Don't Miss!
- Automobiles Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- Sports IPL 2024: ಮುಂಬೈ ಇಂಡಿಯನ್ಸ್ ವಿರುದ್ಧ ಶತಕ; ರೋಹಿತ್, ಕೊಹ್ಲಿಗೆ ಕ್ರೆಡಿಟ್ ನೀಡಿದ ಯಶಸ್ವಿ ಜೈಸ್ವಾಲ್!
- Technology Itel: ಭಾರತದಲ್ಲಿ ಐಟೆಲ್ S24 ಲಾಂಚ್! 108MP ಕ್ಯಾಮೆರಾ.. ಬೆಲೆ ಇಷ್ಟೇ
- News ದಲಿತರ ಅಭಿವೃದ್ಧಿಯನ್ನು ಬಿಜೆಪಿ ಮಾಡಿಲ್ಲ; ಕೇಂದ್ರ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿದ ಸಂಯುಕ್ತ ಪಾಟೀಲ್
- Lifestyle ಪ್ರವಾಹಕ್ಕೆ ಕಾರಣವಾಗೋದು ಮಳೆಯಲ್ಲ ಬೇಸಿಗೆಯ ಬಿಸಿಲು..! ನಂಬಲು ಸಾಧ್ಯವಿಲ್ಲ ಅಂದ್ರೆ ಈ ವಿಡಿಯೋ ನೋಡಿ..!
- Finance ಬೆಂಗಳೂರು ವಿಮಾನ ನಿಲ್ದಾಣದಲ್ಲಿ ಅಕ್ರಮವಾಗಿ ಸಾಗಿಸುತ್ತಿದ್ದ 10 ಹಳದಿ ಅನಕೊಂಡ ಸಹಿತ ವ್ಯಕ್ತಿ ಬಂಧನ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರಿಯಾ ಚಕ್ರವರ್ತಿ-ಸುಶಾಂತ್ 'ಧೂಮಲೀಲೆ' ವಿಡಿಯೋ ವೈರಲ್
ಸುಶಾಂತ್ ಪ್ರೇಯಸಿ ನಟಿ ರಿಯಾ ಚಕ್ರವರ್ತಿ ಪ್ರಸ್ತುತ ಎನ್ಸಿಬಿ ವಶದಲ್ಲಿದ್ದಾರೆ. ಮಾದಕ ವಸ್ತು ಕೊಳ್ಳಲು ಹಣ ಕೊಟ್ಟ ಆರೋಪದ ಮೇಲೆ ರಿಯಾರನ್ನು ಎನ್ಸಿಬಿ ಅಧಿಕಾರಿಗಳು ಬಂಧಿಸಿದ್ದಾರೆ.
ತಾವು, ಸುಶಾಂತ್ ಗಾಗಿ ಗಾಂಜಾ ತರಿಸುತ್ತಿದ್ದುದಾಗಿ, ಸುಶಾಂತ್ ಗೆ ಗಾಂಜಾ ಸೇದುವ ಅಭ್ಯಾಸವಿತ್ತು ಎಂದು ರಿಯಾ, ಎನ್ಸಿಬಿ ಅಧಿಕಾರಿಗಳ ಬಳಿ ಹೇಳಿದ್ದಾರೆ ಎನ್ನಲಾಗುತ್ತಿದೆ.
ರಿಯಾ ಅವರು ಕೆಲವು ದಿನಗಳ ಹಿಂದೆ ಸಂದರ್ಶನವೊಂದರಲ್ಲಿ 'ಸುಶಾಂತ್ ಗೆ ಗಾಂಜಾ ಸೇದುವ ಅಭ್ಯಾಸವಿತ್ತು, ನಾನು ಆತನನ್ನು ತಡೆಯುವ ಯತ್ನ ಮಾಡಿದ್ದೆ ಆತ ನನ್ನ ಮಾತು ಕೇಳಿರಲಿಲ್ಲ' ಎಂದಿದ್ದರು. ಆದರೆ ಈಗ ವೈರಲ್ ಆಗಿರುವ ವಿಡಿಯೋದಲ್ಲಿ ಸುಶಾಂತ್ ಹಾಗೂ ರಿಯಾ ಒಟ್ಟಾಗಿ ಸಿಗರೇಟ್ ಸೇದುತ್ತಿದ್ದಾರೆ. ಆದರೆ ಇದು ಮಾರುಕಟ್ಟೆಯಲ್ಲಿ ದೊರಕುವ ಸಾಮಾನ್ಯ ಸಿಗರೇಟ್ ಅಲ್ಲ ಎಂಬುದು ಸ್ಪಷ್ಟ.
