'ರಾಧೆ ಅದ್ಭುತ ಚಿತ್ರವಲ್ಲ': ಸಲ್ಲು ಸಿನಿಮಾವನ್ನು ತಂದೆಯೂ ಇಷ್ಟಪಟ್ಟಿಲ್ಲ, ಏಕೆ?

ರಾಧೆ ಚಿತ್ರದಲ್ಲಿ ಅದ್ಭುತ ಎನ್ನುವ ಅಂಶವಿಲ್ಲ

ಡೈನಿಕ್ ಭಾಸ್ಕರ್ ಜೊತೆ ಸಂದರ್ಶನದಲ್ಲಿ ಭಾಗಿಯಾಗಿದ್ದ ಸಲೀಮ್ ಖಾನ್ ''ಈ ಹಿಂದೆ ತೆರೆಕಂಡಿದ್ದ ದಬಾಂಗ್ 3 ಚಿತ್ರ ವಿಭಿನ್ನವಾಗಿತ್ತು. ಭಜರಂಗಿ ಭಾಯ್‌ಜಾನ್ ಸಿನಿಮಾ ತುಂಬಾ ಚೆನ್ನಾಗಿತ್ತು. ಆದರೆ, ರಾಧೆ ಅಂತಹ ಅದ್ಭುತ ಚಿತ್ರವಲ್ಲ'' ಎಂದು ಸಲ್ಲು ಸಿನಿಮಾದ ಬಗ್ಗೆ ನಿರಾಸೆ ವ್ಯಕ್ತಪಡಿಸಿದ್ದಾರೆ.

ಬಿಸಿನೆಸ್ ಮಾಡಿದೆ ಎನ್ನುವುದು ನಿರಾಳ

''ಕಮರ್ಷಿಯಲ್ ಆಗಿ ಹಣ ಗಳಿಸುವುದು ಪ್ರಮುಖವಾಗುತ್ತದೆ. ಅಂತಹ ಉದ್ದೇಶದಿಂದ ನೋಡಿದ್ರೆ ರಾಧೆ ಆ ಕೆಲಸ ಮಾಡಿದೆ. ಸಿನಿಮಾ ಅಂದ್ಮೇಲೆ ಕಲಾವಿದರು, ನಿರ್ಮಾಪಕರು, ವಿತರಕರು, ಪ್ರದರ್ಶಕರಿಗೆ ಹಣ ತಂದುಕೊಡಬೇಕಾಗುತ್ತದೆ. ಹಾಗ್ನೋಡಿದ್ರೆ ಸಲ್ಮಾನ್ ಖಾನ್ ಸಿನಿಮಾ ಉತ್ತಮ ಪ್ರದರ್ಶನ ತೋರಲಿದೆ. ಅದು ಬಿಟ್ಟರೆ ಸಿನಿಮಾ ಅಷ್ಟು ದೊಡ್ಡದಲ್ಲ'' ಎಂದು ಅಭಿಪ್ರಾಯಪಟ್ಟರು.

ರಾಧೇ ಪೈರಸಿ ಮಾಡಿದ್ರೆ ವಾಟ್ಸಾಪ್ ರದ್ದುಗೊಳಿಸಿ: ದೆಹಲಿ ಹೈ ಕೋರ್ಟ್

ಉತ್ತಮ ಬರಹಗಾರರಿಲ್ಲ

ಈ ವೇಳೆ ಮಾತು ಮುಂದುವರಿಸಿದ ಸಲೀಮ್ ಖಾನ್ ಇಂಡಸ್ಟ್ರಿಯಲ್ಲಿ ಬರಹಗಾರರ ಕೊರತೆ ಇದೆ ಎಂದು ಬೇಸರ ವ್ಯಕ್ತಪಡಿಸಿದರು. ''ಇಂಡಸ್ಟ್ರಿಯಲ್ಲಿ ಉತ್ತಮ ಬರಹಗಾರರ ಸಮಸ್ಯೆ ಇದೆ. ಇದು ಚಿತ್ರರಂಗದ ದೊಡ್ಡ ಕೊರತೆ. ಬರಹಗಾರರ ಹಿಂದಿ ಮತ್ತು ಉರ್ದು ಭಾಷೆಯಲ್ಲಿ ಸಾಹಿತ್ಯ ಓದುವುದಿಲ್ಲ. ಹೊರಗೆ ಏನನ್ನೋ ನೋಡ್ತಾರೆ. ಅದನ್ನು ಇಲ್ಲಿ ನಕಲು ಮಾಡಲು ಪ್ರಯತ್ನಿಸುವರು'' ಎಂದಿದ್ದಾರೆ.

Recommended Video

ಇನ್ಯಾವತ್ತೂ Salman Khan ಸಿನಿಮಾ ವಿಮರ್ಶೆ ಮಾಡೋದಿಲ್ಲ ಎಂದ‌ KRK | Filmibeat Kannada

ಪೈರಸಿ ವಿರುದ್ಧ ಸಲ್ಲು ಹೋರಾಟ

ರಾಧೆ ಸಿನಿಮಾ ಬಿಡುಗಡೆಯಾದ ದಿನವೇ ಪೈರಸಿಯಾಯಿತು. ಸಾಮಾಜಿಕ ಜಾಲತಾಣದಲ್ಲಿ ರಾಧೆ ಪೈರಸಿ ಕಾಪಿ ಹರಿದಾಡಿದೆ. ಇದರ ವಿರುದ್ಧ ಸಲ್ಮಾನ್ ಖಾನ್ ಮತ್ತು ಜೀ ಸಂಸ್ಥೆ ನ್ಯಾಯಾಲಯದ ಮೊರೆ ಹೋಗಿದೆ. ರಾಧೆ ಪೈರಸಿ ಕುರಿತು ಆದೇಶ ನೀಡಿರುವ ಕೋರ್ಟ್ ''ಪೈರಸಿ ಹರಡಿಸುವ ಖಾತೆಯನ್ನು ರದ್ದುಗೊಳಿಸಿ'' ಎಂದು ವಾಟ್ಸಾಪ್ ಸಂಸ್ಥೆಗೆ ಸೂಚಿಸಿದೆ.