Don't Miss!
- News Bengaluru Heat Wave: ಮಳೆಯ ನಡುವೆ ಮತ್ತೆ ದಾಖಲೆಯ ಗರಿಷ್ಠ ತಾಪಮಾನ: ಶಾಖದ ಅಲೆ ಮುನ್ಸೂಚನೆ
- Sports CSK vs LSG IPL 2024: ಚೆನ್ನೈನ ಚೆಪಾಕ್ ಕೋಟೆಯನ್ನು ಭೇದಿಸುವುದೇ ಲಕ್ನೋ?; ಸಂಭಾವ್ಯ ಆಡುವ 11ರ ಬಳಗ
- Automobiles Ola: ಓಲಾದಿಂದ ಕಡಿಮೆ ಬೆಲೆಯ 'ಎಸ್1 ಎಕ್ಸ್' ಎಲೆಕ್ಟ್ರಿಕ್ ಸ್ಕೂಟರ್ ಬಗ್ಗೆ ದೊಡ್ಡ ಘೋಷಣೆ.. ಏನದು?
- Technology ನಾಳೆ ವಿವೋದ ಈ ಹೊಸ ಫೋನ್ ಫಸ್ಟ್ ಸೇಲ್!..ಬಜೆಟ್ ಬೆಲೆಗೆ ಲಭ್ಯ!
- Lifestyle ಪ್ರತಿ ಲೀ ಕತ್ತೆ ಹಾಲಿಗೆ ₹5,000..! 20 ಕತ್ತೆಗಳ ಮೂಲಕ ₹2.5 ಕೋಟಿ ವ್ಯವಹಾರ..!
- Finance Bengaluru Karaga: ಇಂದು ಈ ರಸ್ತೆಗಳಲ್ಲಿ ಸಂಚಾರ ಬಂದ್, ಬದಲಿ ಮಾರ್ಗ ವಿವರ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಶಾರೂಖ್ ಈ ಮಟ್ಟಕ್ಕೆ ಬೆಳೆಯೋಕೆ ಸಲ್ಮಾನ್ ಕಾರಣ!
ಕಿಂಗ್ ಖಾನ್ ಶಾರೂಖ್ ಮತ್ತು ಸಲ್ಮಾನ್ ಖಾನ್ ಕಟ್ಟಾ ವೈರಿಗಳು. ಒಬ್ಬರನ್ನ ಕಂಡರೆ ಮತ್ತೊಬ್ಬರಿಗೆ ಆಗಲ್ಲ ಅನ್ನುವ ಸುದ್ದಿ ಜಮಾನದ್ದು. ಹಳೇ ವೈಷಮ್ಯಕ್ಕೆ ಎಳ್ಳುನೀರು ಬಿಟ್ಟು, ಇದೀಗ 'ಭಾಯಿ ಭಾಯಿ' ಅನ್ನುತ್ತಿರುವ ಶಾರೂಖ್-ಸಲ್ಮಾನ್ ರದ್ದು 'ಅವಿನಾಭಾವ ನಂಟು' ಅನ್ನುವುದಕ್ಕೆ ಅರ್ಪಿತಾ ಖಾನ್ ಮದುವೆ ಸಮಾರಂಭದ ಅಪರೂಪದ ಘಟನೆಗಳನ್ನು ನೆನಪಿಸಿಕೊಳ್ಳಿ.
ಉತ್ತಮ ಬಾಂಧವ್ಯ ಹೊಂದಿರುವ ಶಾರೂಖ್-ಸಲ್ಮಾನ್ ಸ್ನೇಹ ಇಂದು ನಿನ್ನೆಯದ್ದಲ್ಲ. ಬಾಲಿವುಡ್ ಗೆ ಕಾಲಿಟ್ಟಾಗಿನಿಂದಲೂ ಇಬ್ಬರೂ ಬೆಸ್ಟ್ ಫ್ರೆಂಡ್ಸ್. ಇಂದು ಬಾಲಿವುಡ್ ಗೆ ಬಾದ್ ಷಾ ಆಗಿರುವ ಶಾರೂಖ್, 'ಕಿಂಗ್ ಆಫ್ ರೋಮ್ಯಾನ್ಸ್' ಆಗುವುದಕ್ಕೆ ಬ್ಯಾಡ್ ಬಾಯ್ ಸಲ್ಮಾನ್ ಕಾರಣ! ಅಂದ್ರೆ ನೀವು ನಂಬಲೇಬೇಕು. [ಅಗ್ರಸ್ಥಾನದಿಂದ ಶಾರುಖ್ ಕೆಳಕ್ಕೆ ತಳ್ಳಿದ ಸಲ್ಮಾನ್]
ಹೌದು, ಬಾಲಿವುಡ್ ಗೆ ಶಾರೂಖ್ ಅಡಿಯಿಟ್ಟಾಗ ಸಿಗುತ್ತಿದ್ದದ್ದು ಬೆರಳೆಣಿಕೆಯ ಅವಕಾಶಗಳಷ್ಟೇ. 'ಹೀರೋ ಪಾತ್ರಗಳಿಗಿಂತ ಹೆಚ್ಚಾಗಿ ನೆಗೆಟಿವ್ ಶೇಡ್ ಇರುವಂಥ ಪಾತ್ರಗಳೇ ಶಾರೂಖ್ ಗೆ ಲಾಯಕ್ಕು', ಅಂತ ಬರೀ ಅಂತದ್ದೇ ಆಫರ್ ಗಳು ಹೆಚ್ಚಾಗಿ ಬರುತ್ತಿದ್ದವು. ಆಗ ಶಾರೂಖ್ ಗೆ ರೋಮ್ಯಾಂಟಿಕ್ ಇಮೇಜ್ ತಂದುಕೊಡುವಲ್ಲಿ ಯಶಸ್ವಿಯಾಗಿದ್ದು 'ದಿಲ್ ವಾಲೇ ದುಲ್ಹನಿಯಾ ಲೇ ಜಾಯೇಂಗೆ' ಚಿತ್ರ.
