ಸುಶಾಂತ್ ಪ್ರೇಯಸಿಗೆ ಬಂಧನ ಭೀತಿ: ನಿರೀಕ್ಷಣಾ ಜಾಮೀನಿಗೆ ಮೊರೆ ಸಾಧ್ಯತೆ

ಆರೋಗ್ಯ ಸಮಸ್ಯೆಯಿಂದಾಗಿ ತಡವಾಗಿ ದೂರು

ಮಾಧ್ಯಮಗಳೊಟ್ಟಿಗೆ ಮಾತನಾಡಿರುವ ಸುಶಾಂತ್ ತಂದೆ ಕೆಕೆ ಸಿಂಗ್, ಆರೋಗ್ಯ ಸಮಸ್ಯೆ ಇದ್ದ ಕಾರಣ ಮುಂಬೈನಲ್ಲಿ ದೂರು ದಾಖಲಿಸಲಾಗಿರಲಿಲ್ಲ. ಹಾಗಾಗಿ ಪಟ್ನಾದಲ್ಲಿ ಈಗ ದೂರು ದಾಖಲಿಸಿದ್ದೇನೆ ಎಂದಿದ್ದಾರೆ. ಪಾಟ್ನಾದ ರಾಜೀವ್ ನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.

ಈಗಾಗಲೇ ವಕೀಲರನ್ನು ಭೇಟಿಯಾಗಿರುವ ರಿಯಾ

ಮುಂಚೂಣಿಯ ಬಾಲಿವುಡ್ ಸಿನಿಮಾ ಪತ್ರಿಕೆಯೊಂದು ವರದಿ ಮಾಡಿರುವಂತೆ, ರಿಯಾ ಚಕ್ರವರ್ತಿ ಈಗಾಗಲೇ ಆನಂದಿ ಫರ್ನಾಂಡೀಸ್‌ ಎಂಬ ವಕೀಲರನ್ನು ಭೇಟಿ ಮಾಡಿದ್ದು ಬಂಧನದಿಂದ ತಪ್ಪಿಸಿಕೊಳ್ಳಲು ನಿರೀಕ್ಷಣಾ ಜಾಮೀನಿಗೆ ಅರ್ಜಿ ಸಲ್ಲಿಸಲಿದ್ದಾರಂತೆ.

ಹಣ, ಆಭರಣ ಹೊತ್ತೊಯ್ದಿರುವ ರೆಹಾ!?

ಸುಶಾಂತ್ ತಂದೆ, ರೆಹಾ ಮೇಲೆ ಸರಣಿ ಆರೋಪಗಳನ್ನು ಮಾಡಿದ್ದು, ರೆಹಾ ಜೂನ್ 8 ರಂದು ಸಾಕಷ್ಟು ಆಭರಣ, ಹಣ, ಲ್ಯಾಪ್‌ಟಾಪ್, ಸುಶಾಂತ್‌ನ ಆರೋಗ್ಯ ಸಂಬಂಧಿ ದಾಖಲೆಗಳನ್ನು ತೆಗೆದುಕೊಂಡು ಮನೆ ಬಿಟ್ಟು ಹೋಗಿದ್ದರು. ಸುಶಾಂತ್ ನಂಬರ್ ಅನ್ನು ಸಹ ಬ್ಲಾಕ್ ಮಾಡಿದ್ದರು ಎಂದು ಹೇಳಿದ್ದಾರೆ.

ಹುಚ್ಚನೆಂದು ಸಾಬೀತು ಮಾಡುವುದಾಗಿ ಬೆದರಿಕೆ

ಸುಶಾಂತ್‌ನ ಮೆಡಿಕಲ್ ದಾಖಲೆಗಳನ್ನು ಬಹಿರಂಗಪಡಿಸಿ ಆತನೊಬ್ಬ ಹುಚ್ಚ ಎಂದು ಸಾಬೀತು ಮಾಡುವುದಾಗಿ ಬೆದರಿಕೆ ಹಾಕಿದ್ದ ರಿಯಾ, ಸುಶಾಂತ್‌ನ ನಂಬಿಕಸ್ಥ ಕೆಲಸದವರು, ಬಾಡಿಗಾರ್ಡ್‌ ಅನ್ನು ಕೆಲಸದಿಂದ ತೆಗೆದಿದ್ದರು. ಸುಶಾಂತ್‌ಗೆ ಯಾವುದೇ ಸಿನಿಮಾ ಒಪ್ಪಿಕೊಳ್ಳಲು ಬಿಡುತ್ತಿರಲಿಲ್ಲ ಎಂದು ಆರೋಪಿಸಿದ್ದಾರೆ.