ರಣಬೀರ್ ಕಪೂರ್-ಆಲಿಯಾ ಭಟ್ ಮದುವೆ ಮುಂದೂಡಿಕೆ: ಕಾರಣವೇನು?

ಡಿಸೆಂಬರ್‌ ನಲ್ಲಿ ಮದುವೆ ನಿಶ್ಚಯವಾಗಿತ್ತು

ರಿಶಿ ಕಪೂರ್ ಬದುಕಿದ್ದಾಗಲೇ ರಣಬೀರ್ ಹಾಗೂ ಆಲಿಯಾ ಮದುವೆಯನ್ನು ಡಿಸೆಂಬರ್ ನಲ್ಲಿ ಮಾಡಲು ನಿಶ್ಚಯಿಸಿದ್ದರಂತೆ. ಅದೇ ತಿಂಗಳಲ್ಲಿಯೇ ಇಬ್ಬರ ವಿವಾಹ ಆಗುತ್ತದೆ ಎಂದೇ ಎಲ್ಲರೂ ನಿರೀಕ್ಷಿಸಿದ್ದರು. ಆದರೆ ಈಗ ಮತ್ತೆ ವಿವಾಹ ಮುಂದೂಡಲ್ಪಟ್ಟಿದೆ.

ಇಬ್ಬರ ಮನೆ ಪರಿಸ್ಥಿತಿ ಈಗ ಸರಿಯಿಲ್ಲ

ಪ್ರಸ್ತುತ ಇಬ್ಬರ ಮನೆಯಲ್ಲಿಯೂ ಸನ್ನಿವೇಶಗಳು ಸರಿಯಿಲ್ಲ. ರಣಬೀರ್ ತಂದೆ ರಿಶಿ ಕಾಲವಾಗಿ ಕೆಲವು ತಿಂಗಳಷ್ಟೆ ಆಗಿವೆ. ಆಲಿಯಾ ತಂದೆ ಮಹೇಶ್ ಭಟ್ ಸಹ ಸುಶಾಂತ್ ಪ್ರಕರಣ, ರಿಯಾ ಜೊತೆ ಆಪ್ತತೆ ಇವುಗಳ ಮಧ್ಯೆ ಸಿಕ್ಕು ಒದ್ದಾಡುತ್ತಿದ್ದಾರೆ. ಜೊತೆಗೆ ಮಹಾರಾಷ್ಟ್ರದಲ್ಲಿ ಕೊರೊನಾ ತಾರಕಕ್ಕೆ ಏರಿದೆ.

ಆಲಿಯಾ ಅಥವಾ ರಣಬೀರ್‌ಗಿಂತ ಒಳ್ಳೆಯ ನಟರನ್ನು ತೋರಿಸಿ ಎಂದು ಸವಾಲು ಹಾಕಿದ ನಿರ್ದೇಶಕ

ಸಿನಿಮಾ ಚಿತ್ರೀಕರಣ ಮುಗಿಸಬೇಕಿದೆ

ಮೇಲಿನ ಎಲ್ಲಾ ಕಾರಣಗಳ ಕೊರೊನಾ ಕಾರಣದಿಂದ ಇಬ್ಬರೂ ಬ್ಯುಸಿ ನಟರು ಚಿತ್ರೀಕರಣದಲ್ಲಿ ಭಾಗವಹಿಸಿರಲಿಲ್ಲ. ಈಗ ಚಿತ್ರೀಕರಣಕ್ಕೆ ಅವಕಾಶ ಕೊಟ್ಟ ಮೇಲೆ ನಿರ್ಮಾಪಕರುಗಳು ಸಿನಿಮಾಗಳನ್ನು ಮುಗಿಸಲು ಒತ್ತಡ ಹೇರುತ್ತಿರುವ ಕಾರಣ. ಒಪ್ಪಿಕೊಂಡ ಸಿನಿಮಾಗಳನ್ನು ಇದೇ ವರ್ಷದಲ್ಲಿ ಮುಗಿಸುವ ಕಾರಣದಿಂದಲೂ ಸಹ ಮದುವೆಯನ್ನು ಮುಂದೂಡಿದ್ದಾರಂತೆ ಈ ಯುವ ಜೋಡಿ.

ಆರ್‌ಆರ್‌ಆರ್ ಸಿನಿಮಾದಿಂದ ಆಲಿಯಾ ಹೊರಕ್ಕೆ?

ರಣಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಇದೇ ಮೊದಲ ಬಾರಿಗೆ ಬ್ರಹ್ಮಾಸ್ತ್ರ ಸಿನಿಮಾದಲ್ಲಿ ಒಟ್ಟಿಗೆ ನಟಿಸುತ್ತಿದ್ದಾರೆ. ಈ ಸಿನಿಮಾದಲ್ಲಿ ಅಮಿತಾಬ್ ಬಚ್ಚನ್ ಸಹ ಇದ್ದಾರೆ. ಆಲಿಯಾ ಭಟ್ ತೆಲುಗಿನ ಆರ್‌ಆರ್‌ಆರ್‌ ಸಿನಿಮಾದಲ್ಲಿ ಹೊರಹೋಗಿದ್ದಾರೆ. ಸಂಜಯ್ ಲೀಲಾ ಬನ್ಸಾಲಿಯ ಗಂಗೂಬಾಯಿ ಕಾಠಿವಾಡಿ ಸಿನಿಮಾದಲ್ಲಿ ಸಹ ನಟಿಸುತ್ತಿದ್ದಾರೆ.