Alia Ranbeer Marriage: ಬ್ಯಾಚುಲರ್ ಪಾರ್ಟಿಯಲ್ಲೂ ಆಡಂಬರಕ್ಕೆ ಆಲಿಯಾ-ರಣ್‌ಬೀರ್ ಬ್ರೇಕ್!

ಬಾಲಿವುಡ್‌ನ ತಾರಾ ಜೋಡಿಗಳಾದ ರಣ್‌ಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಜೋಡಿ ಮದುವೆ ಬಗ್ಗೇನೆ ಇದೀಗ ಚರ್ಚೆಗಳು ಆರಂಭವಾಗಿದೆ. ಈ ಜೋಡಿ ಮದುವೆ ಕಳೆದ ವರ್ಷವೇ ನಡೆಯಬೇಕಿತ್ತು. ಆದರೆ ಕಾರಣಾಂತರಗಳಿಂದ ಮದುವೆ ಈ ವರ್ಷಕ್ಕೆ ಮುಂದೂಡಲ್ಪಟ್ಟಿತ್ತು. ಆದರೆ ಈ ಜೋಡಿ ಸಾಕಷ್ಟು ರಹಸ್ಯವಾಗಿ ಹಾಗೂ ಆಡಂಬರವಿಲ್ಲದೆ ಮದುವೆ ಆಗಲು ತೀರ್ಮಾನಿಸಿದೆ. ಮೂಲಗಳ ಪ್ರಕಾರ ಆಲಿಯಾ ಮತ್ತು ರಣ್‌ಬೀರ್ ಮದುವೆ ಏಪ್ರಿಲ್ 17ರಂದು ನಿಗದಿ ಆಗಿದೆ.

ಕೇವಲ ಕುಟುಂಬಸ್ಥರು ಮತ್ತು ಕೆಲವೆ ಕೆಲವು ಸ್ನೇಹಿತರ ಸಮ್ಮುಖದಲ್ಲಿ ಮದುವೆ ಆಗಲು ಈ ಜೋಡಿ ತೀರ್ಮಾನಿಸಿದೆ. ಬಾಲಿವುಡ್ ನಟ ನಟಿಯರ ಮದುವೆ ಬಹಳ ಗ್ರ್ಯಾಂಡ್ ಆಗಿ ಅದ್ಧೂರಿಯಿಂದ ನಡೆಯೋದು ಕಾಮನ್. ಆದರೆ ಈ ಜೋಡಿ ತುಂಬಾನೇ ಡಿಫರೆಂಟ್. ಆಡಂಬರ, ಅದ್ಧೂರಿತನ ಇಲ್ಲದೇ ಹಾಗೂ ಕೆಲವೇ ಕೆಲವರ ಸಮ್ಮುಖದಲ್ಲಿ ಮದುವೆ ಮಾಡಿಕೊಳ್ಳುತ್ತಿದ್ದಾರೆ. ಈ ಮದುವೆ ಬಗ್ಗೆ ಯಾವುದೇ ಪ್ರಚಾರ ಕೂಡ ಇಲ್ಲ. ಇನ್ನು ಆಲಿಯಾ-ರಣ್‌ಬೀರ್ ಮದುವೆ ಸುದ್ದಿ ಬೆನ್ನಲ್ಲೆ ಈ ತಾರಾ ಜೋಡಿಯ ಬ್ಯಾಚುಲರ್ ಪಾರ್ಟಿ ಬಗ್ಗೆ ಕೂಡ ಸುದ್ದಿಗಳು ಹೊರ ಬರುತ್ತಿದೆ.

ಬಾಲಿವುಡ್ ಮ್ಯಾಗಝೀನ್ ಒಂದು ವರದಿ ಮಾಡಿರುವ ಪ್ರಕಾರ, ಆಲಿಯಾ ರಣ್‌ಬೀರ್ ಬ್ಯಾಚುಲರ್ ಪಾರ್ಟಿ ಕೂಡ ಸಖತ್ ಸಿಂಪಲ್ ಅಗಿ ನಡೆಯಲಿದೆಯಂತೆ. ಈ ಪಾರ್ಟಿಯಲ್ಲಿ ಆಲಿಯಾಳ ಮೂವರು ಸ್ನೇಹಿತರು ಮತ್ತು ರಣ್‌ಬೀರ್‌ ಅವರ ಮೂವರು ಫ್ರೆಂಡ್ಸ್ ಬಿಟ್ಟರೆ ಬೇರೆ ಯಾರನ್ನೂ ಈ ಜೋಡಿ ಆಹ್ವಾನಿಸಿಲ್ಲವೆಂದು ವರದಿ ಆಗಿದೆ. ಈ ಬ್ಯಾಚುಲರ್ ಪಾರ್ಟಿ ಕೂಡ ಆರ್‌ಕೆ ಸ್ಟುಡಿಯೋನಲ್ಲೆ ನಡೆಯಲಿದೆ. ಇನ್ನು ಆಲಿಯಾ- ರಣ್‌ಬೀರ್ ಈ ಬ್ಯಾಚುಲರ್ ಪಾರ್ಟಿಯನ್ನು ಏಪ್ರಿಲ್ 11ರಂದು ಜರುಗಲಿದೆಯಂತೆ.

