ಆಕೆ ಪ್ರತಿಭಾವಂತೆ, ಮತ್ತೆ ಪುಟಿದೇಳುತ್ತಾಳೆ: ರಿಯಾ ಚಕ್ರವರ್ತಿ ಬಗ್ಗೆ 'ಚೆಹ್ರೆ' ನಿರ್ದೇಶಕ ರೂಮಿ ಮಾತು

ರಿಯಾ ನಟನೆಯ ಚೆಹ್ರೆ ಸಿನಿಮಾ ರಿಲೀಸ್ ಗೆ ರೆಡಿಯಾಗಿದೆ

ಇದೀಗ ರಿಯಾ ಚಕ್ರವರ್ತಿ ಬಗ್ಗೆ ನಿರ್ದೇಶಕ ರೂಮಿ ಜಾಫೇರಿ ಮಾತನಾಡಿದ್ದಾರೆ. ರಿಯಾ ಚಕ್ರವರ್ತಿ ಮತ್ತೆ ಪುಟಿದೇಳುತ್ತಾರೆ ಎಂದು ಹೇಳಿದ್ದಾರೆ. ಅಮಿತಾಬ್ ಬಚ್ಚನ್, ಇಮ್ರಾನ್ ಹಶ್ಮಿ ಮತ್ತು ರಿಯಾ ಚಕ್ರವರ್ತಿ ನಟನೆಯ ಚೆಹ್ರೆ ಸಿನಿಮಾಗೆ ರೂಮಿ ಜಾಫೇರಿ ನಿರ್ದೇಶನ ಮಾಡಿದ್ದಾರೆ. ಈ ಸಿನಿಮಾದಲ್ಲಿ ರಿಯಾ ಚಕ್ರವರ್ತಿ ಸಹ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.

ಚೆಹ್ರೆ ರಿಲೀಸ್ ಯಾವಾಗ

ಚೆಹ್ರೆ ಸಿನಿಮಾದ ರಿಲೀಸ್ ನ ತಯಾರಿಯಲ್ಲಿರುವ ನಿರ್ದೇಶಕ ರೂಮಿ, ಇತ್ತೀಚಿಗೆ 'ಮಿಡ್ ಡೇ' ಪೋರ್ಟಲ್ ಗೆ ನೀಡಿರುವ ಸಂದರ್ಶನದಲ್ಲಿ ಮಾತನಾಡಿ, ಈ ಸಿನಿಮಾವನ್ನು ರಿಲೀಸ್ ಮಾಡಲು ನಿರ್ಧರಿಸಿದ್ದೇವೆ, ಆದರೆ ಬಿಡುಗಡೆ ದಿನಾಂಕ ಇನ್ನು ಫೈನಲ್ ಆಗಿಲ್ಲ ಎಂದಿದ್ದಾರೆ.

'ಪ್ಲೀಸ್ ನನ್ನ ಹಿಂಬಾಲಿಸಬೇಡಿ': ಜೈಲಿನಿಂದ ಬಂದ ನಂತರ ಹೊರಗೆ ಕಾಣಿಸಿಕೊಂಡ ರಿಯಾ

ರಿಯಾ ಮತ್ತೆ ಪುಟಿದೇಳುತ್ತಾರೆ

ಇದೇ ಸಮಯದಲ್ಲಿ ರಿಯಾ ಬಗ್ಗೆ ಮಾತನಾಡಿದ ರೂಮಿ, 'ಅವರು ಈ ಒಂದು ಕಷ್ಟದ ಹಂತದಿಂದ ಹೊರಬರುತ್ತಾರೆ ಎನ್ನುವ ವಿಶ್ವಾಸ ನನಗಿದೆ. ಪ್ರತಿಯೊಬ್ಬರು ಧೈರ್ಯ ಹೇಳುತ್ತಿದ್ದಾರೆ. ಆದರೆ ಎಷ್ಟು ಕಷ್ಟ ಎನ್ನುವುದು ಗೊತ್ತಿದೆ. ಆದರೆ ಸಮಯ ಎನ್ನುವುದು ಎಲ್ಲವನ್ನು ಮರೆಸುತ್ತೆ. ಅವಳು ಚೆನ್ನಾಗಿರುತ್ತಾಳೆ. ಪ್ರತಿಭಾವಂತ ಕಲಾವಿದೆ ಮತ್ತೆ ಪುಟಿದೇಳುತ್ತಾರೆ' ಎಂದು ಹೇಳಿದ್ದಾರೆ.

ಜೈಲಿನಿಂದ ಹೊರಬಂದ ಬಳಿಕ ಮೊದಲ ಬಾರಿಗೆ ಕಾಣಿಸಿಕೊಂಡ ರಿಯಾ

ಕಷ್ಟದ ಸಮಯದಲ್ಲಿ ಅವರೊಂದಿಗೆ ನಿಂತ ಎಲ್ಲರ ಬಗ್ಗೆಯೂ ಅವರಿಗೆ ಅಪಾರ ಗೌರವವಿದೆ ಎಂದು ಹೇಳಿದ್ದಾರೆ. ಜೈಲಿನಿಂದ ಹೊರಬಂದ ರಿಯಾ ಚಕ್ರವರ್ತಿ, ಇತ್ತೀಚಿಗೆ ಕ್ಯಾಮರಾ ಕಣ್ಣಿಗೆ ಸೆರೆಯಾಗಿದ್ದರು. ಸಹೋದರ ಶೋವಿಕ್ ಜೊತೆ ಮುಂಬೈ ರಸ್ತೆಯಲ್ಲಿ ಓಡಾಡುತ್ತಿದ್ದ ರಿಯಾ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಬಳಿಕ ಎನ್ ಸಿ ಬಿ ಕಚೇರಿಗೆ ಭೇಟಿಯಾದ ಫೋಟೋ ಸಹ ಎಲ್ಲಾ ಕಡೆ ಹರಿದಾಡುತ್ತಿದೆ.