'ಡಿ.ಡಿ.ಎಲ್.ಜೆ ಅಂತಹ ರೋಮ್ಯಾಂಟಿಕ್ ಸಿನಿಮಾಗೆ ಸೈಫ್ ಅಲಿ ಖಾನ್ ರಂತಹ ಚಾಕಲೇಟ್ ಬಾಯ್ ಮುಖಗಳು ಸೂಕ್ತ', ಅಂತ ಅಭಿಪ್ರಾಯ ಪಟ್ಟಿದ್ದ ಆದಿತ್ಯ ಛೋಪ್ರಾ, ಶಾರೂಖ್ ಬಗ್ಗೆ ಒಮ್ಮೆ ಯೋಚಿಸುವುದಕ್ಕೆ ಕಾರಣ ಸಲ್ಮಾನ್ ಖಾನ್. ನಿರ್ದೇಶಕ ಆದಿತ್ಯ ಛೋಪ್ರಾ, 'ರಾಜ್ ಮಲ್ಹೋತ್ರ' ಪಾತ್ರಕ್ಕೆ ಆಫರ್ ಮಾಡಿದಾಗ, ಅದಕ್ಕೆ ಒಪ್ಪಿಕೊಳ್ಳುವುದಕ್ಕೆ ಶಾರೂಖ್ ಮೊದಲು ಹಿಂದು ಮುಂದು ನೋಡಿದ್ರಂತೆ. [ಛೀ..ಇದೆಂಥ ಮಾಡಿಬಿಟ್ರು ಶಾರುಖ್-ಸಲ್ಮಾನ್!]
ಯಾಕಂದ್ರೆ, ಅಷ್ಟರಲ್ಲಾಗಲೇ 'ಬಾಜಿಗರ್', 'ಡರ್', 'ಅಂಜಾಮ್' ಸಿನಿಮಾಗಳಲ್ಲಿ ವಿಲನ್ ಆಗಿ ಕಾಣಿಸಿಕೊಂಡಿದ್ದ ಶಾರೂಖ್, 'ಚಾಕಲೇಟ್ ಬಾಯ್ ಆದ್ರೆ, ಜನ ಒಪ್ಪಿಕೊಳ್ಳುವುದಿಲ್ಲ', ಅಂತ ಹಿಂದೆ ಸರಿದ್ದಿದ್ದರಂತೆ. ಆಗ, ಶಾರೂಖ್ ಮನಸ್ಸು ಬದಲಾಯಿಸಿ, ಚಿತ್ರಕ್ಕೆ ಗ್ರೀನ್ ಸಿಗ್ನಲ್ ಕೊಡಿಸಿದವರು ಬಾಲಿವುಡ್ ಟೈಗರ್ ಸಲ್ಮಾನ್ ಖಾನ್.
ಶಾರೂಖ್ ಮೇಲೆ ಅಪಾರ ನಂಬಿಕೆ ಇಟ್ಟಿದ್ದ ಸಲ್ಮಾನ್, 'ರಾಜ್ ಪಾತ್ರಕ್ಕೆ ಶಾರೂಖ್ ಸೂಕ್ತ. ಶಾರೂಖ್ ಡಿ.ಡಿ.ಎಲ್.ಜೆ ಚಿತ್ರದಲ್ಲಿ ನಟಿಸಿದರೆ ಸಿನಿಮಾ ಸೂಪರ್ ಹಿಟ್ ಆಗುತ್ತೆ', ಅಂತ ಸಲ್ಮಾನ್ ಭವಿಷ್ಯ ನುಡಿದಿದ್ದರಂತೆ. ಸಲ್ಲು ಅಂದು ಆಡಿದ್ದ ಮಾತು ಅಕ್ಷರಶಃ ನಿಜವಾಗಿದೆ. ಡಿ.ಡಿ.ಎಲ್.ಜೆ ಸೂಪರ್ ಡ್ಯೂಪರ್ ಹಿಟ್ ಆಗಿದೆ. 1000 ವಾರಗಳ ಅಮೋಘ ಪ್ರದರ್ಶನ ಕಂಡಿದೆ. ['ಡಿ.ಡಿ.ಎಲ್.ಜೆ' ಚಿತ್ರಕ್ಕಿಂದು ಸಹಸ್ರ ಸಂಭ್ರಮ]
ಇದೇ ಖುಷಿಯಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ, ಶಾರೂಖ್ ಖಾನ್ ಈ ವಿಷಯವನ್ನು ಬಹಿರಂಗ ಪಡಿಸಿದರು. ತಮ್ಮ ವೃತ್ತಿ ಜೀವನಕ್ಕೆ ದೊಡ್ಡ ತಿರುವು ನೀಡಿದ ಸಲ್ಮಾನ್ ಬಗ್ಗೆ ಶಾರೂಖ್ ಕೊಂಡಾಡಿದರು. ಇದಕ್ಕೆ ಅಲ್ಲವೇ 'ಸ್ವಾರ್ಥವಿಲ್ಲದ ಸ್ನೇಹ ಎಲ್ಲದಕ್ಕಿಂತ ಮಿಗಿಲ್ಲು' ಅನ್ನುವುದು..?! (ಏಜೆನ್ಸೀಸ್)