'ಬೆಲ್ ಬಾಟಂ' ಚಿತ್ರತಂಡದ ವಿರುದ್ದ ಮುನಿಸು: ಕೇಸ್ ದಾಖಲಿಸಿದ ರವಿ ವರ್ಮ.!

ರವಿ ವರ್ಮಗೂ 'ಬೆಲ್ ಬಾಟಂ'ಗೂ ಏನು ಸಂಬಂಧ.?

'ಬೆಲ್ ಬಾಟಂ' ಚಿತ್ರದ ಹಿಂದಿ ರೀಮೇಕ್ ಹಕ್ಕುಗಳನ್ನು ಖರೀದಿ ಮಾಡಿದ್ದವರು ಇದೇ ರವಿ ವರ್ಮ. ಬಾಲಿವುಡ್ ನಲ್ಲಿ 'ಬೆಲ್ ಬಾಟಂ' ಚಿತ್ರವನ್ನ ತಯಾರು ಮಾಡಲು ರವಿ ವರ್ಮ ಸಿದ್ಧತೆ ನಡೆಸುತ್ತಿದ್ದರು. ಪರಿಣಾಮ, ಮುಂಬೈನಲ್ಲಿ ನಿಖಿಲ್ ಅಡ್ವಾಣಿ ಸೇರಿದಂತೆ ಹಲವರಿಗೆ 'ಬೆಲ್ ಬಾಟಂ' ಚಿತ್ರವನ್ನ ಪೆನ್ ಡ್ರೈವ್ ಮೂಲಕ ರವಿ ವರ್ಮ ಕೊಟ್ಟಿದ್ದರು. ಇದೀಗ ನಿಖಿಲ್ ಅಡ್ವಾಣಿ ಮತ್ತು ಅಕ್ಷಯ್ ಕುಮಾರ್ ಸೇರಿಕೊಂಡು 'ಬೆಲ್ ಬಾಟಂ' ಚಿತ್ರದ ಫಸ್ಟ್ ಲುಕ್ ರಿಲೀಸ್ ಮಾಡಿದ್ದಾರೆ. ಇದರಿಂದ ಅನುಮಾನಗೊಂಡಿರುವ ರವಿ ವರ್ಮ ಕೇಸ್ ದಾಖಲಿಸಿ, ಅಕ್ಷಯ್ ಕುಮಾರ್ ಮತ್ತು ನಿಖಿಲ್ ಅಡ್ವಾಣಿಗೆ ನೋಟೀಸ್ ಕಳುಹಿಸಿದ್ದಾರೆ.

ಅಕ್ಷಯ್ ಕುಮಾರ್ ತೊಟ್ಟ 'ಬೆಲ್ ಬಾಟಂ' ಕನ್ನಡದಲ್ವಂತೆ

ರವಿ ವರ್ಮ ಏನಂತಾರೆ.?

''ಸಿನಿಮಾದ ಟೈಟಲ್, ಅಕ್ಷಯ್ ಕುಮಾರ್ ಲುಕ್ ನಮ್ಮ ಕನ್ನಡದ ಬೆಲ್ ಬಾಟಂ ಚಿತ್ರವನ್ನೇ ಹೋಲುತ್ತಿದೆ. ಹೀಗಾಗಿ ನನಗೆ ಅನುಮಾನ ಬಂದಿದೆ. ಚಿತ್ರತಂಡಕ್ಕೆ ಪಬ್ಲಿಕ್ ನೋಟೀಸ್ ನೀಡಿದ್ದೇನೆ. ರೈಟರ್ ಅಸೋಸಿಯೇಷನ್ ನಲ್ಲಿ ಕೇಸ್ ದಾಖಲಿಸಿದ್ದೇನೆ. ಈ ರೀತಿ ಕತೆ ಕದ್ದು ನಮಗೆ ಮೋಸ ಮಾಡಬಾರದು. ನನ್ನ ಗುಮಾನಿ ನಿಜ ಆದಲ್ಲಿ ಕಾನೂನು ಹೋರಾಟ ಮಾಡುವೆ'' ಎಂದಿದ್ದಾರೆ ರವಿ ವರ್ಮ.

'ಬೆಲ್ ಬಾಟಂ' ಚಿತ್ರದ ಹಿಂದಿ ರಿಮೇಕ್ ನಲ್ಲಿ ಅಕ್ಷಯ್ ಕುಮಾರ್!

ಮಾತುಕತೆಗೆ ಕರೆದಿದ್ದಾರೆ ಅಕ್ಷಯ್ ಕುಮಾರ್

ನೋಟೀಸ್ ತಲುಪಿದ ಮೇಲೆ ಎಚ್ಚೆತ್ತುಕೊಂಡಿರುವ ಅಕ್ಷಯ್ ಕುಮಾರ್, ರವಿ ವರ್ಮ ರನ್ನ ಮಾತುಕತೆಗೆ ಆಹ್ವಾನಿಸಿದ್ದಾರಂತೆ. ಅಕ್ಷಯ್ ಕುಮಾರ್ ಜೊತೆಗೆ ರಾಜಿ ಸಂಧಾನ ಆಗುತ್ತಾ ಅಂತ ಕೇಳಿದರೆ ''ಅವರು ಏನು ಹೇಳುತ್ತಾರೋ, ನೋಡೋಣ'' ಎನ್ನುತ್ತಾರೆ ರವಿ ವರ್ಮ.

ಅನ್ಯಾಯ ಆಗಬಾರದು.!

ಇನ್ನೂ ಕೆಲವೇ ದಿನಗಳಲ್ಲಿ ಮುಂಬೈನಲ್ಲಿ ರವಿ ವರ್ಮ ಪತ್ರಿಕಾಗೋಷ್ಠಿ ಮಾಡುತ್ತಾರಂತೆ. ''ಕನ್ನಡ ಸಿನಿಮಾಗೆ ಅನ್ಯಾಯ ಆಗಬಾರದು'' ಎನ್ನುವ ರವಿ ವರ್ಮ 'ಬೆಲ್ ಬಾಟಂ' ಚಿತ್ರವನ್ನ ಹಿಂದಿಯಲ್ಲಿ ರೀಮೇಕ್ ಮಾಡಲು ಪ್ರತಿಷ್ಟಿತ ಕಂಪನಿ ಜೊತೆಗೆ ಮಾತುಕತೆ ನಡೆಸಿದ್ದಾರಂತೆ. ಎಲ್ಲವೂ ರವಿ ವರ್ಮ ಪ್ಲಾನ್ ಪ್ರಕಾರ ನಡೆದರೆ, ಆ ಪ್ರತಿಷ್ಟಿತ ಕಂಪನಿಗೆ 'ಬೆಲ್ ಬಾಟಂ' ಚಿತ್ರದ ಕಥೆ ಮಾರಾಟ ಆಗಲಿದೆ.