ಸುಶಾಂತ್ ಸಹೋದರಿ ಕುಡಿದು ರಾತ್ರಿ ನನ್ನ ಜೊತೆ ಅಸಭ್ಯವಾಗಿ ವರ್ತಿಸಿದ್ದರು: ರಿಯಾ ಗಂಭೀರ ಆರೋಪ

ಸುಶಾಂತ್ ಕುಟುಂಬ ಎಲ್ಲಾ ಆರೋಪಗಳನ್ನು ರೂಪಿಸುತ್ತಿದ್ದಾರೆ

"ಸುಶಾಂತ್ ಸಿಂಗ್ ಕುಟುಂಬದವರು ರಿಯಾ ವಿರುದ್ಧ ಮಾಡುತ್ತಿರುವ ಆರೋಪಗಳು ಆಧಾರ ರಹಿತವಾಗಿದೆ. ಸುಶಾಂತ್ ನಿಧನದ ನಂತರ ಜುಲೈ 27ರ ವರೆಗೂ ಸುಶಾಂತ್ ಕುಟುಂಬ ಯಾವುದೆ ಆರೋಪ ಮಾಡಿರಲಿಲ್ಲ. ಪೊಲೀಸ್ ಮುಂದೆಯೂ ಏನು ಹೇಳಲಿಲ್ಲ. ಅವರದ್ದು ವಿದ್ಯಾವಂತ ಕುಟುಂಬ. ಐಪಿಎಸ್ ಅಧಿಕಾರಿ ಒಪಿ ಸಿಂಗ್ ಇದ್ದಾರೆ. ಈ ಎಲ್ಲಾ ಆರೋಪಗಳನ್ನು ಕುಟುಂಬದವರೆ ರೂಪಿಸಿದ್ದಾರೆ. ಹಣ ವರ್ಗಾವಣೆಯ ದಾಖಲೆಗಳನ್ನು ರಿಯಾ ಇಡಿ ಅಧಿಕಾರಿಗಳಿಗೆ ನೀಡಿದ್ದಾರೆ"

ಸುಶಾಂತ್ ಸಹೋದರಿ ಕುಡಿದು ತೂರಾಡುತ್ತಿದ್ದರು

"ಸುಶಾಂತ್ ಮತ್ತು ರಿಯಾ ಡೇಟಿಂಗ್ ಮಾಡುತ್ತಿದ್ದ ಪ್ರಾರಂಭದಲ್ಲಿ, ರಿಯಾ ಸುಶಾಂತ್ ಮನೆಗೆ ತೆರಳಿದ್ದರು. ಆಗ ಸುಶಾಂತ್ ಸಹೋದರಿ ಪ್ರಿಯಾಂಕಾ ಮತ್ತು ಪತಿ ಸಿದ್ಧಾರ್ಥ್ ಕೂಡ ಜೊತೆಯಲ್ಲಿದ್ದರು. ಒಂದು ರಾತ್ರಿ ಏಪ್ರಿಲ್ ನಲ್ಲಿ ರಿಯಾ ಮತ್ತು ಪ್ರಿಯಾಂಕಾ ಇಬ್ಬರು ಪಾರ್ಟಿಗೆ ಹೊರಟಿದ್ದರು. ಪ್ರಿಯಾಂಕಾ ಪಾರ್ಟಿಯಲ್ಲಿ ಕುಡಿದು ತೂರಾಡುತ್ತಿದ್ದರು. ಪಾರ್ಟಿಯಲ್ಲಿ ಪುರುಷರು ಮತ್ತು ಮಹಿಳೆಯರ ಜೊತೆ ಅಸಭ್ಯವಾಗಿ ವರ್ತಿಸುತ್ತಿದ್ದರು."

ಸುಶಾಂತ್ ಸಹೋದರಿ ಪ್ರಿಯಾಂಕಾ ಅಸಭ್ಯವಾಗಿ ಸ್ಪರ್ಶಿಸಿದ್ದಾರೆ

"ನಂತರ ಸುಶಾಂತ್ ಮನೆಗೆ ಮರಳಿದೆವು. ಮನೆಗೆ ಬಂದ ಬಳಿಕ ಸುಶಾಂತ್ ಜೊತೆ ಮತ್ತೆ ಕುಡಿಯಲು ಪ್ರಾರಂಭಿಸಿದರು. ಆದರೆ ಮರುದಿನ ಶೂಟಿಂಗ್ ಇದ್ದ ಪರಿಣಾಮ ರಿಯಾ ಬೇಗ ಮಲಗಳು ತೆರಳಿದರು. ಸುಶಾಂತ್ ಕೋಣೆಯಲ್ಲಿ ರಿಯಾ ಮಲಗಿದ್ದರು. ನಂತರ ಸುಶಾಂತ್ ಸಹೋದರಿ ಪ್ರಿಯಾಂಕ ಕೂಡ ಪಕ್ಕದಲ್ಲಿಯೇ ಬಂದು ಮಲಗಿದರು. ಅಸಭ್ಯವಾಗಿ ಸ್ಪರ್ಶಿಸುತ್ತಿದ್ದರು. ದಿಢೀರನೆ ಎಚ್ಚರಗೊಂಡ ರಿಯಾ ಗಾಬರಿಯಾಗಿ ರೂಮಿನಿಂದ ಹೊರ ಓಡಿ ಬಂದರು."

ಸುಶಾಂತ್ ಕುಟುಂಬದ ಜೊತೆ ಸಂಬಂಧ ಸರಿಯಿಲ್ಲ

"ಪ್ರಿಯಾಂಕಾ ಅಸಭ್ಯ ವರ್ತನೆ ಬಗ್ಗೆ ಸುಶಾಂತ್ ಬಳಿ ಹೇಳಿಕೊಂಡರು. ನಂತರ ಸುಶಾಂತ್ ಮತ್ತು ಪ್ರಿಯಾಂಕಾ ನಡುವೆ ವಾಗ್ವಾದ ನಡೆಯಿತು. ಈ ಘಟನೆಯ ಬಳಿಕ ಸುಶಾಂತ್ ಸಿಂಗ್ ಕುಟುಂಬದವರ ಜೊತೆ ರಿಯಾ ಚಕ್ರವರ್ತಿ ಹಾಳಾಯಿತು" ಎಂದು ನಾಲ್ಕು ಪುಟಗಳ ಹೇಳಿಕೆಯನ್ನು ರಿಯಾ ವಕೀಲರು ಬಹಿರಂಗಪಡಿಸಿದ್ದಾರೆ. ರಿಯಾ ಚಕ್ರವರ್ತಿಯ ಈ ಗಂಭೀರ ಹೇಳಿಕೆ ಎಲ್ಲರಿಗೂ ಅಚ್ಚರಿ ಮೂಡಿಸಿದೆ.