರುವ ನಟ ರಿತೇಶ್ ದೇಶ್ ಮುಖ್ ರವರ ಕುರಿತು, "ಭಾರತ ಸಿನಿಮಾ ರಂಗದಲ್ಲಿ 'ಬಾಹುಬಲಿ' ಗುಡುಗಿನ ನಂತರ ನಾನು ಕೇಳಿದ ಗ್ರೇಟ್ ನ್ಯೂಸ್ ರಿತೇಶ್ ದೇಶ್ ಮುಖ್ ರವರು 225 ಕೋಟಿ ರೂ ಗಿಂತ ಹೆಚ್ಚಿನ ಬಜೆಟ್ ನಲ್ಲಿ 'ಶಿವಾಜಿ' ಸಿನಿಮಾ ನಿರ್ಮಾಣ ಮಾಡಲಿದ್ದಾರೆ ಎಂಬುದು" ಎಂದು ಟ್ವೀಟ್ ಮಾಡಿದ್ದಾರೆ.
'ಶಿವಾಜಿ' ಕುರಿತ ಸಿನಿಮಾ ಥ್ರಿಲ್ಲಿಂಗ್ ಅನುಭವ ನೀಡಲಿದೆ
" 'ಬಾಹುಬಲಿ' ಚಿತ್ರಕ್ಕಿಂತ ಶಿವಾಜಿ ಸ್ಟೋರಿ ಅತ್ಯಧಿಕ ಶೌರ್ಯ ಮತ್ತು ಡ್ರಾಮಾ ಸಿನಿಮಾ ಆಗಿ ಮೂಡಿಬರಲಿದೆ. ಬಾಹುಬಲಿ ಚಿತ್ರಕ್ಕಿಂತ ರಿಯಾಲಿಸ್ಟಿಕ್ ಆಗಿ ಥ್ರಿಲ್ಲಿಂಗ್ ಅನುಭವ ನೀಡಲಿದೆ. ಶಿವಾಜಿ ಭಾರತ ಕಂಡ ಮಹಾನ್ ವೀರ ಯೋಧ. ಅವರ ಯುದ್ಧದ ದೃಶ್ಯಗಳು ಭವ್ಯವಾಗಿ ಚಿತ್ರಣಗೊಳ್ಳಲಿವೆ" ಎಂದು ವರ್ಮಾ ಟ್ವೀಟ್ ಮಾಡಿದ್ದಾರೆ.
ಅತ್ಯುತ್ತಮ ಭಾರತೀಯ ಚಿತ್ರ
"ನಾನೊಬ್ಬ ಸಿನಿ ಪ್ರೇಮಿಯಾಗಿ 'ಶಿವಾಜಿ' ಕುರಿತ ಮಹಾನ್ ಚಿತ್ರಕ್ಕಾಗಿ ರಿತೇಶ್ ಗೆ ಧನ್ಯವಾದಗಳನ್ನು ಹೇಳುತ್ತೇನೆ. ಇದೊಂದು ಭಾರತದ ಅತ್ಯುತ್ತಮ ಚಿತ್ರವಾಗಿ ಮೂಡಿಬರಲಿದೆ" - ರಾಮ್ ಗೋಪಾಲ್ ವರ್ಮಾ, ಬಾಲಿವುಡ್ ಖ್ಯಾತ ನಿರ್ಮಾಪಕ ಮತ್ತು ನಿರ್ದೇಶಕ.
ಶಿವಾಜಿ ಪಾತ್ರದಲ್ಲಿ ರಿತೇಶ್ ದೇಶ್ ಮುಖ್
"ರಿತೇಶ್ ದೇಶ್ ಮುಖ್ ಶಿವಾಜಿ ಪಾತ್ರದಲ್ಲಿ ನಟಿಸಲಿದ್ದಾರೆ. ಆಂಧ್ರ ಪ್ರದೇಶಕ್ಕೆ 'ಬಾಹುಬಲಿ' ಹೆಮ್ಮೆ ತಂದಂತೆ ಮಹಾರಾಷ್ಟ್ರದ ಹಿರಿಮೆಯನ್ನು 'ಶಿವಾಜಿ' ಸಿನಿಮಾ ಹೆಚ್ಚಿಸಲಿದೆ" ಎಂದು ರಾಮ್ ಗೋಪಾಲ್ ವರ್ಮಾ ಟ್ವೀಟ್ ಮಾಡಿದ್ದಾರೆ.
ನಿರ್ದೇಶಕ ಯಾರು?
ಫಿಲ್ಮ್ ಮೇಕರ್ ರವಿ ಜಾಧವ್ ರವರು 'ಛತ್ರಪತಿ ಶಿವಾಜಿ' ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಲಿದ್ದು, ರಿತೇಶ್ ನಟನೆ ಜೊತೆಗೆ ನಿರ್ಮಾಣ ಮಾಡಲಿದ್ದಾರೆ.