ನೂರು ಕೋಟಿ ಗಳಿಸಿದ ವರ್ಷದ ಮೊದಲ ಚಿತ್ರ

ನಟ ಸೈಫ್ ಆಲಿ ಖಾನ್ ಅವರ ಚಿತ್ರಗಳಿಗೂ ಈ ಪಾಟಿ ಮಾರುಕಟ್ಟೆ ಇದೆಯಾ? ಎನ್ನುತ್ತಿದ್ದವರಿಗೆ ರೇಸ್ 2 ಚಿತ್ರ ಶಾಕ್ ನೀಡಿದೆ. ಸಸ್ಪೆನ್ಸ್ ಥ್ರಿಲ್ಲರ್ ಆಗಿರುವ ರೇಸ್ 2 ಚಿತ್ರ ಬಾಕ್ಸ್ ಆಫೀಸಲ್ಲಿ ಭಾರಿ ಸದ್ದು ಮಾಡಿದೆ.

ಈ ಚಿತ್ರ ಇದುವರೆಗೂ ರು.100 ಕೋಟಿ ಕಲೆಕ್ಷನ್ ಮಾಡಿದೆ. ಈ ಮೂಲಕ ನೂರು ಕೋಟಿ ಗಳಿಸಿದ ವರ್ಷದ ಮೊದಲ ಚಿತ್ರ ಎಂಬ ಹೆಗ್ಗಳಿಕೆಗೂ ಪಾತ್ರವಾಗಿದೆ. ಭಾರತದ ಬಾಕ್ಸ್ ಆಫೀಸ್ ಒಂದರಲ್ಲೇ ಚಿತ್ರ ನೂರು ಕೋಟಿ ಗಳಿಸಿರುವುದು ವಿಶೇಷ.

ಗ್ಯಾಲರಿ: ರೇಸ್ 2

ಅಬ್ಬಾಸ್ ಮುಸ್ತಾನ್ ಆಕ್ಷನ್ ಕಟ್ ಹೇಳಿರುವ ಈ ಚಿತ್ರ 2008ರಲ್ಲಿ ಬಿಡುಗಡೆಯಾಗಿದ್ದ ರೇಸ್ ಚಿತ್ರದ ಮುಂದುವರಿದ ಅವತರಣಿಕೆ. ರೇಸ್ 2 ಚಿತ್ರ ಮೊದಲ ವಾರವೇ ರು.76.1 ಕೋಟಿ ಗಳಿಸಿದೆ. ಎರಡನೇ ವಾರದಲ್ಲಿ ರು. 24 ಕೋಟಿ ಗಳಿಸಿದೆ ಎನ್ನುತ್ತವೆ ಬಾಕ್ಸ್ ಆಫೀಸ್ ಮೂಲಗಳು. (ಏಜೆನ್ಸೀಸ್)