For Quick Alerts
    ALLOW NOTIFICATIONS  
    For Daily Alerts

    ರಣ್ಬೀರ್ ಕಪೂರ್ ಸೈಕಲ್: ಬುಲೆಟ್ ಬೈಕ್‌ಗಿಂತಲೂ ದುಬಾರಿ!

    |

    ರಣ್ಬೀರ್ ಕಪೂರ್, ಬಾಲಿವುಡ್‌ನ ಸ್ಟೈಲಿಸ್ಟ್ ಹಾಗೂ ಅತ್ಯಂತ ದುಬಾರಿ ನಟರೂ ಹೌದು. ಇತ್ತೀಚೆಗಷ್ಟೆ ರಣ್ಬೀರ್ ಕಪೂರ್ ನಟನೆಯ 'ಬ್ರಹ್ಮಾಸ್ತ್ರ' ಸಿನಿಮಾ ನೂರಾರು ಕೋಟಿ ಹಣವನ್ನು ಬಾಕ್ಸ್‌ ಆಫೀಸ್‌ನಲ್ಲಿ ಕಲೆಕ್ಷನ್ ಮಾಡಿದೆ.

    ಕಪೂರ್ ಖಾಂದಾನದ ರಣ್ಬೀರ್ ಕಪೂರ್ ಜೀವನ ಶೈಲಿ ಅತ್ಯಂತ ಐಶಾರಾಮಿ. ಐಶಾರಾಮಿ ಕಾರುಗಳು, ಮನೆ, ಪ್ರೈವೇಟ್ ಜೆಟ್ ಪ್ರಯಾಣಗಳು ರಣ್ಬೀರ್‌ ಕಪೂರ್‌ಗೆ ಸಾಮಾನ್ಯ.

    ರಣ್ಬೀರ್ ಕಪೂರ್‌ ಬಳಿ ಹಲವು ಐಶಾರಾಮಿ, ಅತ್ಯಂತ ದುಬಾರಿ ಸ್ಪೋರ್ಟ್ಸ್ ಕಾರುಗಳಿವೆ. ರಣ್ಬೀರ್ ಕಪೂರ್‌ರ ಬೈಕ್‌ಗಳ ಕಲೆಕ್ಷನ್ ಸಹ ದೊಡ್ಡದಾಗಿಯೇ ಇದೆ. ಆದರೆ ರಣ್ಬೀರ್ ಕಪೂರ್ ಇತ್ತೀಚೆಗಷ್ಟೆ ತಮ್ಮ ಮನೆಯ ಬಳಿ ಸೈಕಲ್ ತುಳಿಯುತ್ತಾ ಕಾಣಿಸಿಕೊಂಡಿದ್ದಾರೆ. ಈ ಸೈಕಲ್ ಸಹ ಸಾಮಾನ್ಯ ಬೆಲೆಯದ್ದಲ್ಲ. ರಣ್ಬೀರ್ ಕಪೂರ್ ಬಳಿ ಇರುವ ಸೈಕಲ್‌ನ ಬೆಲೆಗೆ ಹೊಸದೊಂದು ಬುಲೆಟ್ ಬೈಕನ್ನೇ ಖರೀದಿಸಬಹುದು!

