ಸುಶಾಂತ್ ಪ್ರೇಯಸಿಗೆ ಅತ್ಯಾಚಾರ ಮತ್ತು ಕೊಲೆ ಬೆದರಿಕೆ: ಕಾಪಾಡಿ ಎಂದು ಸೈಬರ್ ಪೊಲೀಸರನ್ನು ಕೇಳಿಕೊಂಡ ರಿಯಾ

ಕೊಲೆಗಾತಿ ಎಂದರು, ಶೀಲದ ಬಗ್ಗೆ ಮಾತನಾಡಿದರೂ ಸೈಲೆಂಟ್ ಆಗಿದ್ದೆ

ರಿಯಾ ಚಕ್ರವರ್ತಿ ಸಾಮಾಜಿಕ ಜಾಲತಾಣದಲ್ಲಿ "ನನ್ನನ್ನು ದುಡ್ಡಿಗಾಗಿ ಸುಶಾಂತ್ ಸಹವಾಸ ಮಾಡಿದ್ದಾಳೆ ಎಂದು ಹೇಳಿದರು. ಸುಮ್ಮನಿದ್ದೆ. ಕೊಲೆಗಾತಿ ಎಂದು ಕರೆದರೂ ಸುಮ್ಮನಿದ್ದೆ. ನನ್ನ ಶೀಲದ ಬಗ್ಗೆ ಮಾತನಾಡಿದ್ರು ಸುಮ್ಮನಿದ್ದೆ. ಆದರೆ ನಾನು ಮೌನವಾಗಿದ್ದೀನಿ ಅಂತ ಆತ್ಮಹತ್ಯೆ ಮಾಡಿಕೊಳ್ಳದಿದ್ದಾರೆ ಅತ್ಯಾಚಾರ ಮಾಡಿ ಕೊಲೆ ಮಾಡುವುದಾಗಿ ಹೇಳಲು ನಿಮಗೆ ಹಕ್ಕು ಕೊಟ್ಟವರು ಯಾರು?" ಎಂದು ಪ್ರಶ್ನಿಸಿದ್ದಾರೆ.

ನೀವು ಹೇಳುತ್ತಿರುವ ಗಂಭೀರತೆ ಅರಿತುಕೊಂಡಿದ್ದೀರಾ?

"ನೀವು ಹೇಳುತ್ತಿರುವ ಗಂಭೀರತೆಯನ್ನು ನೀವು ಅರಿತುಕೊಂಡಿದ್ದೀರಾ? ಹೀಗೆ ಬೆದರಿಕೆ ಹಾಕುವುದು ಕಾನೂನು ಪ್ರಕಾರ ಅಪರಾಧ. ನಾನು ಮತ್ತೆ ಹೇಳುತ್ತೇನೆ ಯಾರು ಇಷ್ಟು ಕೆಟ್ಟ ಆಲೋಚನೆ ಮಾಡಬಾರದು ಮತ್ತು ಕಿರುಕುಳ ನೀಡಬಾರದು." ಎಂದು ರಿಯಾ ಹೇಳಿದ್ದಾರೆ.

ಸೈಬರ್ ಕ್ರೈಮ್ ಬಳಿ ರಿಯಾ ಮನವಿ

ಇದರಿಂದ ಕಾಪಾಡುವಂತೆ ನಟಿ ರಿಯಾ ಚಕ್ರವರ್ತಿ ಸೈಬರ್ ಕ್ರೈಮ್ ಬಳಿ ಬೇಡಿಕೊಂಡಿದ್ದಾರೆ. ದಯವಿಟ್ಟು ಆಗತ್ಯ ಕ್ರಮ ತೆಗೆದುಕೊಳ್ಳಿ ಎಂದು ಸೈಬರ್ ಕ್ರೈಮ್ ಹೆಲ್ಪ್ ಲೈನ್ ಮತ್ತು ಸೈಬರ್ ಕ್ರೈಮ್ ಇಂಡಿಯಾ ಅವರಿಗೆ ಟ್ಯಾಗ್ ಮಾಡಿದ್ದಾರೆ

ಸುಶಾಂತ್ ಬಗ್ಗೆ ಭಾವನಾತ್ಮಕ ಪೋಸ್ಟ್

ಸುಶಾಂತ್ ನನ್ನು ಕಳೆದುಕೊಂಡು 1 ತಿಂಗಳ ಬಳಿಕ ರಿಯಾ ಚಕ್ರವರ್ತಿ ಭಾವುಕ ಮಾತುಗಳನ್ನು ಆಡಿದ್ದರು. "ನನ್ನ ಭಾವನೆಗಳನ್ನು ಎದುರಿಸಲು ಇನ್ನೂ ಕಷ್ಟಪಡುತ್ತಿದ್ದೀನಿ. ನನ್ನ ಹೃದಯದಲ್ಲಿ ಸರಿಪಡಿಸಲಾಗದ ಮರಗಟ್ಟುವಿಕೆ ಇದೆ. ನನ್ನನ್ನು ಪ್ರೀತಿಯಲ್ಲಿ ನಂಬುವಂತೆ ಮಾಡಿದ್ದೆ ನೀನು , ಪ್ರೀತಿಯ ಶಕ್ತಿ ತಿಳಿಸಿಕೊಟ್ಟವನೇ ನೀನು. ನಾನು ನಿಮ್ಮಿಂದ ಪ್ರತೀದಿನ ತುಂಬಾ ಕಲಿತಿದ್ದೇನೆ. ನೀನು ನನ್ನೊಂದಿಗೆ ಇಲ್ಲ ಎಂಬುದನ್ನ ಎಂದಿಗೂ ನನಗೆ ಒಪ್ಪಿಕೊಳ್ಳಲು ಸಾದ್ಯವಿಲ್ಲ." ಎಂದು ದೀರ್ಘವಾಗಿ ಬರೆದುಕೊಂಡಿದ್ದರು.