ದುಬೈನಲ್ಲಿದ್ದಾರೆ ಸಲ್ಮಾನ್‌ ಪತ್ನಿ-ಮಗಳು: ಸಹೋದರನನ್ನು ಪ್ರಶ್ನಿಸಿದ ಅರ್ಬಾಜ್ ಖಾನ್

ದುಬೈನಲ್ಲಿ ಸಲ್ಮಾನ್ ಪತ್ನಿ-ಮಗಳು?

ಅರ್ಬಾಜ್ ಖಾನ್ ನಿರೂಪಣೆ ಮಾಡುವ ಹೊಸ ಟಾಕ್ ಶೋನ ಮೊದಲ ಸಂಚಿಕೆಯಲ್ಲಿ ಸಹೋದರ ಸಲ್ಮಾನ್ ಖಾನ್ ಅತಿಥಿಯಾಗಿ ಭಾಗವಹಿಸಿದ್ದರು. ಈ ಸಂವಾದದಲ್ಲಿ ಸಲ್ಮಾನ್ ಖಾನ್‌ಗೆ ದುಬೈನಲ್ಲಿ ಪತ್ನಿ ಮತ್ತು 17 ವರ್ಷದ ಮಗಳು ಇದ್ದಾರೆ. ಸಲ್ಮಾನ್ ಅವರನ್ನು ಬಚ್ಚಿಟ್ಟಿದ್ದಾರೆ ಎಂದು ನೆಟ್ಟಿಗನೊಬ್ಬ ಕಾಮೆಂಟ್ ಮಾಡಿರುವ ವಿಚಾರವನ್ನು ಸ್ವತಃ ಅರ್ಬಾಜ್ ಖಾನ್ ಹೇಳಿದರು. ಅದಕ್ಕೆ ಪಾಸಿಟಿವ್ ಪ್ರತಿಕ್ರಿಯೆ ವ್ಯಕ್ತವಾಗಿದೆ ಎಂದೂ ತಿಳಿಸಿದರು. ಈ ಆರೋಪಕ್ಕೆ ಸಲ್ಲು ಸ್ಪಷ್ಟನೆ ನೀಡಿದ್ದಾರೆ.

ಎಷ್ಟು ದಿನ ಮೂರ್ಖರನ್ನಾಗಿಸುತ್ತೀರಾ?

''ನಿನ್ನ ಪತ್ನಿ ನೂರ್ ಮತ್ತು 17 ವರ್ಷದ ಮಗಳು ದುಬೈನಲ್ಲಿದ್ದಾರೆ ಎಂದು ಭಾರತೀಯರಿಗೆ ತಿಳಿದಿದೆ. ಎಷ್ಟು ದಿನ ನಮ್ಮನ್ನೂ ಮೂರ್ಖರನ್ನಾಗಿಸುತ್ತೀಯಾ?'' ಎಂದು ನೆಟ್ಟಿಗ ಮಾಡಿದ್ದ ಕಾಮೆಂಟ್ ಅರ್ಬಾಜ್ ಓದಿ ಹೇಳಿದರು. ಅದಕ್ಕೆ ಪ್ರತಿಕ್ರಿಯಿಸಿದ ಸಲ್ಮಾನ್, ''ಈ ಜನರು ತಿಳಿದವರು. ಇವೆಲ್ಲ ಅನಗತ್ಯ ವಿಷಯ. ಅವರು ಯಾರ ಕುರಿತು ಮಾತನಾಡುತ್ತಿದ್ದಾರೆ ಎಂದು ನನಗೆ ತಿಳಿದಿಲ್ಲ. ನನಗೆ ಪತ್ನಿ ಇಲ್ಲ, ನಾನು ಹಿಂದೂಸ್ತಾನ್ ಗ್ಯಾಲೆಕ್ಸಿ ಅಪಾರ್ಟ್‌ಮೆಂಟ್‌ನಲ್ಲಿ ವಾಸಿಸುತ್ತಿದ್ದೇನೆ. ನನ್ನ ಮೇಲೆ ನನ್ನ ತಂದೆ ವಾಸವಿದ್ದಾರೆ ಎಂದು ನಾನು ಅವರಿಗೆ ಪ್ರತಿಕ್ರಿಯೆ ಕೊಡ್ತೇನೆ ಎಂದು ಭಾವಿಸಿದ್ದಾರಾ? ಇದು ಭಾರತೀಯರಿಗೆ ತಿಳಿದಿದೆ'' ಎಂದು ಹೇಳಿದ್ದಾರೆ.

ಗೂಗಲ್‌ ಸರ್ಚ್‌ನಲ್ಲಿ ಹುಡುಕಾಟ ಹೆಚ್ಚಿದೆ

ಸಲ್ಲು ಭಾಯ್ ವೈವಾಹಿಕ ಜೀವನಕ್ಕೆ ಸಂಬಂಧಿಸಿದಂತೆ ಗೂಗಲ್‌ ಸರ್ಚ್‌ನಲ್ಲಿ ಬಹಳಷ್ಟು ಜನ ಹುಡುಕಾಡಿರುವುದು ನೋಡಬಹುದು. ಸಲ್ಮಾನ್ ಖಾನ್ ಪತ್ನಿ, ಸಲ್ಮಾನ್ ಖಾನ್ ಮಗಳು, ಸಲ್ಮಾನ್ ಖಾನ್ ಮದುವೆ, ಸಲ್ಮಾನ್ ಖಾನ್ ಪತ್ನಿ ನೂರ್, ಪತ್ನಿ ಫೋಟೋ ಹೀಗೆ ಹಲವು ಕೀ ವರ್ಡ್ಸ್ ಗೂಗಲ್‌ ಸರ್ಚ್‌ನಲ್ಲಿ ಸಾಮಾನ್ಯವಾಗಿದೆ.

Recommended Video

ಪಡ್ಡೆಗಳ ನಿದ್ದೆಗೆಡಿಸಿ ವಿಚಿತ್ರ ಸ್ಟೇಟಸ್ ಹಾಕಿದ ವಿಕ್ರಾಂತ್ ರೋಣ ಬೆಡಗಿ ಜಾಕ್ವೆಲಿನ್ ಫರ್ನಾಂಡಿಸ್

ಬಿಗ್ ಬಾಸ್ ಒಟಿಟಿ

ಸಲ್ಮಾನ್ ಖಾನ್ ನಟನೆಯ 'ರಾಧೇ' ಸಿನಿಮಾ ಒಟಿಟಿಯಲ್ಲಿ ಬಿಡುಗಡೆಯಾಗಿತ್ತು. ಆದರೆ, ಚಿತ್ರ ಸೋಲು ಕಂಡಿದೆ. ಪ್ರಸ್ತುತ, ಬಿಗ್ ಬಾಸ್ 15ನೇ ಆವೃತ್ತಿಯನ್ನು ಶುರು ಮಾಡಿರುವ ಸಲ್ಲು ಜೊತೆಗೆ 'ಟೈಗರ್-3' ಸಿನಿಮಾ ಪ್ರಕಟಿಸಿದ್ದಾರೆ. ಕತ್ರಿನಾ ಕೈಫ್ ಮತ್ತು ಇಮ್ರಾನ್ ಹಶ್ಮಿ ಈ ಚಿತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಮಹೇಶ್ ಶರ್ಮಾ ನಿರ್ದೇಶನವಿದೆ.