    ಹೊಸ ಮನೆ ಕಟ್ಟಿಸುತ್ತಿರುವ ರಣ್ಬೀರ್

    ಹೊಸ ಮನೆ ಕಟ್ಟಿಸುತ್ತಿರುವ ರಣ್ಬೀರ್

    ರಣ್ಬೀರ್ ಕಪೂರ್ ಮುಂಬೈನ ಪಾಲಿ ಹಿಲ್ಸ್‌ನಲ್ಲಿ ಹೊಸದೊಂದು ಮನೆ ಕಟ್ಟಿಸುತ್ತಿದ್ದು ಆಗಾಗ್ಗೆ ಸೈಟ್‌ ವಿಸಿಟ್ ಮಾಡುತ್ತಿರುತ್ತಾರೆ. ಹೀಗೆ ಮೊನ್ನೆ ತಮ್ಮ ಇ-ಸೈಕಲ್‌ನಲ್ಲಿಯೇ ಸೈಟ್‌ಗೆ ರಣ್ಬೀರ್ ಕಪೂರ್‌ ಹೊಸ ಮನೆಯ ಬಳಿ ಬಂದಿದ್ದಾಗ ಫೋಟೊಗ್ರಾಫರ್‌ಗಳ ಕಣ್ಣಿಗೆ ಬಿದ್ದಿದ್ದಾರೆ. ಜೀನ್ಸ್, ಟಿ-ಶರ್ಟ್ ಹಾಗೂ ನೀಲಿ ಬಣ್ಣದ ಟೋಪಿ ತೊಟ್ಟು ಫಂಕಿ ಲುಕ್‌ನಲ್ಲಿ ಸೈಕಲ್‌ ಮೇಲೆ ಬಂದಿದ್ದ ರಣ್ಬೀರ್ ಕಪೂರ್ ಫ್ಯಾಷನ್ ಪ್ರಿಯರ ಗಮನ ಸೆಳೆದಿದ್ದರು. ಆದರೆ ಎಲ್ಲಕ್ಕಿಂತಲೂ ಹೆಚ್ಚು ಗಮನ ಸೆಳೆದಿದ್ದು ರಣ್ಬೀರ್‌ ಕಪೂರ್‌ರ ಇ-ಸೈಕಲ್.

    ಯಾವ ಸಂಸ್ಥೆಯ ಸೈಕಲ್ ಅದು?

    ಯಾವ ಸಂಸ್ಥೆಯ ಸೈಕಲ್ ಅದು?

    ರಣ್ಬೀರ್ ಚಲಾಯಿಸಿಕೊಂಡು ಬಂದಿದ್ದು ಕೋಪನ್‌ಹೆಗನ್ ಕಂಪೆನಿಯ 'ಮೇಟ್ ಎಕ್ಸ್' ಇ-ಬೈಕ್. ಕೆಂಪು ಬಣ್ಣದ ಈ ಎಲೆಕ್ರ್ಟಾನಿಕ್ ಸೈಕಲ್‌ ಬ್ಯಾಟರಿ ಜೊತೆ ಹಾಗೂ ಕಾಲ್ಚಲನೆ ಎರಡರ ಮುಖಾಂತರವೂ ಚಲಿಸುತ್ತದೆ. ಬೈಕ್‌ ರೀತಿ ದೊಡ್ಡ ಟಯರ್‌ಗಳನ್ನು ಹೊಂದಿರುವ ಈ ಇ-ಸೈಕಲ್ ಅನ್ನು ಮಡಚಿ ಇಡಬಹುದು ಸಹ. ಹವ್ಯಾಸಿ ಸೈಕಲಿಸ್ಟ್‌ಗಳು ಹೆಚ್ಚಾಗಿ ಈ ಸೈಕಲ್ ಅನ್ನು ಬಳಸುತ್ತಾರೆ. ಐಶಾರಾಮಿ ಜೀವನಶೈಲಿಯ ಜೊತೆಗೆ ಆರೋಗ್ಯದ ಕಾಳಜಿಯನ್ನೂ ಹೊಂದಿರುವ ರಣ್ಬೀರ್ ಇದೇ ಸೈಕಲ್ ಅನ್ನು ಆಯ್ಕೆ ಮಾಡಿಕೊಂಡಿದ್ದಾರೆ.

    ಇ-ಸೈಕಲ್‌ನ ಬೆಲೆ ಎಷ್ಟು?

    ಇ-ಸೈಕಲ್‌ನ ಬೆಲೆ ಎಷ್ಟು?

