ಬಿಗ್‌ಬಾಸ್ ವೇದಿಕೆಯಲ್ಲಿ 'ಸಾಮಿ ಸಾಮಿ' ಎಂದು ಸಲ್ಲುನ ಕುಣಿಸಿದ ಶ್ರೀವಲ್ಲಿ: ರಶ್ಮಿಕಾ ಫೇವರಿಟ್ ಸ್ಪರ್ಧಿ ಯಾರು ಗೊತ್ತಾ?

'ಸಾಮಿ ಸಾಮಿ' ಎಂದು ಎಲ್ಲರನ್ನು ಕುಣಿಸಿದ ರಶ್ಮಿಕಾ

ರಶ್ಮಿಕಾ ಮಂದಣ್ಣ ಎಲ್ಲೇ ಹೋದರೂ ಎಲ್ಲೇ ಬಂದರೂ 'ಪುಷ್ಪ' ಸಿನಿಮಾ ಬಗ್ಗೆ ಮಾತನಾಡುವಂತಾಗಿದೆ. ಹಿಂದಿ ಬೆಲ್ಟ್‌ನಲ್ಲೂ ಈ ಸಿನಿಮಾ ಸೂಪರ್ ಹಿಟ್ ಆಗಿತ್ತು. ಸಾಂಗ್ಸ್, ಡೈಲಾಗ್ಸ್ ಸಕತ್ ಸದ್ದು ಮಾಡಿತ್ತು. ಇತ್ತೀಚೆಗೆ ಹಿಂದಿ ಕಿರುತೆರೆಯ ಡ್ಯಾನ್ಸ್ ಕಾರ್ಯಕ್ರಮಕ್ಕೆ ಅತಿಥಿಯಾಗಿ ಹೋಗಿದ್ದ ರಶ್ಮಿಕಾ ಹಿರಿಯ ನಟ ಗೋವಿಂದ ಜೊತೆ 'ಸಾಮಿ ಸಾಮಿ' ಹಾಡಿಗೆ ಕುಣಿದಿದ್ದರು. ನಿನ್ನೆ (ಅಕ್ಟೋಬರ್ 8) ಬಿಗ್‌ಬಾಸ್ ಕಾರ್ಯಕ್ರಮಕ್ಕೆ ಅತಿಥಿಯಾಗಿ ಹೋಗಿದ್ದ ರಶ್ಮಿಕಾ 'ಸಾಮಿ ಸಾಮಿ' ಹಾಡಿಗೆ ಕುಣಿದು, ಸಲ್ಲುನ ಕುಣಿಸಿದ್ದಾರೆ. ನೀನಾ ಗುಪ್ತಾ ಕೂಡ ಸಲ್ಲು, ರಶ್ಮಿಕಾ ಜೊತೆ ಹೆಜ್ಜೆ ಹಾಕಿದ್ದಾರೆ.

ಬಿಗ್‌ಬಾಸ್ ಮನೆಯಲ್ಲಿ 'ಪುಷ್ಪ' ಡೈಲಾಗ್ಸ್ ಹವಾ

ವೇದಿಕೆಯಿಂದ ಬಿಗ್‌ಬಾಸ್ ಸ್ಪರ್ಧಿಗಳನ್ನು ಸಲ್ಮಾನ್ ಖಾನ್ ಮಾತನಾಡಿಸಿದ್ದರು. ಈ ವೇಳೆ 'ಪುಷ್ಪ' ಚಿತ್ರದ ಡೈಲಾಗ್‌ಗಳನ್ನು ಹೇಳಲು ಸ್ಪರ್ಧಿಗಳಿಗೆ ಹೇಳಿದ್ದಾರೆ. ಒಬ್ಬೊಬ್ಬರು ಒಂದೊಂದು ಸ್ಟೈಲ್‌ನಲ್ಲಿ 'ಜುಕೇಗಾ ನಹೀ' ಎಂದು ಪುಷ್ಪರಾಜ್ ಸ್ಟೈಲ್‌ನಲ್ಲಿ ಡೈಲಾಗ್ ಹೊಡೆದಿದ್ದಾರೆ. ಅವರ ದಾಟಿ ನೋಡಿ ಸಲ್ಮಾನ್ ಖಾನ್, ರಶ್ಮಿಕಾ ಮಂದಣ್ಣ ತಮಾಷೆ ಮಾಡಿದ್ದಾರೆ.

ರಶ್ಮಿಕಾ ನೆಚ್ಚಿನ ಬಿಗ್‌ಬಾಸ್ ಸ್ಪರ್ಧಿ ಯಾರು?

ಕಳೆದ ವಾರವಷ್ಟೆ ಹಿಂದಿ ಬಿಗ್‌ಬಾಸ್ ಸೀಸನ್ 16 ಆರಂಭವಾಗಿದೆ. ಬೇರೆ ಬೇರೆ ಕ್ಷೇತ್ರಗಳ ಸ್ಪರ್ಧಿಗಳು ಈ ಬಾರಿ ದೊಡ್ಮನೆಯ ಆಟಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ತಜಕಿಸ್ತಾನ್ ಗಾಯಕ ಅಬ್ದು ರೋಝಿಕ್ ಗಮನ ಸೆಳೆದಿದ್ದಾರೆ. ಕುಬ್ಜರಾಗಿರುವ ಅಬ್ದು ತಮ್ಮ ಗಾಯನದಿಂದ ಮೋಡಿ ಮಾಡಿದವರು. ಈತ 'ಪುಷ್ಪ' ಚಿತ್ರದ ಡೈಲಾಗ್ಸ್ ಹೇಳಿದ್ದು ನೋಡಿ ಖುಷಿಯಾದ ರಶ್ಮಿಕಾ ನೀವು ನನ್ನ ಫೇವರಿಟ್ ಸ್ಪರ್ಧಿ ಎಂದಿದ್ದಾರೆ. ಆ ವಿಡಿಯೋ ಈಗ ಸಖತ್ ವೈರಲ್ ಆಗಿದೆ.

ವಿಜಯ್ ಜೊತೆ ರಶ್ಮಿಕಾ ರೊಮ್ಯಾಂಟಿಕ್ ಟೂರ್

ನಿರಂತರ ಸಿನಿಮಾ ಶೂಟಿಂಗ್‌ನಿಂದ ಬೇಸತ್ತಿದ್ದ ರಶ್ಮಿಕಾ ಮಂದಣ್ಣ ಕೊಂಚ ಬಿಡುವು ಮಾಡಿಕೊಂಡು ಮಾಲ್ಡೀವ್ಸ್ ಪ್ರವಾಸಕ್ಕೆ ಹೋಗಿದ್ದಾರೆ. ವಿಜಯ್ ದೇವರಕೊಂಡ ಕೂಡ ಜೊತೆಗೆ ಹೋಗಿದ್ದಾರೆ ಎನ್ನಲಾಗ್ತಿದ್ದು, ಮೊನ್ನೆ ಇಬ್ಬರು ಮುಂಬೈ ಏರ್‌ಪೋರ್ಟ್‌ನಲ್ಲಿ ಕಾಣಿಸಿಕೊಂಡಿದ್ದರು. ಸದ್ಯ ರಶ್ಮಿಕಾ ಮಂದಣ್ಣ ದ್ವೀಪ ರಾಷ್ಟ್ರದಲ್ಲಿ ಮೋಜು ಮಸ್ತಿ ಮಾಡ್ತಿದ್ದು, ಅದಕ್ಕೆ ಸಂಬಂಧಿಸಿದ ಫೋಟೊಗಳನ್ನು ಹಂಚಿಕೊಂಡಿದ್ದಾರೆ.