ಬಾಲಿವುಡ್ ಸ್ಟಾರ್ ಜೊತೆ ಸಿನಿಮಾ ಘೋಷಿಸಿದ ಶಂಕರ್: ಚಿರು ಪುತ್ರನ ಚಿತ್ರ ಏನಾಯ್ತು?

ರಣ್ವೀರ್ ಸಿಂಗ್ ಜೊತೆ ಶಂಕರ್ ಸಿನಿಮಾ

ರಣ್ವೀರ್ ಸಿಂಗ್ ಜೊತೆ ಶಂಕರ್ ದೊಡ್ಡ ಮಟ್ಟದಲ್ಲಿ ಸಿನಿಮಾ ಮಾಡ್ತಾರೆ ಎನ್ನುವ ಸುದ್ದಿ ಹಲವು ದಿನಗಳಲ್ಲಿ ಚರ್ಚೆಯಲ್ಲಿತ್ತು. ಆದ್ರೆ, ಈ ಪ್ರಾಜೆಕ್ಟ್ ಟೇಕ್ ಆನ್ ಆಗುವುದು ಅನುಮಾನ ಎಂಬ ಮಾತುಗಳು ಇದ್ದವು. ಇದೀಗ, ಸರ್ಪ್ರೈಸ್ ಎನ್ನುವಂತೆ ರಣ್ವೀರ್ ಸಿಂಗ್ ಜೊತೆಗಿನ ಪ್ರಾಜೆಕ್ಟ್ ಪ್ರಕಟಣೆಯಾಗಿದೆ. ಪೆನ್ ಸ್ಟುಡಿಯೋದ ಜಯಂತಿ ಲಾಲ್ ಈ ಚಿತ್ರ ನಿರ್ಮಿಸುತ್ತಿದ್ದಾರೆ.

ಅನ್ನಿಯನ್ ರಿಮೇಕ್

2005ರಲ್ಲಿ ತೆರೆಕಂಡ ತಮಿಳು ಸೂಪರ್ ಹಿಟ್ ಚಿತ್ರ ಅನ್ನಿಯನ್ ರಿಮೇಕ್‌ನಲ್ಲಿ ರಣ್ವೀರ್ ಸಿಂಗ್ ನಟಿಸುತ್ತಿದ್ದಾರೆ. ಅನ್ನಿಯನ್ ಚಿತ್ರವನ್ನು ಶಂಕರ್ ನಿರ್ದೇಶಿಸಿದ್ದರು. ಈಗ ಅದೇ ಚಿತ್ರವನ್ನು ಹಿಂದಿಯಲ್ಲಿ ತೆರೆಗೆ ತರುವ ನಿರ್ಧಾರ ಮಾಡಿದ್ದು, 16 ವರ್ಷದ ನಂತರ ಆ ಚಿತ್ರವನ್ನು ಬಾಲಿವುಡ್‌ಗೆ ತೆಗೆದುಕೊಂಡು ಬಂದಿದ್ದಾರೆ.

2022ಕ್ಕೆ ಶೂಟಿಂಗ್ ಆರಂಭ

ಶಂಕರ್-ರಣ್ವೀರ್ ಸಿಂಗ್ ಜೋಡಿ ಕೈಗೆತ್ತಿಕೊಂಡಿರುವುದು ಅನ್ನಿಯನ್ ರಿಮೇಕ್ ಎನ್ನುವುದು ಖಾತ್ರಿಯಾಗಿದೆ. ಮೂಲ ಚಿತ್ರದಲ್ಲಿ ವಿಕ್ರಂ ನಟಿಸಿದ್ದರು. ಸೈಕೋಲಾಜಿಕಲ್ ಆಕ್ಷನ್ ಥ್ರಿಲ್ಲರ್ ಕಥೆಯಲ್ಲಿ ಅಂಬಿ, ರೆಮೋ, ಅನ್ನಿಯನ್ ಎಂಬ ಮೂರು ವಿಭಿನ್ನ ಪಾತ್ರಗಳನ್ನು ವಿಕ್ರಂ ನಿರ್ವಹಿಸಿದ್ದರು. ಸದ್ಯದ ಮಾಹಿತಿ ಪ್ರಕಾರ, ಹಿಂದಿಯಲ್ಲಿ ಈ ಸಿನಿಮಾ 2022ಕ್ಕೆ ಶುರುವಾಗಲಿದೆ.

Recommended Video

ಅಮಿತಾಬ್ ಜೊತೆ ನಟಿಸುವ ಆಫರ್ ಬಂದಾಗ ರಶ್ಮಿಕಾ ಪೋಷಕರು ಏನ್ ಹೇಳಿದ್ರು ಗೊತ್ತಾ | Filmibeat Kannada

ರಾಮ್ ಚರಣ್ ಜೊತೆ ಪ್ರಾಜೆಕ್ಟ್?

ಫೆಬ್ರವರಿ ತಿಂಗಳಲ್ಲಿ ರಾಮ್ ಚರಣ್ ಜೊತೆ ಸಿನಿಮಾ ಮಾಡುವುದಾಗಿ ಅಧಿಕೃತವಾಗಿ ಪ್ರಕಟಿಸಿದ್ದಾರೆ. ಈ ಚಿತ್ರದ ಶೂಟಿಂಗ್ ಇನ್ನು ಆರಂಭವಾಗಿಲ್ಲ. ಆರ್‌ಆರ್‌ಆರ್‌ ಸಿನಿಮಾ ಮುಗಿಸಿ ಈ ಪ್ರಾಜೆಕ್ಟ್ ಶುರು ಮಾಡಬೇಕಿದೆ. ಈ ನಡುವೆ ಹಿಂದಿ ಚಿತ್ರ ಘೋಷಿಸಿದ ಶಂಕರ್ ತೀರ್ಮಾನ ಕುತೂಹಲ ಮೂಡಿಸಿದೆ. ರಾಮ್ ಚರಣ್ ಚಿತ್ರ ಮೊದಲಾ ಅಥವಾ ಹಿಂದಿ ಸಿನಿಮಾ ಮೊದಲಾ ಎಂಬ ಚರ್ಚೆ ಹುಟ್ಟಿಕೊಂಡಿದೆ. ಅನ್ನಿಯನ್ ರಿಮೇಕ್ 2022ಕ್ಕೆ ಎಂದು ಹೇಳಿರುವುದನ್ನು ನೋಡಿದ್ರೆ ರಾಮ್ ಚರಣ್ ಸಿನಿಮಾ ಮೊದಲು ಆರಂಭವಾಗಲಿದೆ.