    ರಣ್ಬೀರ್ ಕಪೂರ್ ಚಲಾಯಿಸಿದ ಕೋಪನ್‌ಹೆಗನ್, 'ಮೇಟ್ ಎಕ್ಸ್' ಇ-ಸೈಕಲ್‌ ಅಥವಾ ಇ-ಬೈಕ್‌ನ ಬೆಲೆ ಬರೋಬ್ಬರಿ 1.45 ಲಕ್ಷ ರುಪಾಯಿ. ಈ ಬೆಲೆಗೆ ಭಾರತದಲ್ಲಿ ಹಲವು ಪೆಟ್ರೋಲ್‌ ಬೈಕ್‌ಗಳು ಬಂದು ಬಿಡುತ್ತವೆ. ಕೆಲವು ಮಾದರಿಯ ಬುಲೆಟ್‌ ಬೈಕ್‌ಗಳು ಸಹ 1.45 ಲಕ್ಷಕ್ಕಿಂತಲೂ ಕಡಿಮೆ ಬೆಲೆಗೆ ಸಿಗುತ್ತವೆ. ಸಿನಿಮಾ ಒಂದಕ್ಕೆ ಕೋಟಿಗಟ್ಟಲೆ ಸಂಭಾವನೆ ಪಡೆವ ರಣ್ಬೀರ್ ಕಪೂರ್‌ಗೆ 1.45 ಲಕ್ಷ ಅತ್ಯಂತ ಕಡಿಮೆ ಮೊತ್ತವೇ ಬಿಡಿ.

    ಪೋಷಕರಾಗಿರುವ ರಣ್ಬೀರ್-ಆಲಿಯಾ

    ಪೋಷಕರಾಗಿರುವ ರಣ್ಬೀರ್-ಆಲಿಯಾ

    ಅಂದಹಾಗೆ ರಣ್ಬೀರ್ ಕಪೂರ್ ಹಾಗೂ ಆಲಿಯಾ ಭಟ್ ಇತ್ತೀಚೆಗಷ್ಟೆ ಪೋಷಕರಾಗಿದ್ದಾರೆ. ಆಲಿಯಾ ಭಟ್ ಇದೇ ತಿಂಗಳ ಆರಂಭದಲ್ಲಿ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ಈ ಜೋಡಿ ಇದೇ ವರ್ಷ ಏಪ್ರಿಲ್ 14 ರಂದು ತಮ್ಮದೇ ಮನೆಯಲ್ಲಿ ವಿವಾಹವಾಗಿದ್ದರು. ಮನೆಯಲ್ಲೇ ಮದುವೆ ನಡೆದರು ಅದ್ಧೂರಿಯಾಗಿ ನಡೆದಿತ್ತು. ಬಾಲಿವುಡ್‌ನ ಹಲವು ಗಣ್ಯರು ಆಗಮಿಸಿದ್ದರು. ಸಿನಿಮಾಗಳ ವಿಷಯಕ್ಕೆ ಬರುವುದಾದರೆ ರಣ್ಬೀರ್ ನಟನೆಯ 'ಬ್ರಹ್ಮಾಸ್ತ್ರ' ಸಿನಿಮಾ ಹಿಟ್ ಆಗಿದೆ. ಇದೀಗ ರಶ್ಮಿಕಾ ಮಂದಣ್ಣ ನಾಯಕಿಯಾಗಿರುವ 'ಅನಿಮಲ್' ಸಿನಿಮಾದಲ್ಲಿ ರಣ್ಬೀರ್ ನಟಿಸುತ್ತಿದ್ದಾರೆ. ಬಳಿಕ ಮತ್ತೆ 'ಬ್ರಹ್ಮಾಸ್ತ್ರ' ಸಿನಿಮಾದಲ್ಲಿ ನಟಿಸಲಿದ್ದಾರೆ.

    English summary
    Ranbir Kapoor seen driving new swanky e bike on Mumbai roads. Know more about this e bike. price will blow your mind.
    Tuesday, November 29, 2022, 10:13
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X