ಅನುಷ್ಕಾ ಶರ್ಮಾ ಬಾಯಲ್ಲಿ ಕನ್ನಡ ಪದ: ನಿಜಕ್ಕೂ ಕನ್ನಡ ಬಳಸಿದ್ರಾ ಕೊಹ್ಲಿ ಪತ್ನಿ?

ಅನುಷ್ಕಾ ಬಳಸಿದ್ದು ಕನ್ನಡವೇನಾ?

ಅನುಷ್ಕಾ ಶರ್ಮಾ 'ಅಷ್ಟೇ' ಎಂಬ ಕನ್ನಡ ಪದ ಬಳಸಿರುವುದರಿಂದ ಈ ವಿಡಿಯೋ ಕನ್ನಡಿಗರ ಗಮನ ಸೆಳೆದಿದೆ. ಎಲ್ಲಾ ಓಕೆ, ಕೊನೆಯಲ್ಲಿ ಅಷ್ಟೇ ಎಂದಿದ್ದೇಕೆ ಎಂದು ಕೆಲವರು ಆಶ್ಚರ್ಯದಿಂದ ನೋಡುತ್ತಿದ್ದಾರೆ. ಮತ್ತೆ ಕೆಲವರು ನಿಜಕ್ಕೂ ಅನುಷ್ಕಾ 'ಅಷ್ಟೇ' ಎಂದು ಕನ್ನಡದಲ್ಲೇ ಹೇಳಿದ್ರಾ ಎಂದು ಸರ್ಪ್ರೈಸ್ ಆಗಿದ್ದಾರೆ.

ಗೊತ್ತಿದ್ದಿ ಹೇಳಿದ್ರಾ, ಗೊತ್ತಿಲ್ಲದೇ ಹೇಳಿದ್ರಾ

ಅನುಷ್ಕಾ ಅವರು 'ಅಷ್ಟೇ' ಎಂಬ ಪದದ ಅರ್ಥ ಗೊತ್ತಿದ್ದು ಹಾಗೆ ಹೇಳಿದ್ರಾ ಅಥವಾ ಏನೋ ಹೇಳಲು ಹೋಗಿ ಹಾಗೆ ಹೇಳಿರಬಹುದು ಎಂದು ಯೋಚಿಸಿದರೂ, ಅದು ಉದ್ದೇಶ ಪೂರ್ವಕವಾಗಿ 'ಅಷ್ಟೇ' ಎಂದಂತೆ ಇದೆ. ಕೊನೆಯಲ್ಲಿ ಕೈಮುಗಿದು ಅಷ್ಟೇ ಎಂದಿರುವುದನ್ನ ಗಮನಿಸಿದ್ರೆ ಇದು ಕನ್ನಡ ಪದ ಎಂದು ಗೊತ್ತಿದ್ದೆ ಹೇಳಿದ್ದಾರೆ ಎಂಬುದು ಖಾತ್ರಿಯಾಗಿದೆ.

ಅನುಷ್ಕಾ ಓದಿದ್ದು ಬೆಂಗಳೂರಿನಲ್ಲಿ

ಅನುಷ್ಕಾ ಶರ್ಮಾ ಅವರಿಗೆ ಕನ್ನಡ ಬರುತ್ತಾ ಎಂದು ಕೇಳಬೇಡಿ. ಅದರ ಬಗ್ಗೆ ನಮಗೂ ಪೂರ್ಣ ಮಾಹಿತಿ ಇಲ್ಲ. ಆದ್ರೆ, ಒಂದಂತೂ ನಿಜಾ. ಅನುಷ್ಕಾ ಶರ್ಮಾ ಬೆಂಗಳೂರಿನ ಮೌಂಟ್ ಕಾರ್ಮೆಲ್ ಕಾಲೇಜಿನಲ್ಲಿ ವ್ಯಾಸಂಗ ಮಾಡಿದ್ದಾರೆ. ಹಾಗಾಗಿ, ಅನುಷ್ಕಾಗೆ ಕನ್ನಡ ಗೊತ್ತಿರುತ್ತೆ ಎಂದು ಊಹಿಸಬಹುದು.

ಅಯೋಧ್ಯೆ ಕುವರಿ, ಬೆಂಗಳೂರಿನ ನಂಟು

ಉತ್ತರ ಪ್ರದೇಶದ ಅಯೋಧ್ಯೆಯಲ್ಲಿ ಜನಿಸಿದ ಅನುಷ್ಕಾ ಶರ್ಮಾ, ಬೆಂಗಳೂರಿನ ಆರ್ಮಿ ಶಾಲೆಯಲ್ಲಿ ಓದಿದ್ದರು. ನಂತರ ಮೌಂಟ್ ಕಾರ್ಮೆಲ್ ಕಾಲೇಜಿನಲ್ಲಿ ಪದವಿ ಪಡೆದುಕೊಂಡಿದ್ದಾರೆ. ಅಲ್ಲಿಂದ ಮುಂಬೈಗೆ ಬಂದ ಅನುಷ್ಕಾ ಮಾಡೆಲಿಂಗ್ ಕ್ಷೇತ್ರದಲ್ಲಿ ಮಿಂಚಿ, ನಂತರ ಬಾಲಿವುಡ್ ಗೆ ಲಗ್ಗೆಯಿಟ್ಟಿದ್ದಾರೆ.

ವಿರಾಟ್ ಗೂ ಲಿಂಕ್ ಇದೆ

ಸೋ, ಶಿಕ್ಷಣವನ್ನ ಬೆಂಗಳೂರಿನಲ್ಲಿ ಕಲಿತ ಹಿನ್ನೆಲೆ ಅನುಷ್ಕಾ ಶರ್ಮಾಗೆ ಕನ್ನಡ ಬರುತ್ತೆ. ಹೀಗಾಗಿ, ಬೆಂಗಳೂರಿನ ಜೊತೆ ಅನುಷ್ಕಾಗೆ ಹೆಚ್ಚು ನಂಟಿದೆ. ಮತ್ತೊಂದೆಡೆ ಕಳೆದ ಒಂದು ದಶಕದಿಂದ ಅನುಷ್ಕಾ ಶರ್ಮಾ ಪತಿ ವಿರಾಟ್ ಕೊಹ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಖಾಯಂ ಆಟಗಾರನಾಗಿ ಐಪಿಎಲ್ ಆಡುತ್ತಿದ್ದಾರೆ. ಆಗಲೂ ಪಂದ್ಯಗಳನ್ನ ನೋಡಲು ಅನುಷ್ಕಾ ಬೆಂಗಳೂರಿಗೆ ಬರ್ತಾರೆ.