'ಹರ್ಬಲ್ ಸ್ಟಿಕ್' ಎನ್ನುವ ರಿಯಾ
ಇದೀಗ ವೈರಲ್ ಆಗಿರುವ ವಿಡಿಯೋದಲ್ಲಿ, ಸುಶಾಂತ್ ಸಿಂಗ್ ಸಣ್ಣನೆಯ ಸಿಗರೇಟ್ ಅನ್ನು ಸೇದುತ್ತಿದ್ದಾರೆ. ವಿಡಿಯೋ ಮಾಡುತ್ತಿರುವವನು 'ಇದು ಚರಸ್ ಹಾ?' ಎಂದು ಕೇಳುತ್ತಾರೆ. ಆಗ ರಿಯಾ, 'ಹರ್ಬಲ್ ಸ್ಟಿಕ್' (ನೈಸರ್ಗಿಕ ಕಡ್ಡಿ) ಎಂದು ಹೇಳುತ್ತಾರೆ.
ಸಿಗರೇಟ್ ಬಗ್ಗೆ ತಮಾಷೆ ಮಾಡುವ ಸುಶಾಂತ್
ವಿಡಿಯೋ ಮಾಡುತ್ತಿರುವವರು, 'ಓಹ್ ಇದು ಹರ್ಬಲ್ ಸಿಗರೇಟ್ ಹಾ' ಎಂದು ಕೇಳುತ್ತಾರೆ. ಇದಕ್ಕೆ ಉತ್ತರಿಸುವ ಸುಶಾಂತ್, 'ಅಲ್ಲ, ಇದು ವಿಎಫ್ಎಕ್ಸ್' ಎಂದು ತಮಾಷೆ ಮಾಡುತ್ತಾರೆ. ಕೋಣೆಯಲ್ಲಿರುವವರು ಸುಶಾಂತ್ ಜೋಕ್ಗೆ ನಗುತ್ತಾರೆ. ಸುಶಾಂತ್ ತಮ್ಮ ಕೈಯಲ್ಲಿದ್ದ ಸಿಗರೇಟ್ ಅನ್ನು ರಿಯಾ ಕೈಗೆ ಹಸ್ತಾಂತರಿಸುತ್ತಾರೆ.
ಸಿಗರೇಟು ಸೇದುತ್ತಾ ಹಾಡುತ್ತಿದ್ದಾರೆ ರಿಯಾ-ಸುಶಾಂತ್
ವಿಡಿಯೋದಲ್ಲಿ ಸುಶಾಂತ್ ಹಾಗೂ ರಿಯಾ ಒಟ್ಟಿಗೆ ಸಿಗರೇಟು ಸೇದುತ್ತಾ ಹಾಡು ಹಾಡುತ್ತಿದ್ದಾರೆ. ಅವರ ಗೆಳೆಯರು ಸಂಗೀತ ವಾದ್ಯಗಳನ್ನು ಭಾರಿಸುತ್ತಿದ್ದಾರೆ. ವಿಡಿಯೋದಲ್ಲಿ ಒಬ್ಬ ಮಹಿಳೆಯೂ ಇದ್ದು, ಆಕೆಯ ಮುಖ ಅಸ್ಪಷ್ಟವಾಗಿದೆ.
Recommended Video
ಸಿಗರೇಟ್ ಸೇದಿ ಕೆಮ್ಮುತ್ತಿರುವ ಸುಶಾಂತ್
ವಿಡಿಯೋದಲ್ಲಿ ಸಿಗರೇಟ್ ಸೇದಿದ ಬಳಿಕ ಸುಶಾಂತ್ ಕೆಮ್ಮುತ್ತಾರೆ, ಸಿಗರೇಟು ಸೇದಿದಾಗಲೆಲ್ಲಾ ನೀರು ಕುಡಿಯುತ್ತಾರೆ. ವಿಡಿಯೋದಲ್ಲಿ ಸುಶಾಂತ್ ಹಾಗೂ ರಿಯಾ ಜೊತೆಗೆ ಅವರ ಗೆಳೆಯರಾದ ಸ್ಯಾಮ್ಯುಯೆಲ್ ಹೌಕಿಪ್, ಸಿದ್ಧಾರ್ಥ್ ಪಿತಾನಿ ಸಹ ಇದ್ದಾರೆ.