ಭಿಕ್ಷುಕನಂತಿರುವ ಈ ಒಣಕಲು ದೇಹಿ ಬಾಲಿವುಡ್ ಸ್ಟಾರ್ ನಟ: ಗುರುತಿಸಬಲ್ಲಿರಾ?

ಇದು ನಟ ರಣದೀಪ್ ಹೂಡಾ ಚಿತ್ರ

ಇದು ಖ್ಯಾತ ನಟ ರಣದೀಪ್ ಹೂಡಾನದ್ದು. ನಾಲ್ಕು ವರ್ಷಗಳ ಹಿಂದೆ ಬಿಡುಗಡೆ ಆಗಿದ್ದ ಸರಬ್ಜಿತ್ ಸಿನಿಮಾಕ್ಕಾಗಿ ರಣದೀಪ್ ಹೂಡಾ ಈ ಅವತಾರ ತಾಳಿದ್ದರು. ಅದ್ಭುತ ಮೈಕಟ್ಟಿನ ರಣದೀಪ್, ಎಲುಬಿನ ಹಂದರದಂತೆ ಕಾಣುತ್ತಿದ್ದರು.

ಸರಬ್ಜಿತ್ ಸಿನಿಮಾ ಬಿಡುಗಡೆ ಆಗಿ ನಾಲ್ಕು ವರ್ಷ

ಸರಬ್ಜಿತ್ ಸಿನಿಮಾ ಬಿಡುಗಡೆ ಆಗಿ ನಾಲ್ಕು ವರ್ಷವಾದ ಕಾರಣ ರಣದೀಪ್ ಹೂಡಾ ಈ ಚಿತ್ರವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಚಿತ್ರದ ಕೆಳಗೆ, 'ಬಹುತೇಕ ನನ್ನ ಜೀವವನ್ನೇ ಕಸಿದುಕೊಂಡು ಬಿಟ್ಟಿತ್ತು' ಎಂದು ಬರೆದುಕೊಂಡಿದ್ದಾರೆ.

50 ಕೆ.ಜಿ ತೂಕ ಇಳಿಸಿಕೊಂಡಿದ್ದ ರಣದೀಪ್

ಸಿನಿಮಾದ ಚಿತ್ರೀಕರಣ ಆರಂಭವಾದಾಗ ರಣದೀಪ್ ಹೂಡಾ ದೇಹ ತೂಕ 90 ಕೆ.ಜಿ ಇತ್ತಂತೆ. ಪಾತ್ರಕ್ಕಾಗಿ ಅವರು ಸುಮಾರು 50 ಕೆ.ಜಿ. ತೂಕ ಇಳಿಸಿಕೊಂಡರಂತೆ. ಈ ದೇಹತೂಕ ಇಳಿಸಿಕೊಳ್ಳುವ ಸಾಹಸದಿಂದ ನನ್ನ ಪ್ರಾಣವೇ ಹೋಗುವಂತಾಗಿತ್ತು ಎಂದು ಅವರು ನೆನಪಿಸಿಕೊಂಡಿದ್ದಾರೆ.

ಸರಬ್ಜಿತ್ ಸಿಂಗ್ ಜೀವನಾಧರಿತ ಚಿತ್ರ

ಸರಬ್ಜಿತ್ ಚಿತ್ರವು ಸರಬ್ಜಿತ್ ಸಿಂಗ್ ಜೀವನ ಕುರಿತಾದ ಸಿನಿಮಾ ಆಗಿದೆ. 1990 ರಲ್ಲಿ ಸರಬ್ಜಿತ್ ಸಿಂಗ್ ಆಕಸ್ಮಿಕವಾಗಿ ಪಾಕಿಸ್ತಾನದ ಗಡಿ ಪ್ರವೇಶ ಮಾಡಿಬಿಡುತ್ತಾನೆ. ಆತನನ್ನು ಅಲ್ಲಿನ ಪೊಲೀಸರು ಬಂಧಿಸಿ ಆತನ ಮೇಲೆ ಗೂಡಚರ್ಯೆ ಹಾಗೂ ಲಾಹೋರ್ ಬಾಂಬ್ ಸ್ಫೋಟದ ಆರೋಪ ಹೊರಿಸುತ್ತಾರೆ. ಕೊನೆಗೆ ಆತ ಜೈಲಿನಲ್ಲಿಯೇ ಸಾಯುತ್ತಾನೆ. ಇದೇ ಕತೆ ಆಧರಿಸಿ ಸಿನಿಮಾ ನಿರ್ಮಿಸಲಾಗಿತ್ತು.

ಮೆಚ್ಚುಗೆ ಗಳಿಸಿದ್ದ ರಣದೀಪ್ ಹೂಡಾ ನಟನೆ

ಸರಬ್ಜಿತ್ ಚಿತ್ರದಲ್ಲಿ ರಣದೀಪ್ ಹೂಡಾ ಸರಬ್ಜಿತ್ ಪಾತ್ರ ನಿರ್ವಹಿಸಿದ್ದ. ಆತನ ಸಹೋದರಿಯ ಪಾತ್ರವನ್ನು ಐಶ್ವರ್ಯಾ ರೈ ನಿರ್ವಹಿಸಿದ್ದರು. ಚಿತ್ರ ಹಿಟ್ ಆಗಿತ್ತು, ಹಲವು ಪ್ರಶಸ್ತಿಗಳನ್ನು ಗಳಿಸಿತು. ರಣದೀಪ್ ಹೂಡಾ ಮತ್ತು ಐಶ್ವರ್ಯಾ ನಟನೆಗೆ ಹಲವು ಪ್ರಶಸ್ತಿಗಳು ದೊರಕಿದವು.