ಸಲ್ಲು ನಿಮ್ಮ ಮದುವೆಗೆ ಬರಬೇಕೆ? ಇಲ್ಲಿದೆ ಪ್ಲಾನ್

ಗ್ಯಾಲರಿ: ಸಲ್ಮಾನ್ ಖಾನ್

ಸಲ್ಲು ಅವರನ್ನೂ ಮದುವೆಗೆ ಆಹ್ವಾನಿಸಬಹುದು. ಊಟ ಮಾಡಲಿಕ್ಕಾ ಎಂದು ಕೇಳಬೇಡಿ. ಅವರು ಸುಮ್ಮನೆ ಬಂದು ವಧುವರದ ಜೊತೆ ನಿಂತು, ನೆರದವರತ್ತ ಕೈಬೀಸುತ್ತಾರೆ. ಒಂದು ಕಿರುನಗೆಯನ್ನೂ ಬೀರುತ್ತಾರೆ. ಸ್ವಲ್ಪ ಸಮಯ ನಿಮ್ಮೊಂದಿಗೂ ಹರಟುತ್ತಾರೆ. ಆದರೆ ಇದಕ್ಕೆ ಒಂದಷ್ಟು ಕೋಟಿ ಕೊಡಬೇಕಷ್ಟೇ!

ಎಷ್ಟು ಅಂತೀರಾ? ರು.3.5 ಕೋಟಿ ಕೊಟ್ಟರೆ ಸಾಕು. ನೆನಪಿರಲಿ ಸಲ್ಲು ಬರುವುದು ಬೆಳಗಿನ ಹೊತ್ತಿನ ಮಾಂಗಲ್ಯ ಧಾರಣೆ ಸಮಯದಲ್ಲಲ್ಲ. ಅವರೇನಿದ್ದರೂ ಬರುವುದು ರಾತ್ರಿ ಹೊತ್ತು! ತಪ್ಪು ತಿಳಿಯಬೇಡಿ ಸಲ್ಲು ಬರುವುದು ಆರತಕ್ಷತೆ ಕಾರ್ಯಕ್ರಮಕ್ಕೆ ಮಾತ್ರ.

ಆರತಕ್ಷತೆ ಕಾರ್ಯಕ್ರಮದಲ್ಲಿ ಒಂದಷ್ಟು ಸ್ಟೆಪ್ಸ್ ಬೇಕಿದ್ದರೂ ಹಾಕುತ್ತಾರೆ. ನರದೌರ್ಬಲ್ಯದಿಂದ ಬಳಲುತ್ತಿರುವ ಸಲ್ಮಾನ್ ಖಾನ್ ಯುಎಸ್ ನಲ್ಲಿ ಚಿಕಿತ್ಸೆ ಪಡೆಯಲು ತೆರಳುತ್ತಿದ್ದಾರೆ. ಆದರೆ ಈಗ ಮದುವೆ ಸೀಸನ್ ಆದ ಕಾರಣ ಅವರು ತಮ್ಮ ಯುಎಸ್ ಟ್ರಿಪನ್ನು ಮಾರ್ಚ್ ಗೆ ಮುಂದೂಡಿದ್ದಾರೆ ಎನ್ನುತ್ತವೆ ಬಾಲಿವುಡ್ ಮೂಲಗಳು. (ಏಜೆನ್ಸೀಸ್)