ಸುಶಾಂತ್ ಮತ್ತು ನಾನು ಮದುವೆಯಾಗಲಿದ್ದೇವೆ ಎಂದು ಹೇಳಿಕೊಂಡಿದ್ದರು ರಿಯಾ

ಇಬ್ಬರೂ ಡೇಟಿಂಗ್ ಮಾಡುತ್ತಿದ್ದರು

ಕೆಲವು ತಿಂಗಳಿಂದ ಸುಶಾಂತ್ ಹಾಗೂ ರಿಯಾ ಚಕ್ರಬೊರ್ತಿ ಡೇಟಿಂಗ್ ನಡೆಸುತ್ತಿದ್ದು, ಗಂಭೀರವಾಗಿ ಸಂಬಂಧ ಬೆಳೆಸಿಕೊಂಡಿದ್ದಾರೆ ಎಂಬ ರೂಮರ್ ಹರಿದಾಡುತ್ತಿತ್ತು. ಆದರೆ ಇದರ ಬಗ್ಗೆ ಇಬ್ಬರೂ ಬಹಿರಂಗವಾಗಿ ಮಾತನಾಡಿರಲಿಲ್ಲ. ಇತ್ತೀಚಿನ ವರದಿಗಳ ಪ್ರಕಾರ ಸುಶಾಂತ್ ಮತ್ತು ರಿಯಾ ವೈವಾಹಿಕ ಬದುಕಿಗೆ ಕಾಲಿರಿಸಲು ಸಿದ್ಧತೆ ನಡೆಸಿದ್ದರು.

ಸುಶಾಂತ್ ಸಾವಿನ ಪರಿಣಾಮ: 'ಬಾಲಿವುಡ್ ಕುಟುಂಬ'ಗಳ ಫಾಲೋವರ್ಸ್ ಸಂಖ್ಯೆ ಇಳಿಕೆ

ಮನೆ ಹುಡುಕುತ್ತಿದ್ದ ರಿಯಾ

ರಿಯಾ ಮತ್ತು ಸುಶಾಂತ್ ಇಬ್ಬರೂ ಒಟ್ಟಿಗೆ ಮನೆ ಹುಡುಕಾಟ ನಡೆಸಿದ್ದರು. ಬಾಂದ್ರಾದಲ್ಲಿ ನನಗೆ ಮನೆ ಬೇಕು. ಸುಶಾಂತ್ ಸಿಂಗ್ ರಜಪೂತ್ ಜತೆ ನಾನು ಇರಲಿದ್ದೇನೆ. ಶೀಘ್ರದಲ್ಲಿಯೇ ಇಬ್ಬರೂ ಮದುವೆಯಾಗಲಿದ್ದೇವೆ ಎಂದು ರಿಯಲ್ ಎಸ್ಟೇಟ್ ಡೀಲರ್ ಒಬ್ಬರ ಬಳಿ ರಿಯಾ ಹೇಳಿಕೊಂಡಿದ್ದರು ಎಂದು ವರದಿಯಾಗಿದೆ.

ತಡ ರಾತ್ರಿ ಪಾರ್ಟಿ ಮಾಡುತ್ತಿದ್ದ ಸುಶಾಂತ್

ಸುಶಾಂತ್ ಎಂದಿಗೂ ಬಾಡಿಗೆ ಕಟ್ಟುವ ವಿಚಾರದಲ್ಲಿ ತಡ ಮಾಡುತ್ತಿರಲಿಲ್ಲ. ಆದರೆ ಅವರಿಂದ ಆಗುತ್ತಿದ್ದ ಒಂದೇ ಒಂದು ಸಮಸ್ಯೆಯೆಂದರೆ ತಡರಾತ್ರಿ ಪಾರ್ಟಿಗಳು. ಇದಕ್ಕೂ ಮೊದಲು ಸುಶಾಂತ್ ನೆಲೆಸಿದ್ದ ಮನೆಯ ಸುತ್ತಮುತ್ತಲಿನವರೂ ಅವರ ತಡ ರಾತ್ರಿ ಪಾರ್ಟಿಗಳ ಬಗ್ಗೆ ಆರೋಪಿಸಿದ್ದರು ಎಂದು ಆ ಡೀಲರ್ ತಿಳಿಸಿದ್ದಾರೆ.

ಇಬ್ಬರೂ ಒಟ್ಟಿಗೆ ನಟಿಸಬೇಕಿತ್ತು

ಹೀಗಾಗಿ ಸುಶಾಂತ್ ಮತ್ತು ರಿಯಾ ಒಟ್ಟಾಗಿ ಸಾಂಸಾರಿಕ ಜೀವನಕ್ಕೆ ಕಾಲಿರಿಸಲು ತಯಾರಿ ನಡೆಸಿದ್ದರು ಎನ್ನುವುದು ದೃಢಪಟ್ಟಿದೆ. ಸುಶಾಂತ್ ಅವರ ಅಂತ್ಯಸಂಸ್ಕಾರದಲ್ಲಿ ರಿಯಾ ಭಾಗವಹಿಸಿದ್ದರು. ಲಾಕ್ ಡೌನ್ ಅಂತ್ಯಗೊಂಡ ಬಳಿಕ ಚಿತ್ರೀಕರಣ ಆರಂಭವಾದರೆ ಇಬ್ಬರೂ ಜತೆಗೆ ರೊಮ್ಯಾಂಟಿಕ್ ಕಾಮಿಡಿ ಚಿತ್ರವೊಂದರಲ್ಲಿ ನಟಿಸಬೇಕಾಗಿತ್ತು.

'ಸುಶಾಂತ್ ಸಾವಿಗೆ ಕಾರಣರಾದ ಕರಣ್, ಯಶ್ ರಾಜ್, ಸಲ್ಮಾನ್ ಖಾನ್ ಚಿತ್ರಗಳನ್ನು ಬಹಿಷ್ಕರಿಸಿ'

ಆನಂದ್ ರೈ ಜತೆ ಸುಶಾಂತ್ ಸಿನಿಮಾ

'ರಾಂಝಾನಾ' ಚಿತ್ರದ ನಿರ್ದೇಶಕ ಆನಂದ್ ಎಲ್ ರೈ ಬ್ಯಾನರ್‌ನಲ್ಲಿ ಸುಶಾಂತ್ ಸಿನಿಮಾ ಮಾಡಬೇಕಿತ್ತು. ಅದರ ಬಗ್ಗೆ ಚರ್ಚೆ ಕೂಡ ನಡೆದಿತ್ತು. ಸುಶಾಂತ್ ಅವರಿಗೆ ಸೂಕ್ತವಾಗುವ ಕಥೆ ಸಿದ್ಧಪಡಿಸಿದ್ದ ಆನಂದ್, ಅವರನ್ನು ಭೇಟಿಯಾಗಿ ಅದನ್ನು ವಿವರಿಸಿದ್ದರು. ಅದಕ್ಕೆ ಸುಶಾಂತ್ ಕೂಡ ಒಪ್ಪಿಗೆ ಸೂಚಿಸಿದ್ದರು.