ತೆಲುಗು ಸಿನಿಮಾ ಬಿಡುಗಡೆಗೆ ಮುನ್ನವೇ ರೀಮೇಕ್ ಹಕ್ಕು ಖರೀದಿಸಿದ ಸಲ್ಮಾನ್

'ಖಿಲಾಡಿ' ಸಿನಿಮಾದ ರೀಮೇಕ್ ಹಕ್ಕು ಖರೀದಿ

ಎಸ್‌ಎಫ್‌ಕೆ (ಸಲ್ಮಾನ್ ಖಾನ್ ಫಿಲಮ್ಸ್) ಹೆಸರಿನ ಸಿನಿಮಾ ನಿರ್ಮಾಣ ಸಂಸ್ಥೆ ಹೊಂದಿರುವ ಸಲ್ಲು ಭಾಯ್, ತೆಲುಗಿನಲ್ಲಿ ರವಿತೇಜ ನಟಿಸಿ ಇನ್ನೂ ಬಿಡುಗಡೆ ಆಗದಿರುವ 'ಖಿಲಾಡಿ' ಸಿನಿಮಾದ ರೀಮೇಕ್ ಹಕ್ಕನ್ನು ಖರೀದಿಸಿದ್ದಾರೆ ಸಲ್ಮಾನ್ ಖಾನ್. 'ಖಿಲಾಡಿ' ತೆಲುಗು ಸಿನಿಮಾ ಲಾಕ್‌ಡೌನ್ ಕಾರಣಕ್ಕೆ ತಡವಾಗಿ ಬಿಡುಗಡೆ ಆಗುತ್ತಿದೆ.

ರವಿತೇಜ ನಟನೆಯ 'ಕಿಕ್' ಸಿನಿಮಾ ರೀಮೇಕ್ ಮಾಡಿದ್ದಾರೆ ಸಲ್ಲು

ರವಿತೇಜ ನಟನೆಯ 'ಕಿಕ್' ಸಿನಿಮಾವನ್ನು ಈಗಾಗಲೇ ಹಿಂದಿಯಲ್ಲಿ ರೀಮೇಕ್ ಮಾಡಿರುವ ಸಲ್ಮಾನ್ ಖಾನ್ ಈಗ 'ಖಿಲಾಡಿ' ಮೇಲೆ ಕಣ್ಣು ಹಾಕಿದ್ದಾರೆ. ಖಿಲಾಡಿ ಸಿನಿಮಾದಲ್ಲಿ ರವಿತೇಜ ನಟನೆಯ ಈ ಸಿನಿಮಾದಲ್ಲಿ ಮುಖ್ಯ ಪಾತ್ರದಲ್ಲಿ ಅಲ್ಲು ಅರ್ಜುನ್, ಉನ್ನಿ ಮುಕುಂದನ್ ಸಹ ಇದ್ದಾರೆ. ಈ ಸಿನಿಮಾದಲ್ಲಿ ರವಿತೇಜರದ್ದು ದ್ವಿಪಾತ್ರ ಎನ್ನಲಾಗಿದೆ. 'ಖಿಲಾಡಿ' ಸಿನಿಮಾಕ್ಕೆ ಮೀನಾಕ್ಷಿ ಚೌಧರಿ ಹಾಗೂ ಡಿಂಪಲ್ ಹಯ್ಯಾತಿ ನಾಯಕಿಯರು.

ಹಲವು ತೆಲುಗು ಸಿನಿಮಾ ರೀಮೇಕ್ ಮಾಡಿದ್ದಾರೆ ಸಲ್ಲು

ಸಲ್ಮಾನ್ ಖಾನ್‌ಗೆ ರೀಮೇಕ್‌ ಸಿನಿಮಾಗಳು ತೀರಾ ಸಾಮಾನ್ಯ. ತೆಲುಗಿನ ಪೋಕಿರಿ, ಕಿಕ್, ರೆಡಿ, ಸ್ಟ್ಯಾಲಿನ್, ಹಲೊ ಬ್ರದರ್ ಇನ್ನೂ ಹಲವು ಸಿನಿಮಾಗಳ ರೀಮೇಕ್‌ನಲ್ಲಿ ಸಲ್ಮಾನ್ ನಟಿಸಿದ್ದಾರೆ. ಅದನ್ನು ಹೊರತುಪಡಿಸಿ, ತಮಿಳಿನ 'ಸೇತು', ಮಲಯಾಳಂ ಸಿನಿಮಾವನ್ನು ಬಾಡಿಗಾರ್ಡ್ ಹೆಸರಲ್ಲಿ ರೀಮೇಕ್ ಮಾಡಿದ್ದಾರೆ ಸಲ್ಮಾನ್ ಖಾನ್.

Recommended Video

Darshan ಕೊಟ್ಟ ಒಂದೇ ಕರೆಗೆ ಮೃಗಾಲಯಕ್ಕೆ ಹರಿದುಬಂತು ನೆರವು | Filmibeat Kannada

ತಮಿಳಿನ 'ಮಾಸ್ಟರ್' ರೀಮೇಕ್ ಹಕ್ಕು ಖರೀದಿ

ಸಲ್ಮಾನ್ ಖಾನ್ ತೆಲುಗಿನ 'ಖಿಲಾಡಿ' ಸಿನಿಮಾದ ಜೊತೆಗೆ ತಮಿಳಿನ ಸೂಪರ್ ಹಿಟ್ ಸಿನಿಮಾ 'ಮಾಸ್ಟರ್'ನ ರೀಮೇಕ್‌ ಹಕ್ಕುಗಳನ್ನು ಸಹ ಖರೀದಿಸಿದ್ದಾರೆ. ವಿಜಯ್ ಹಾಗೂ ವಿಜಯ್ ಸೇತುಪತಿ ನಟಿಸಿದ್ದ 'ಮಾಸ್ಟರ್' ಸಿನಿಮಾ ಸೂಪರ್ -ಡೂಪರ್ ಹಿಟ್ ಆಗಿತ್ತು.