ಮಹೇಶ್‌ ಬಾಬು ಅನ್ನು ಹೊಗಳಿದ ರಣ್ವೀರ್ ಸಿಂಗ್: ಒಟ್ಟಿಗೆ ನಟನೆ

ಮಹೇಶ್ ಬಾಬು ಬಗ್ಗೆ ರಣ್ವೀರ್ ಸಿಂಗ್ ಪೋಸ್ಟ್

ಮಹೇಶ್ ಬಾಬು ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಬರೆದಿರುವ ರಣ್ವೀರ್ ಸಿಂಗ್, 'ನಾನು ಈವರೆಗೆ ಭೇಟಿಯಾಗಿರುವ ಬೆಸ್ಟ್ ಜಂಟಲ್‌ಮೆನ್‌ ಗಳಲ್ಲಿ ಒಬ್ಬರು ಮಹೇಶ್ ಬಾಬು. ನಿಮ್ಮೊಂದಿಗೆ ಸೇರಿ ಕೆಲಸ ಮಾಡುವ ಅವಕಾಶ ಸಿಕ್ಕಿದ್ದು ಅದೃಷ್ಟ. ನಿಮ್ಮೊಂದಿಗೆ ಮಾತನಾಡಿದ್ದು ಸಾಕಷ್ಟು ಜ್ಞಾನವನ್ನು ನೀಡಿತು, ಸದಾ ನಿಮ್ಮನ್ನು ಪ್ರೀತಿಸುವೆ, ಗೌರವಿಸುವೆ ಮಹೇಶ್ ಅವರೆ' ಎಂದಿದ್ದಾರೆ ರಣ್ವೀರ್ ಸಿಂಗ್.

ಮಹೇಶ್‌ ಗೆ ಶಾರುಖ್-ಸಲ್ಮಾನ್ ಇಬ್ಬರೂ ಗೆಳೆಯರು

ಮಹೇಶ್ ಬಾಬು ಗೆ ಬಾಲಿವುಡ್‌ನಲ್ಲಿ ಸಾಕಷ್ಟು ಮಂದಿ ಗೆಳೆಯರಿದ್ದಾರೆ. ಅದರಲ್ಲೂ ಶಾರುಖ್ ಖಾನ್ ಹಾಗೂ ಸಲ್ಮಾನ್ ಖಾನ್ ಅವರುಗಳು ಮಹೇಶ್ ಬಾಬು ಗೆ ಬಹಳ ಒಳ್ಳೆಯ ಗೆಳೆಯರು. ಕೆಲವು ದಿನಗಳ ಹಿಂದಷ್ಟೆ ಶಾರುಖ್ ಖಾನ್ ಅನ್ನು ಮಹೇಶ್ ಬಾಬು ಹಾಗೂ ಪತ್ನಿ ನಮ್ರತಾ ಭೇಟಿಯಾಗಿದ್ದರು. ಇನ್ನು ಮಹೇಶ್ ಬಾಬು ನಟನೆಯ 'ಪೋಕಿರಿ' ಸಿನಿಮಾವನ್ನು ಸಲ್ಮಾನ್ ಖಾನ್ ಹಿಂದಿಯಲ್ಲಿ ರೀಮೇಕ್ ಮಾಡಿ ಹಿಟ್ ಪಡೆದಿದ್ದರು.

ಸರ್ಕಾರು ವಾರಿ ಪಾಟ ಸಿನಿಮಾದಲ್ಲಿ ಮಹೇಶ್ ಬಾಬು

ಮಹೇಶ್ ಬಾಬು ಪ್ರಸ್ತುತ 'ಸರ್ಕಾರು ವಾರಿ ಪಾಟ' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾದಲ್ಲಿ ಮಲಯಾಳಂ ಸುಂದರಿ ಕೀರ್ತಿ ಸುರೇಶ್ ನಾಯಕಿ. ಈ ಸಿನಿಮಾದ ನಂತರ ರಾಜಮೌಳಿ ಜೊತೆಗೆ ಮೊದಲ ಬಾರಿಗೆ ಸಿನಿಮಾ ಮಾಡಲಿದ್ದಾರೆ ಮಹೇಶ್ ಬಾಬು.

Recommended Video

ಉಲ್ಟಾ ಹೊಡೆದ Rajni ರಾಜಕೀಯ ಜೀವನ | Filmibeat Kannada

'83' ಸಿನಿಮಾ ಬಿಡುಗಡೆಗೆ ತಯಾರಾಗಿದೆ

ಇನ್ನು ರಣ್ವೀರ್ ಸಿಂಗ್ ನಟನೆಯ 83 ಸಿನಿಮಾ ಬಿಡುಗಡೆಗೆ ತಯಾರಾಗಿದೆ. ಅದನ್ನು ಹೊರತುಪಡಿಸಿ ರಣ್ಬೀರ್ ಕಪೂರ್ ಜೊತೆಗೆ ಅಂದಾಜ್ ಅಪ್ನಾ ಅಪ್ನಾ 2, ಜಯೇಶ್ ಭಾಯ್ ಜೋರ್ದಾರ್, ತಕ್ತ್ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ ರಣ್ವೀರ್ ಸಿಂಗ್.