ಸಿನಿಮಾ, ಬಿಗ್ ಬಾಸ್ ಆಯ್ತು, ಇದೀಗ ವೆಬ್ ಸೀರಿಸ್ ಲೋಕದಲ್ಲಿ ಸಲ್ಮಾನ್ ಖಾನ್

ಸಲ್ಮಾನ್ ಖಾನ್ ನಿರ್ಮಾಣದಲ್ಲಿ ವೆಬ್ ಸೀರಿಸ್

ಅಂದ್ಹಾಗೆ ಸಲ್ಮಾನ್ ಖಾನ್ ವೆಬ್ ಸೀರಿಸ್ ನಲ್ಲಿ ನಟಿಸುತ್ತಿಲ್ಲ. ವೆಬ್ ಸೀರಿಸ್ ನಿರ್ಮಾಣ ಮಾಡುತ್ತಿದ್ದಾರೆ. ತನ್ನ ನಿರ್ಮಾಣದಲ್ಲಿ ಮೂಡಿ ಬರುತ್ತಿರುವ ವೆಬ್ ಸೀರಿಸ್ ನಲ್ಲಿ ಯುವ ಪ್ರತಿಭೆಗಳಿಗೆ ಅವಕಾಶ ನೀಡಿದ್ದಾರೆ. ಜಮ್ಮು ಕಾಶ್ಮೀರ ಮೂಲದ ಕಿರುತೆರೆ ನಟ ಮತ್ತು ಮಾಡೆಲ್ ಉಮ್ಮರ್ ಖಾನ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ.

ಸಲ್ಮಾನ್ ಖಾನ್ ವೆಬ್ ಸೀರಿಸ್ ನಲ್ಲಿ ಯುವ ಪ್ರತಿಭೆ

ನಟನಾಗಬೇಕೆಂದು ದೊಡ್ಡ ಆಸೆ ಇಟ್ಟುಕೊಂಡಿರುವ ಉಮ್ಮರ್ ಖಾನ್ ಕನಸಿಗೆ ಜೀವ ತುಂಬಿದ್ದಾರೆ ಸಲ್ಮಾನ್ ಖಾನ್. ಉಮ್ಮರ್ ಖಾನ್ ಈಗಾಗಲೇ ಆಲ್ಬಮ್ ಸಾಂಗ್ ಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ದೆಹಲಿಯಲ್ಲಿ ಅಭಿನಯ ತರಬೇತಿ ಪಡೆದಿರುವ ಉಮ್ಮರ್ ತಮಿಳು ಸಿನಿಮಾದಲ್ಲಿಯೂ ನಟಿಸಿದ್ದಾರೆ.

ನೀವು ನನಗಾಗಿ ಹಾಡಿದ ಪ್ರತಿಯೊಂದು ಹಾಡಿಗೂ ಧನ್ಯವಾದಗಳು: ಎಸ್ ಪಿ ಬಿ ಬಗ್ಗೆ ಸಲ್ಮಾನ್ ಖಾನ್ ಭಾವುಕ ಮಾತು

ಸ್ಪೋರ್ಟ್ಸ್ ಬೇಸ್ಡ್ ಸೀರಿಸ್ ನಿರ್ಮಾಣ

ಸ್ಪೋರ್ಟ್ಸ್ ಬೇಸ್ಡ್ ಸೀರಿಸ್ ಮಾಡಬೇಕು ಎನ್ನುವುದು ಸಲ್ಮಾನ್ ಕನಸು. ದೇಸಿ ಕ್ರೀಡೆಯ ಬಗ್ಗೆ ವೆಬ್ ಸೀರಿಸ್ ಮಾಡಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಸುಲ್ತಾನ್ ಮೂಲಕ ಕುಸ್ತಿ ಪಟುವಾಗಿ ಅಭಿಮಾನಿಗಳ ಮುಂದೆ ಬಂದಿದ್ದ ಸಲ್ಮಾನ್ ಇದೀಗ ತನ್ನ ನಿರ್ಮಾಣದ ವೆಬ್ ಸೀರಿಸ್ ಮೂಲಕ ದೇಸಿ ಕ್ರೀಡೆಗೆ ಒತ್ತು ನೀಡುತ್ತಿದ್ದಾರೆ. ಸದ್ಯ ವೆಬ್ ಸೀರಿಸ್ ಗೆ ಎಲ್ಲಾ ತಯಾರಿಗಳನ್ನು ಮಾಡಿಕೊಂಡಿರುವ ಸಲ್ಲು ಮತ್ತು ತಂಡ ಮುಂದಿನ ವರ್ಷ ಚಿತ್ರೀಕರಣ ಪ್ರಾರಂಭಿಸಲಿದ್ದಾರೆ ಎಂದು ಹೇಳಲಾಗುತ್ತಿದೆ.

Recommended Video

Abhishek Ambarish ಹುಟ್ಟುಹಬ್ಬಕ್ಕೆ ಸ್ಪೆಷಲ್ ಗಿಫ್ಟ್ ಕೊಟ್ಟ ದುನಿಯಾ ಸೂರಿ | Bad Manners | Oneindia Kannada

ಸಿನಿಮಾ ಶೂಟಿಂಗ್ ಪ್ರಾರಂಭಿಸಿದ ಸಲ್ಮಾನ್

ಸಲ್ಮಾನ್ ಖಾನ್ ಸದ್ಯ ರಾಧೆ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಲಾಕ್ ಡೌನ್ ನಿಂದ ಸುಮಾರು 7 ತಿಂಗಳುಗಳ ಕಾಲ ಚಿತ್ರೀಕರಣ ಸ್ಥಗಿತಗೊಳಿಸಲಾಗಿತ್ತು. ಇದೀಗ ಮತ್ತೆ ಚಿತ್ರೀಕರಣಕ್ಕೆ ಹೊರಡಲು ಸಿದ್ಧರಾಗಿದ್ದಾರೆ. ಮುಂಬೈನಲ್ಲಿಯೇ ಚಿತ್ರೀಕರಣ ಮಾಡಲಿದ್ದು, 15 ದಿನಗಳ ಕಾಲ ಚಿತ್ರೀಕರಣ ನಡೆಯಲಿದೆ. ದಬಾಂಗ್-3 ಬಳಿಕ ಸಲ್ಮಾನ್ ನಟಿಸುತ್ತಿರುವ ಸಿನಿಮಾವಿದು.