ವಿಶಾಖಪಟ್ಟಣದಲ್ಲಿ ರಣ್ಬೀರ್ ಜೊತೆ ರಾಜಮೌಳಿ: 'ಬ್ರಹ್ಮಾಸ್ತ್ರ'ದ ಭರ್ಜರಿ ಪ್ರಚಾರ!

ವಿಶಾಖಪಟ್ಟಣದಲ್ಲಿ ರಣ್ಬೀರ್ ಕಪೂರ್!

'ಬ್ರಹ್ಮಾಸ್ತ್ರ' ಸಿನಿಮಾದ ಅಬ್ಬರದ ಪ್ರಚಾರ ಶುರುವಾಗಿದೆ. ಹಾಗಾಗಿ ನಟ ರಣ್ಬೀರ್ ಕಪೂರ್ ವಿಶಾಖ ಪಟ್ಟಣಂಗೆ ಬಂದಿಳಿದಿದ್ದಾರೆ. 'ಬ್ರಹ್ಮಾಸ್ತ್ರ' ಸಿನಿಮಾದ ಪ್ರಚಾರಕ್ಕಾಗಿ ನಿರ್ದೇಶಕ ಅಯಾನ್ ಮುಖರ್ಜಿ ಮತ್ತು ರಣ್ಬೀರ್ ಕಪೂರ್ ವೈಜಾಗ್‌ಗೆ ಬಂದಿದ್ದಾರೆ. ಇವರನ್ನು ಅವರಿಗೆ ಅದ್ದೂರಿಯಾಗಿ ಸ್ವಾಗತ ಕೋರಲಾಗಿದೆ. ಏರ್ಪೋರ್ಟ್ ಎಂಟ್ರಿಯಲ್ಲಿ ಹೂವಿನ ಅಭಿಶೇಕ ಮಾಡಿ ಸ್ವಾಗತ ಕೋರಲಾಗಿದೆ.

'ಬ್ರಹ್ಮಾಸ್ತ್ರ' ಪ್ರಚಾರದಲ್ಲಿ ರಾಜಮೌಳಿ ಭಾಗಿ!

ಬಾಲಿವುಡ್ ಮಂದಿಗೆ ರಾಜಮೌಳಿ ಚಿರಪರಿಚಿತ. ಹಾಗಾಗಿ 'ಬ್ರಹ್ಮಾಸ್ತ್ರ' ಟೀಮ್ ತಮ್ಮ ಸಿನಿಮಾದ ಪ್ರಚಾರಕ್ಕಾಗಿ ರಾಜಮೌಳಿಯ ಮೊರೆ ಹೋಗಿದೆ. ವೈಜಾಗ್‌ಗೆ ಬಂದ 'ಬ್ರಹ್ಮಾಸ್ತ್ರ' ತಂಡದ ಜೊತೆಗೆ ರಾಜಮೌಳಿ ಕಾಣಿಸಿಕೊಂಡಿದ್ದಾರೆ. ರಣ್ಬೀರ್ ಜೊತೆಗೆ ರಾಜಮೌಳಿಯನ್ನು ಕಂಡ ಅಭಿಮಾನಿಗಳು ಅವರ ಜೊತೆಗೆ ಫೊಟೋ ತೆಗೆದುಕೊಳ್ಳಲು ಮುತ್ತಿಕೊಂಡಿದ್ದಾರೆ. ಅಲ್ಲಿನ ಸಾಕಷ್ಟು ವಿಡಿಯೋ ಮತ್ತು ಫೊಟೋಗಳು ವೈರಲ್ ಲಿಸ್ಟ್ ಸೇರಿಕೊಂಡಿವೆ.

ಸೆಪ್ಟೆಂಬರ್ 9ಕ್ಕೆ 'ಬ್ರಹ್ಮಾಸ್ತ್ರ' ರಿಲೀಸ್!

'ಬ್ರಹ್ಮಾಸ್ತ್ರ' ಚಿತ್ರದ ರಿಲೀಸ್‌ಗೆ ಇನ್ನು ನಾಲ್ಕು ತಿಂಗಳು ಬಾಕಿ ಇದೆ. ಸೆಪ್ಟೆಂಬರ್ 9ಕ್ಕೆ ಸಿನಿಮಾ ರಿಲೀಸ್ ಆಗಲಿದೆ. ಅದರೆ ನಾಲ್ಕು ತಿಂಗಳು ಮೊದಲೆ ಸಿನಿಮಾ ತಂಡ ಪ್ರಚಾರ ಕಾರ್ಯ ಶುರು ಮಾಡಿ ಅಚ್ಚರಿ ಮೂಡಿಸಿದೆ. ಸದ್ಯ ತೆಲುಗಿನಲ್ಲಿ ಪ್ರಚಾರ ಶುರುವಾಗಿದ್ದು, ಮುಂದಿನ ದಿನಗಳಲ್ಲಿ ಕನ್ನಡ, ತಮಿಳು, ಮಲಯಾಳಂನಲ್ಲೂ ಕೂಡ ಸಿನಿಮಾ ಪ್ರಚಾರ ಮುಂದುವರೆಯಲಿದೆ.

'ಬ್ರಹ್ಮಾಸ್ತ್ರ' ಪ್ರಚಾರದಲ್ಲಿ ಆಲಿಯಾ ಮಿಸ್ಸಿಂಗ್!

'ಬ್ರಹ್ಮಾಸ್ತ್ರ' ಪ್ರಚಾರದಲ್ಲಿ ನಟ ರಣ್ಬೀರ್ ಕಪೂರ್ ಮತ್ತು ಅಯಾನ್ ಮುಖರ್ಜಿ ಮಾತ್ರ ಕಾಣಿಸಿಕೊಂಡಿದ್ದಾರೆ. ಆದರೆ ನಟಿ ಆಲಿಯಾ ಭಟ್ ಗೈರಾಗಿದ್ದಾರೆ. ಇದಕ್ಕೆ ಕಾರಣ ಆಲಿಯಾ ಮತ್ತೊಂದು ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ನಟಿ ಅಲಿಯಾ ಭಟ್ ತಮ್ಮ ಹಾಲಿವುಡ್ ಚಿತ್ರದ ಶೂಟಿಂಗ್‌ನಲ್ಲಿ ಬ್ಯುಸಿ ಇರುವ ಕಾರಣ ವಿಶಾಖ ಪಟ್ಟಣದಲ್ಲಿ ರಣ್ಬೀರ್ ಕಪೂರ್ ಜೊತೆಗೆ ಕಾಣಿಸಿಕೊಂಡಿಲ್ಲ.