ಬಿಗ್‌ಬಾಸ್ ಆಗಿ ಮತ್ತೆ ಬಂದ ಸಲ್ಮಾನ್: ಈ ಬಾರಿ ಡಿಫರೆಂಟ್ ಗುರು

ಬಿಗ್‌ಬಾಸ್‌ನ 14 ನೇ ಸರಣಿ

ಇದೀಗ 2020 ರಲ್ಲಿ ಪ್ರಸಾರವಾಗುವ ಬಿಗ್‌ಬಾಸ್ 14 ನೇ ಸರಣಿ ಆಗಿದ್ದು, ಈ ಬಾರಿಯೂ ಸಲ್ಮಾನ್ ಖಾನ್ ನಿರೂಪಕರಾಗಿದ್ದಾರೆ. ಟೀಸರ್‌ನಲ್ಲಿ ಸಖತ್ ಡಿಫರೆಂಟ್ ಆಗಿ ಕಾಣುತ್ತಿರುವ ಸಲ್ಮಾನ್, ಈ ಬಾರಿಯ ಬಿಗ್‌ಬಾಸ್ ಸಹ ಡಿಫರೆಂಟ್ ಆಗಿರಲಿದೆ ಎಂದಿದ್ದಾರೆ.

ತೋಟದಲ್ಲಿ ಕೆಲಸ ಮಾಡುತ್ತಿರುವ ಸಲ್ಮಾನ್ ಖಾನ್

ಪ್ರೋಮೋದಲ್ಲಿ ಕಾಣುತ್ತಿರುವಂತೆ, ಸಲ್ಮಾನ್ ಖಾನ್ ತೋಟದಲ್ಲಿ ಭತ್ತ ನೆಡುತ್ತಿದ್ದಾರೆ, ಟ್ರಾಕ್ಟರ್ ಓಡುತ್ತಿದ್ದಾರೆ. ಟೀಸರ್‌ನಲ್ಲಿ ಸಲ್ಮಾನ್ ಹೇಳುವಂತೆ. ಲಾಕ್‌ಡೌನ್ ನಿಂದಾಗಿ ಬಿಡುವು ಪಡೆದುಕೊಂಡು ಕೃಷಿಯಲ್ಲಿ ತೊಡಗಿಕೊಂಡೆ, ಟ್ರಾಕ್ಟರ್ ಓಡಿಸಿದೆ. ಆದರೆ ಈಗ ಮತ್ತೆ ಪರಿಸ್ಥಿತಿ ಬದಲಾಗಿದೆ. ಬಿಗ್‌ಬಾಸ್ ಮತ್ತೆ ಬರುತ್ತಿದೆ' ಎಂದಿದ್ದಾರೆ.

'ಕೊರೊನಾ ಪರಿಸ್ಥಿತಿಯನ್ನು ಉಲ್ಟಾ ಮಾಡಲಿದೆ ಬಿಗ್‌ಬಾಸ್'

ಇಷ್ಟು ದಿನ ಕೊರೊನಾ ಕಾರಣದಿಂದ ಇದ್ದ ಪರಿಸ್ಥಿತಿಯನ್ನು ಬಿಗ್‌ಬಾಸ್ ಉಲ್ಟಾ ಮಾಡಿಬಿಡುತ್ತದೆ ಎಂಬರ್ಥದ ಘೋಷವಾಕ್ಯದೊಂದಿಗೆ ಹಿಂದಿ ಬಿಗ್‌ಬಾಸ್ 14 ಪ್ರಾರಂಭವಾಗುತ್ತಿದೆ. ಯಾರ್ಯಾರು ಸ್ಪರ್ಧಾಳುಗಳಾಗಲಿದ್ದಾರೆ ಎಂಬುದು ಇನ್ನೂ ಖಾತ್ರಿಯಾಗಿಲ್ಲ.

ತೆಲುಗಿನ ಬಿಗ್‌ಬಾಸ್ ಪ್ರಾರಂಭವಾಗಲಿದೆ

ತೆಲುಗಿನಲ್ಲಿಯೂ ಸಹ ಬಿಗ್‌ಬಾಸ್ 5 ಪ್ರಾರಂಭವಾಗುತ್ತಿದೆ. ಕೆಲವು ದಿನಗಳ ಹಿಂದಷ್ಟೆ ಶೋ ನ ನಿರೂಪಕ ನಾಗಾರ್ಜುನ ಅವರು ಟೀಸರ್ ಚಿತ್ರೀಕರಣವನ್ನು ಮುಗಿಸಿದ್ದಾರೆ. ಆದರೆ ಕನ್ನಡ ಬಿಗ್‌ಬಾಸ್‌ ಬಗ್ಗೆ ಈ ವರೆಗೆ ಯಾವುದೇ ಅಪ್‌ಡೇಟ್ ದೊರೆತಿಲ್ಲ.