ತಮ್ಮದೇ ಆತ್ಮಚರಿತ್ರೆ ಘೋಷಿಸಿದ ಸೈಫ್ ಅಲಿ ಖಾನ್, ವಿಶೇಷತೆ ಏನಿರಬಹುದು?

ಆತ್ಮಚರಿತ್ರೆ ಘೋಷಿಸಿದ ನಟ ಸೈಫ್!

ಸೈಫ್ ಅಲಿ ಖಾನ್ ತಮ್ಮ ಆತ್ಮಚರಿತ್ರೆ ಬರೆಯವುದಾಗಿ ಘೋಷಿಸಿದ್ದಾರೆ. ಎರಡೂವರೆ ದಶಕಕ್ಕೂ ಹೆಚ್ಚು ಕಾಲದ ಸಿನಿಮಾ ಜರ್ನಿ, ಖಾಸಗಿ ಬದುಕು, ಯಶಸ್ಸು, ಸೋಲು ಸೇರಿದಂತೆ ಜೀವನದ ಅನೇಕ ಘಟನೆಗಳನ್ನು ಸಾರ್ವಜನಿಕವಾಗಿ ತೆರೆದಿಡಲು ಮುಂದಾಗಿದ್ದಾರೆ. ಎಲ್ಲ ಅಂದುಕೊಂಡಂತೆ ಆದರೆ, ಮುಂದಿನ ವರ್ಷದಲ್ಲಿ ಸೈಫ್ ಆತ್ಮಚರಿತ್ರೆ ಓದುಗರ ಕೈ ಸೇರಲಿದೆ.

ಎರಡನೇ ಮಗು ನಿರೀಕ್ಷೆಯಲ್ಲಿ ಕರೀನಾ ಕಪೂರ್-ಸೈಫ್ ದಂಪತಿ!

ಹೆಸರು ಅಂತಿಮಗೊಳಿಸಿಲ್ಲ

ಸೈಫ್ ಅಲಿ ಖಾನ್ ಅವರ ಆತ್ಮಚರಿತ್ರೆಗೆ ಶೀರ್ಷಿಕೆ ಅಂತಿಮವಾಗಿಲ್ಲ. ಇತ್ತೀಚಿಗಷ್ಟೆ ಟೈಮ್ಸ್ ಆಫ್ ಇಂಡಿಯಾದ ಜೊತೆ ಸಂದರ್ಶನ ನೀಡಿದ ಸೈಫ್ ತಮ್ಮ ಆತ್ಮಚರಿತ್ರೆ ಕುರಿತು ಖಚಿತಪಡಿಸಿದ್ದಾರೆ. ''ತನ್ನ ಜೀವನದ ಘಟನೆಗಳನ್ನು ದಾಖಲಿಸುವುದು ಒಂದು ರೀತಿ ಸ್ವಾರ್ಥ. ಪರವಾಗಿಲ್ಲ, ಇತರರಿಗೆ ಅದರಲ್ಲಿ ಒಳ್ಳೆಯ ಅನುಭವ ಸಿಗಬಹುದು' ಎಂದು ತಿಳಿಸಿದ್ದಾರೆ.

ರೆಕಾರ್ಡ್ ಮಾಡುವುದರಿಂದ ನೆನಪಿಟ್ಟುಕೊಳ್ಳಬಹುದು

''ಬಹಳಷ್ಟು ವಿಷಯಗಳು ಬದಲಾಗಿದೆ. ಅವುಗಳನ್ನು ನಾವು ಸಂಗ್ರಹಿಸಿ ಇಡದಿದ್ದರೆ ಅದು ಸಮಯದೊಂದಿಗೆ ಕಳೆದು ಹೋಗುತ್ತದೆ. ರೆಕಾರ್ಡ್ ಮಾಡುವುದರಿಂದ ನೆನಪಿಟ್ಟುಕೊಳ್ಳಲು ಮತ್ತು ಹಿಂತಿರುಗಿ ನೋಡಲು ಚೆನ್ನಾಗಿರುತ್ತದೆ. ಇದು ತಮಾಷೆಯಾಗಿರಬಹುದು. ಆದರೆ, ಇದೊಂದು ಸ್ವಾರ್ಥ ಪ್ರಯತ್ನ ಎಂದು ನಾನು ಹೇಳುತ್ತೇನೆ. ಇತರರು ಈ ಪುಸ್ತಕವನ್ನು ಆನಂದಿಸುತ್ತಾರೆ'' ಎಂದು ಸೈಫ್ ಹೇಳಿಕೊಂಡಿದ್ದಾರೆ.

ನಾನೂ ಸ್ವಜನಪಕ್ಷಪಾತದ ಬಲಿಪಶು ಎಂದ ಸೈಫ್ ಅಲಿ ಖಾನ್

ಎರಡನೇ ಮಗು ನಿರೀಕ್ಷೆಯಲ್ಲಿ ಸೈಫ್ ದಂಪತಿ

ಕಳೆದ ವಾರವಷ್ಟೇ ಸೈಪ್ ಅಲಿ ಖಾನ್ ಮತ್ತು ಕರೀನಾ ಕಪೂರ್ ಖಾನ್ ದಂಪತಿ ಎರಡನೇ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ ಎಂಬ ಸುದ್ದಿ ಹೊರಬಿದ್ದಿತ್ತು. ಈ ಕುರಿತು ಸೈಪ್ ಮತ್ತು ಪತ್ನಿ ಕರೀನಾ ಸಹ ಸಂತಸ ಹಂಚಿಕೊಂಡಿದ್ದರು. ಡಿಸೆಂಬರ್ ತಿಂಗಳಲ್ಲಿ ಎರಡನೇ ಮಗುವಿಗೆ ಕರೀನಾ ಜನ್ಮ ನೀಡುವ ಸಾಧ್ಯತೆ ಇದೆ.