ಕೋವಿಡ್ ಸಂಕಷ್ಟದ ನಡುವೆಯೂ ಚಿತ್ರಮಂದಿರದಲ್ಲಿ ಬಿಡುಗಡೆಯಾಗುತ್ತಿದೆ ಬಾಲಿವುಡ್ ಚಿತ್ರ: ಎಲ್ಲಿ? ಹೇಗೆ?

ಶೋ ಮಸ್ಟ್ ಗೋ ಆನ್...

ಪೋಸ್ಟರ್ ಮೇಲೆ ತಮ್ಮ ಸಹಿ ನಮೂದಿಸಿರುವ ರೋಹಿತ್ ಶೆಟ್ಟಿ, 'ಸರಿಯಾಗಿ ಹೇಳಿರುವಂತೆ, ಪ್ರದರ್ಶನ ಮುಂದುವರಿಯಲೇಬೇಕು' ಎಂದು ಬರೆದುಕೊಂಡಿದ್ದಾರೆ. ಬಿಕ್ಕಟ್ಟುಗಳ ನಡುವೆ ಹಿಂದಿ ಚಿತ್ರವೊಂದು ಮರುಬಿಡುಗಡೆಯಾಗುತ್ತಿದೆ ಎಂಬ ಸಂತಸ ಸಂಗತಿಯನ್ನು ಅವರು ತಿಳಿಸಿದ್ದಾರೆ.

ಬಹುತಾರಾಗಣ

ಅಜಯ್ ದೇವಗನ್, ಅರ್ಷದ್ ವಾರ್ಸಿ, ತುಷಾರ್ ಕಪೂರ್, ಕುನಾಲ್ ಕೇಮು, ಶ್ರೇಯಸ್ ತಲ್ಪಾಡೆ, ಜಾನಿ ಲಿವರ್, ಪರಿಣೀತಿ ಚೋಪ್ರಾ, ತಬು, ಪ್ರಕಾಶ್ ರಾಜ್ ಮತ್ತು ನೀಲ್ ನಿತಿನ್ ಮುಕೇಶ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.

ಗುರುವಾರದಿಂದ ಪ್ರದರ್ಶನ

'ಚಿತ್ರಮಂದಿರಗಳಲ್ಲಿ ಗೋಲ್ ಮಾಲ್ ಅಗೈನ್ ಅನ್ನು ಮರುಬಿಡುಗಡೆ ಮಾಡಲು ನ್ಯೂಜಿಲೆಂಡ್ ನಿರ್ಧರಿಸಿದೆ. ಕೋವಿಡ್ ನಂತರ ಬಿಡುಗಡೆ ಮಾಡಲಿರುವ ಮೊದಲ ಹಿಂದಿ ಸಿನಿಮಾ ಇದು. ಕೋವಿಡ್ ಮುಕ್ತವಾಗಿರುವ ನ್ಯೂಜಿಲೆಂಡ್‌ನಲ್ಲಿ 'ಗೋಲ್ ಮಾಲ್ ಅಗೈನ್' ಮೂಲಕ ಜೂನ್ 25ರಿಂದ ಚಿತ್ರಮಂದಿರಗಳು ತೆರೆಯಲಿವೆ' ಎಂದು ರೋಹಿತ್ ಶೆಟ್ಟಿ ತಿಳಿಸಿದ್ದಾರೆ.

ಈ ಸರಣಿಯ ನಾಲ್ಕನೆಯ ಚಿತ್ರ

ಜನಪ್ರಿಯ 'ಗೋಲ್‌ಮಾಲ್' ಸರಣಿಯ ನಾಲ್ಕನೆಯ ಭಾಗವಾಗಿ 'ಗೋಲ್‌ಮಾಲ್ ಅಗೈನ್' ಬಿಡುಗಡೆಯಾಗಿತ್ತು. ಹಾರರ್ ಕಾಮಿಡಿ ಜಾನರ್‌ನ ಈ ಚಿತ್ರ ಅಮೆಜಾನ್ ಪ್ರೈಮ್‌ನ ಒಟಿಟಿ ಪ್ಲಾಟ್‌ಫಾರ್ಮ್‌ನಲ್ಲಿಯೂ ಲಭ್ಯವಿದೆ. 'ಗೋಲ್‌ಮಾಲ್ ಫೈವ್' ಮಾಡುವುದಾಗಿ ಕಳೆದ ವರ್ಷ ಅಜಯ್ ದೇವಗನ್ ಮತ್ತು ರೋಹಿತ್ ಶೆಟ್ಟಿ ತಿಳಿಸಿದ್ದರು.