ಮದುವೆಯಾದ್ರೆ ರಣ್ಬೀರ್-ಆಲಿಯಾ ಡಿವೋರ್ಸ್ ಆಗುತ್ತೆ ಎಂದ ಕೆಆರ್‌ಕೆ

15 ವರ್ಷದ ಡಿವೋರ್ಸ್

ನಟಿ ಆಲಿಯಾ ಭಟ್ ಮತ್ತು ರಣ್ಬೀರ್ ಕಪೂರ್ 2022ರ ಅಂತ್ಯದೊಳಗೆ ವಿವಾಹವಾಗಲಿದ್ದಾರೆ. ಆದರೆ, ಮದುವೆ ಆದ 15 ವರ್ಷದೊಳಗೆ ರಣ್ಬೀರ್ ಕಪೂರ್, ಆಲಿಯಾ ಅವರಿಂದ ವಿಚ್ಛೇದನ ಪಡೆಯಲಿದ್ದಾರೆ ಎಂದು ಕಮಲ್ ಆರ್ ಖಾನ್ ಭವಿಷ್ಯ ನುಡಿದು ಟ್ವೀಟ್ ಮಾಡಿದ್ದಾರೆ.

ಪ್ರಿಯಾಂಕಾ-ನಿಕ್ ವಿಚ್ಛೇದನ?

ಆಲಿಯಾ-ರಣ್ಬೀರ್ ಜೋಡಿ ಬಗ್ಗೆ ಮಾತ್ರವಲ್ಲ, ಈಗಾಗಲೇ ಮದುವೆ ಆಗಿ ದಾಂಪತ್ಯ ನಡೆಸುತ್ತಿರುವ ಪ್ರಿಯಾಂಕಾ ಚೋಪ್ರಾ ಮತ್ತು ನಿಕ್ ಜೋನಸ್ ಬಗ್ಗೆಯೂ ಭವಿಷ್ಯ ಹೇಳಿ ಟೀಕೆಗೆ ಗುರಿಯಾಗಿದ್ದಾರೆ. ''ಪ್ರಿಯಾಂಕಾ ಚೋಪ್ರಾ ಮತ್ತು ನಿಕ್ ಜೋನಸ್ ದಂಪತಿ ಇನ್ನು 10 ವರ್ಷದೊಳಗೆ ವಿಚ್ಛೇದನ ಪಡೆಯಲಿದ್ದಾರೆ' ಎಂದು ಹೇಳಿ ವಿರೋಧ ಎದುರಿಸುತ್ತಿದ್ದಾರೆ.

ಸೈಫ್-ಕರೀನಾ ಮಕ್ಕಳ ವಿಚಾರದಲ್ಲಿ ಭವಿಷ್ಯ

ತಾರಾ ಜೋಡಿಗಳ ದಾಂಪತ್ಯದ ಬಗ್ಗೆ ಕಾಮೆಂಟ್ ಮಾಡಿದ ಕೆಆರ್‌ಕೆ ಅದಕ್ಕೂ ಮುಂಚೆ ಕರೀನಾ ಕಪೂರ್ ಮತ್ತು ಸೈಫ್ ಅಲಿ ಖಾನ್ ಮಕ್ಕಳ ಕುರಿತು ಭವಿಷ್ಯ ಹೇಳಿದ್ದಾರೆ. 'ಸೈಫ್-ಕರೀನಾ ಅವರ ಇಬ್ಬರು ಮಕ್ಕಳು ಇಂಡಸ್ಟ್ರಿಯಲ್ಲಿ ಸಕ್ಸಸ್ ಪಡೆಯುವುದಿಲ್ಲ. ಅದಕ್ಕೆ ಕಾರಣ ಅವರ ಕೆಟ್ಟ ಹೆಸರು'' ಎಂದು ಟೀಕಿಸಿದ್ದಾರೆ. ಮೊದಲ ಮಗನ ಹೆಸರು ತೈಮೂರ್ ಅಲಿ ಖಾನ್, ಎರಡನೇ ಮಗುವಿಗೆ ಇನ್ನು ಹೆಸರಿಟ್ಟಿಲ್ಲ. ಜೆಹ್ ಎಂದು ಚರ್ಚೆಯಾಗುತ್ತಿದೆ.

Recommended Video

Filmibeat Kannada Exclusive: Divya Anchan Comedy Khiladigalu Championship Journey| Filmibeat Kannada

ಕಂಗನಾ, ಟಬು ಮದುವೆ ಆಗಲ್ಲ

ಕಂಗನಾ ರಣಾವತ್ ಮತ್ತು ನಟಿ ಟಬು ಜೀವನದಲ್ಲಿ ಮದುವೆನೇ ಆಗಲ್ಲ ಎಂದು ಕಮಲ್ ಆರ್ ಖಾನ್ ಭವಿಷ್ಯ ನುಡಿದು ನೆಟ್ಟಿಗರ ಕೆಂಗಣ್ಣಿಗೆ ಬಿದ್ದಿದ್ದಾರೆ. ನಟನೊಬ್ಬನ ಹೆಸರು ಉಲ್ಲೇಖಿಸದ ಕೆಆರ್‌ಕೆ ''ತಮ್ಮ ತಂದೆ ಸಾವಿನ ಬಳಿಕವೇ ಆ ನಟನಿಗೆ ಯಶಸ್ಸು ಸಿಗೋದು'' ಎಂದು ಹೇಳಿ ಪೇಚೆಗೆ ಸಿಲುಕಿದ್ದಾರೆ.