ಈ ಬ್ಯಾಚುಲರ್ ಪಾರ್ಟಿಯಲ್ಲೂ ಯಾವುದೆ ಮೋಜು ಮಸ್ತಿ ಇರೋದಿಲ್ಲ. ಅರ್ಥಪೂರ್ಣವಾಗಿ ಬ್ಯಾಚುಲರ್ ಪಾರ್ಟಿ ಮಾಡಲು ಈ ಜೋಡಿ ತೀರ್ಮಾನಿಸಿದೆಯಂತೆ. ಸಾಕಷ್ಟು ವಿಭಿನ್ನವಾಗಿ ಇವರಿಬ್ಬರ ಬ್ಯಾಚುಲರ್ ಪಾರ್ಟಿ ನೆರವೇರಲಿದೆ. ಇವರಿಬ್ಬರ ಬ್ಯಾಚುಲರ್ ಪಾರ್ಟಿ ಸೇರಿದಂತೆ ಮದುವೆ ಕ್ಷಣಗಳನ್ನು ಕಣ್ತುಂಬಿಕೊಳ್ಳಲು ಫ್ಯಾನ್ಸ್ ಕಾತುರರಾಗಿದ್ದಾರೆ. ಬಹಳ ಸಿಂಪಲ್ ಆಗಿ ಮದುವೆ ಆಗಲು ತೀರ್ಮಾನಿಸಿರುವ ಈ ಜೋಡಿಯ ಮದುವೆಯನ್ನು ಕಣ್ತುಂಬಿಕೊಳ್ಳುವ ಅವಕಾಶ ಫ್ಯಾನ್ಸ್‌ಗೆ ಸಿಗೋದು ಕೂಡ ಕಷ್ಟ ಸಾಧ್ಯ ಎನ್ನಲಾಗುತ್ತಿದೆ.

ಇನ್ನು ಇವರಿಬ್ಬರ ಮದುವೆ ವಿಚಾರಕ್ಕೆ ಬರೋದಾದರೆ ಕಪೂರ್ ಕುಟುಂಬದ ಒಡೆತನದ ಐತಿಹಾಸಿಕ ಸ್ಟುಡಿಯೋ ಆರ್‌ಕೆ ಸ್ಟುಡಿಯೋನಲ್ಲಿ ರಣ್‌ಬೀರ್ ಹಾಗೂ ಆಲಿಯಾ ಭಟ್ ವಿವಾಹ ಜರುಗಲಿದೆ. ಈ ವಿಚಾರವನ್ನು ರಣ್‌ಬೀರ್ ಕುಟುಂಬದ ಆಪ್ತರು ಮಾಧ್ಯಮಗಳಿಗೆ ಖಚಿತಪಡಿಸಿದ್ದಾರೆ. ಆಲಿಯಾ ಭಟ್ ಮತ್ತು ರಣ್‌ಬೀರ್ ಕಪೂರ್ ಮದುವೆ ಬಗ್ಗೆ ಮಾಹಿತಿ ನೀಡಿದ ಆಲಿಯಾ ತಂದೆ ಮಹೇಶ್ "ರಣ್ಬೀರ್ ಕಪೂರ್ ತಾತ ರಾಜ್ ಕಪೂರ್ ಕಟ್ಟಿದ ಸ್ಟುಡಿಯೋ ಇದಾಗಿದ್ದು ಇದೇ ಸ್ಟುಡಿಯೋದಲ್ಲಿ ಈಗ ರಣ್‌ಬೀರ್- ಆಲಿಯಾ ವಿವಾಹವಾಗುತ್ತಿದ್ದಾರೆ. ರಣ್‌ಬೀರ್ ತಂದೆ ರಿಶಿ ಕಪೂರ್ ಹಾಗೂ ನೀತಾ ಕೂಡ ಆರ್‌ಕೆ ಹೌಸ್‌ನಲ್ಲಿಯೇ ಮದುವೆ ಆಗಿದ್ದರು. ಈಗ ರಣ್‌ಬೀರ್ ಮತ್ತು ಆಲಿಯಾ ವಿವಾಹ ಕೂಡ ಆರ್‌ಕೆ ಗೆಸ್ಟ್‌ಹೌಸ್‌ನಲ್ಲೆ ಜರುಗುತ್ತಿದೆ. ಈ ತಾರಾ ಜೋಡಿಯ ವಿವಾಹಕ್ಕೆ ಕುಟುಂಬದವರು ಮತ್ತು ತಾರಾ ಜೋಡಿಯ ಅತ್ಯಾಪ್ತ ಗೆಳೆಯರಿಗಷ್ಟೆ ಆಹ್ವಾನ ನೀಡಿದೆ ಎನ್ನಲಾಗುತ್ತಿದೆ.